1 Juan 2:17 - Tayta Diosninchi Isquirbichishan

¹⁷ Cay pachaga ushacangami. Jucha ruraypis ushacangami. Tayta Dios munashanno cawajcunami ichanga mana ushacaj cawayta tarenga.

1 Juan 2:17 Referans Kwoze

Mateo 24:35

Janaj pachapis cay pachapis ushacangami. Noga nishäcunami ichanga mana illgangapächu. Nishäcunaga llapanmi cumlenga.

Romanos 12:2

Waquin runacuna shongun munashanta rurar cawashannöga amana cawaynachu. Chaypa ruquenga llutan yarpaycunata y jucha ruraycunata cachaycur yarpachacuy Tayta Diosninchi munashanno cawanayquipaj. Chaynöpami tantiyanquipaj Tayta Diosninchi munashanno cawayga mas alli caway cashanta.

1 Corintios 7:31

Cay pachacho ima-aycayojpis cajcuna imanpis mana cajno cawanman. Cay ricaycashanchi pachaga ushacaycannami.

1 Pedro 4:2

Chaynöpami juchallata ruraj runacunanöga mana cawanquipänachu. Man'chäga Tayta Dios munashannöllanami cawanquipaj.

Hebreos 10:36

Cay pachacho ñacarpis gamcunaga Tayta Diosman yäracuy. Chaynöpami Tayta Dios munashanno cawar Pay aunishancunata chasquinquipaj.

Marcos 3:35

Pipis Tayta Dios munashanno cawaj cajmi nogapa mamäno, wauguëcunano, pañëcunanöga caycan.»

1 Pedro 1:5

Payman yäracushayquipitami Tayta Diosninchi munayniyoj cashpan imapitapis chapaycäshunqui. Chaymi ushanan junajcunachöga erensyayquita chasquinquipaj.

1 Tesalonicenses 4:3

Tayta Diosninchëga munan juchata mana ruraypa cawanayquitami. Manami munanchu pipis jucwan-jucwan cacunantaga.

Juan 4:14

Noga tarichishä yacuta upoj cäga mananami imaypis yacunanganachu. Noga tarichishä yacuga quiquin runachömi pucyuno canga. Chaymi chay yacuga canga imaycamapis cawachicoj yacu.»

Salmos 143:10

Tantiyachimay gam munashayquino cawanäpaj. Gammi Tayta Diosnë canqui. Espirituyqui yanapämächun ari allillata ruranäpaj.

Mateo 7:21

« ‹Tayta, Tayta› nimajcunaga manami llapanchu Tayta Diospa maquincho cawananpaj chayanga. Chaypa ruquenga syëlucho caycaj Tayta Dios munashanno cawajcunallami chayanga.

Santiago 4:14

Gamcuna manami musyanquichu waracuna imaman chayanayquitapis. Runaga ushacajllami. Goshtaynöllami yurircur manapis aycällatana illgacäcun.

Juan 6:58

Janaj pachapita shamoj tantaga nogami caycä. Chay tantaga manami unay awiluyquicuna manäta micushannöchu. Manäta micurpis paycunaga wañuranmi. Cay tantata micoj cajmi ichanga imaycamapis cawanga.»

Mateo 21:31

«Canan, mä nimay. ¿Maygantaj papäninta wiyacusha?» Chaura paycunaga «Rimir cajmi» niran. Niptin Jesús niran: «Gamcunapa ñaupayquitami impuestuta cobrajcuna, guellaypaj runacunata chasquej warmicunapis Tayta Diospa maquincho cawananpaj yaycuycan.

1 Tesalonicenses 5:18

Imapitapis Tayta Diosninchïta agradësicuy. Jesucristupa maquincho caycaptiquega chayno cawanayquitami Tayta Diosninchi munan.

Colosenses 4:12

Marca-masiqui Epafraspis salüdunta apachicamushunquimi. Payga Tayta Jesucristuta allimi sirbin. Paymi gamcunapaj Diosninchïta imaypis mañacuycan Diosninchi munashanno cawanayquipaj.

Proverbios 10:25

Löcu wayra imatapis apacushannömi fiyu runaga illgan. Alli runami ichanga imaycamapis caycanga.

Colosenses 1:9

Chayta musyashä junajpita-pachami waran-waran gamcunapaj Tayta Diosta mañacuycä. Chaynöpis mañacuycä Espíritu Santu yachayta goycushunayquipaj, Tayta Diospa buluntäninta musyanayquipaj.

Juan 7:17

Tayta Dios munashanta rurayta munaj cäga tantiyacongami yachaycächishä Tayta Diospita cashanta u quiquinpa yarpayllanpita cashantapis.

Salmos 90:9

Rabyacurcuptiquega nogacuna usharaycämi. Jämayta cacharcuynöllami watäcunapis päsacurin.

Salmos 39:6

«Llapan runacunapis cawan llantuyno päsacojllami. Yangallami imatapis shuntacusha gotucusha. Manami musyanchu riquësancunawan pï quëdananpaj cashantapis.

Salmos 102:26

Llapanmi chaycunapis illgangapaj. Gammi ichanga jinalla caycanquipaj. Llapan chaycunaga röpanömi ushacanga. Juc runa röpata rucacurejno gam rucachiptiquega rucachishami canga.