1 Corintios 5:12 - Tayta Diosninchi Isquirbichishan

^12-13 Noganchëga ¿pitaj canchi Jesucristuman mana yäracojcunata jusgananchïpaj? Paycunataga quiquin Tayta Diosninchïnami jusganga. Yäracoj-masinchïcunatami ichanga juchata ruraptin jusgananchïpaj y piñacunanchïpäpis munayniyoj caycanchi. Chayno captenga juchata sïguir ruraycaj ermänuta shuntacashayquipita gargunqui.

1 Corintios 5:12 Referans Kwoze

Marcos 4:11

Chaura Jesús niran: «Gamcunataga Diosmi tantiyaycächishunqui imano Paypa maquincho cananpaj cajtapis. Waquincunatami ichanga yachachë imamanpis tincuchiyllapa.

1 Timoteo 3:7

Mayur ermänu cayta munajcunaga Tayta Diosman mana yäracojcunapitapis alli rispitasha canman. Chauraga pipis manami manacajman churangachu. Chaynöpami Satanaspis mana engañanganachu.

Lucas 12:14

Ichanga Jesús niran: «¿Juezchu u albasyayquichu cä chayno nimänayquipäga?»

1 Tesalonicenses 4:12

Chayno aruptiquega imayquipis manami pishëshunquipächu. Arucur cawaptiquega Jesucristuman mana yäracojcunapis rispitashunquipämi.

Colosenses 4:5

Jesucristuman mana yäracojcunawan alli caway. Listu camaricushalla caycay paycunatapis Jesucristupa alli willacuyninta willapänayquipaj.

Juan 18:36

Niptin Jesús niran: «Nogaga manami cay pachachöchu mandaj cä. Cay pachacho mandaj captëga yanapämajcuna Israelcunawan pillyanmanmi caran. Ichanga manami cay pachachöchu mandaj cä.»