1 Corintios 3:7 - Tayta Diosninchi Isquirbichishan

⁷ Chauraga manami muroj cajchu ni pargoj cajpischu muruta wiñachimun. Chaypa ruquenga Tayta Diosninchïmi murushana caycajta wiñachimun.

1 Corintios 3:7 Referans Kwoze

Juan 15:5

«Noga caycä übas lantami. Gamcunami rämä carcaycanqui. Chaymi nogaman yäracamuptiquega yanapäshayqui Tayta Dios munashanno cawanayquipaj. Chaynöpami übas alli wayushanno gamcunapis allita rurar goyanquipaj. Nogaman mana yäracamorga manami imanöpapis Tayta Dios munashanno cawanquipächu.

Gálatas 6:3

Chaura pipis mana imapis caycar alli-tucorga quiquillanmi manacajman churacuycan.

2 Corintios 12:9

Ichanga pay nimaran: «Cuyashalläwan cuntintacuy. Munayniyoj cashätaga runacuna tantiyaconga quiquillanpitaga imatapis rurayta mana puydejcunata yanapaptëmi.» Chaymi quiquilläpitaga imata ruraytapis mana camäpacur cushicö. Chayno yanapämaptinmi musyacan Jesucristo munayniyoj cashan.

Salmos 115:1

Tayta Dios, gamlla alabasha cay ari. Ama nogacunataga alabamächunchu. Gamtaga alabashunqui cuyapäcoj cashayquipita, rasun cajta ruraj cashayquipitami.

1 Corintios 13:2

Tayta Dios tantiyachishancunata sumaj willacurpis o ima päsananpaj cajcunata musyarpis o pï-may runapita mas yacharpis cuyacuyta mana yacharga manami imapäpis bälëchu. Tayta Diosman llapan shongöpa yäracur jircacuna witicunanpaj niptë witicuptinpis cuyacuyta mana yacharga manami imapäpis bälëchu.

Daniel 4:35

Paypäga manami imapischu cay pachacho tiyaj runacunaga. Payga munashannömi imatapis ruran, janaj pachacho cay pachachöpis. Paytaga manami pipis ichipanchu. Manami pipis tapunpischu ‹¿imanirtaj chayno rurashcanqui?› nir.

Isaías 41:29

¡Chay dioscunaga mayganpis manami imapischu! Imata ruraytapis manami camäpacunchu. Chaycunaga caycan runa rurashallan y mana-bälejcunallami.»

Isaías 40:17

Paypa ñaupanchöga llapan nasyuncunapis manami imapischu. Paypäga llapanpis manacajllami caycan.

Salmos 90:17

Tayta Dios nogacunata musyaycachimay cuyacoj cashayquita. Aruynëcunamanpis bindisyunniquita churaycuy. Bindisyunniquita churaycuy ari aruynëcunamanga.

1 Corintios 3:6

Muruta muroj runa murushannömi gamcunata willapashcä Jesucristuta chasquicunayquipaj. Apolosnami juc runa murushanta pargojnöpis Jesucristupa willacuyninta mastana tantiyachishurayqui. Murushanchïta wiñachimushannöpis Tayta Diosninchïmi gamcunata sumaj tantiyachishurayqui Jesucristuman yäracunayquipaj.

1 Corintios 3:8

Muroj cajpis pargoj cajpis iwal-llami. Tayta Diosnami ichanga cada-ünunta päganga imano rurashantapis ricaycur.

2 Corintios 12:11

Alabacur wichaypa uraypa rimanäpäpis quiquiquicunami ashipämashcanqui. Alabacunäpa ruquenga gamcunami nogataga alabamanquiman caran. Manacajlla cashäta apostul-tucojcuna yarpaptinpis manami paycunapita mas mënuschu cä.