11 Runa imata yarpashantapis juc runaga manami musyanchu. Quiquinpa shongullanmi musyan. Chaynömi Tayta Dios imata yarpashantapis Espíritu Santullami musyan.
Tayta Diosmi espiritunta runaman churasha. Chaynöpami runaga yarpashancuna alli mana alli cashantapis musyan.
Noganchïtami ichanga Tayta Diosninchi Espíritu Santunwan musyachimashcanchi. Espíritu Santuga llapantami musyan. Tayta Diosninchi imano cashallantapis llapantami musyan.
«Runapa shongonga fiyupa mana tantiyaypämi. ¿Piraj tantiyanman llullapar engañaycashanta? ¿Piraj musyanman mana allita rurayta yarpaycashanta?
Runa llaquicuycashantaga pipis manami musyanchu. Cushisha caycashantapis manami pipis ricanchu. Quiquinpa shongullanmi musyan.
Shongullancho runa yarpashanga jundu yacunömi. Alli yachaj tantiyacoj runami ichanga musyan imano tariytapis.
¿Diosta pacayllapa tantiyachejchu canqui? ¿Gamllachu cay munduchöga llapantapis mas yachanqui?
Waquintami Espíritu Santu yachayta gon tantiyacajta parlananpaj. Waquintana chay Espíritu Santulla yachayta gon yachacurcur waquintapis sumaj yachachinanpaj.