1 Samuel 12:15 - Tayta Diosninchi Isquirbichishan

¹⁵ Pay nishanta mana ruraptiquega mana wiyacuptiquega gamcunatapis rayniquitapis castigashunquipämi.

1 Samuel 12:15 Referans Kwoze

Josué 24:20

Tayta Diosta cachaycur juc dioscunatana aduraptiquega pay fiyupa mana allicunawanmi castigashunquipaj. Alli goyänayquipaj yanapäshushayquimannöllami castigashunquipäpis ushajpaj illgächishunayquicama.»

Isaías 1:20

Imaypis chaynölla mana wiyacoj cashpayquimi ichanga imanöpa gueshpiyta munarpis guërracho wañunquipaj.» Quiquin Tayta Diosmi chayno nisha.

Isaías 3:11

¡Ay imanöraj canga juchasapacuna! Paycunataga imatapis rurashanman-tupumi Tayta Dios cutichenga.

1 Samuel 12:9

Chaypis unay caj famillyanchïcunaga Tayta Diosta pasaypami gongaycuran. Chaymi Tayta Diospis juccunapa munayninman cachaycuran. Chaura Hazorpa raynin Jabinpa suldäruncunapa mandajnin Sisarapa munayninchöna ricacuran. Filistea runacunapis, Moab runacunapis munaynincho charararan. Famillyanchïcunataga llapanmi magaran.

1 Samuel 5:9

Chaychöpis Tayta Diosga llapan runacunata fiyupa mancharachiran. Chupu usharan wamracunapita asta auquincama.

Lamentaciones 1:18

Jerusalén nin: «Tayta Diosga rasun cajtami rurasha pay nimashanta mana wiyacushäpita. Marcacuna wiyamay-llapa. Ricamay-llapa imano nanächicuycajtapis. Nogapitaga mösucunata jipashcunatapis prësumi apacusha.

Deuteronomio 31:27

Nogaga musyänami mana wiyacoj, mana tantiyacoj runacuna cashayquita. Cawaycaptillänami fiyupa Tayta Diosta rabyachishcanqui ¡Wañucuptënaga imatanaraj ruranquipis!

Jueces 2:15

Piwanpis Israelcuna pillyananpaj aywaptin Tayta Dios rabyashpan paycunapa contranna ricacuran. Chaymi contrancunata mana binsejchu. Unay willapashannömi paycunataga Tayta Dios manana yanaparanchu. Chaura Israelcunaga fiyupana ñacaranpis.

2 Crónicas 15:2

Asata tariparcur niran: «Ray Asa, Judäcuna, Benjamincuna llapayqui wiyamay. Tayta Diosman yäracuptiquega Tayta Diospis gamcunawanmi caycan. Pay munashanno goyaptiquega yanapäshunquimi. Payta gongaycäriptiquimi ichanga cachaycushunquipaj.