1 Pedro 1:24 - Tayta Diosninchi Isquirbichishan

²⁴ Alli willacuynin mana ushacaj cashantaga Tayta Diospa palabranchöpis niycan: «Llapan runacunapis guewanöllami. Cuyayllapaj cashanpis waytano ushacajllami. Guewapis chaquicäcunmi, waytapis wañuytacäcunmi.

1 Pedro 1:24 Referans Kwoze

Salmos 103:15

Runaga guewanöllami cawan. Yurin jircacho wiñamoj waytanöllami.

Santiago 4:14

Gamcuna manami musyanquichu waracuna imaman chayanayquitapis. Runaga ushacajllami. Goshtaynöllami yurircur manapis aycällatana illgacäcun.

Salmos 37:2

Paycunaga guewa chaquejnöpis rätumi ushacäcun. Llullu guewa wañuytacäcojnömi ruracäcun.

2 Reyes 19:26

Chay siudäcunacho tiyajcunanami fiyupa mancharir pengay-tucusha quëdasha. Jircacho caj berdi guewacuna, wasi janancho llullu guewacuna fiyupa usyawan chaquicäcojnömi quëdasha.

1 Juan 2:17

Cay pachaga ushacangami. Jucha ruraypis ushacangami. Tayta Dios munashanno cawajcunami ichanga mana ushacaj cawayta tarenga.

Salmos 129:6

Wasi janan tëjacunacho usyawan guewa wañuytajno ushacächun.

Salmos 92:7

Fiyucuna guewano mirashpanpis, llapan mana allita rurashancuna alli llojshipaptinpis paycunaga carcaycan para-simri illgänallanpämi.

Salmos 102:4

Guewa wañuytajnömi shongöpis ushaycan. Manami micunäpischu.

Salmos 90:5

Illajpitami runacunataga gam apacunqui. Suyñushancuna illgashannöllami runacunataga illgächinqui.

Job 14:2

Payga wayta pashtarcur wañuytacäcojnöllami. Cawanpis llantuy päsacojnöllami.

Salmos 39:6

«Llapan runacunapis cawan llantuyno päsacojllami. Yangallami imatapis shuntacusha gotucusha. Manami musyanchu riquësancunawan pï quëdananpaj cashantapis.

Isaías 51:12

Tayta Diosmi cayno nisha: «Noga quiquëmi gamcunataga shacyächë. ¿Pitataj manchacunqui? ¿Runa-masiquitachu? ¿Guewanölla wañoj runacunatachu manchacunqui?

Mateo 6:30

Jircacho caycaj guewa chaquiptin rupachisha cananpaj captinpis Tayta Diosga cuyayllapätami wiñachimun. Yäracuyniynaj runacuna, waytacunatapis cuyayllapäta wiñaycächerga ¿manachuraj gamcunatapis Tayta Diosga röpata tarichishunqui?