1 Corintios 16:18 - Tayta Diosninchi Isquirbichishan

¹⁸ Gamcunata shacyächishushayquinöllami nogacunatapis paycuna shacyächimasha cushishalla Jesucristupa willacuyninta willacunäpaj. Paycunano cajtaga alli ricaycunqui.

1 Corintios 16:18 Referans Kwoze

Filemón 1:7

Tayta Diosninchi munashanno cawananpaj yäracoj-masinchïcunata shacyächishayquitami musyashcä. Chayta musyarmi nogapis fiyupa cushicö.

2 Corintios 7:13

Gamcuna mana gongamashayquita musyarmi nogacuna fiyupa cushicushcä. Chaypitapis masga cushicushcäcuna Tito gamcuna cajpita cutiycamur allita willamashanpitami. Ima allishi gamcunaga payta shacyächishcanqui.

1 Tesalonicenses 5:12

Ermänucuna, Taytanchi Jesucristupa alli willacuyninta yachachishojniquicunata alli rispitay-llapa. Paycunaga allimi pusharäshunqui, shacyächishunqui Tayta Diosninchi munashannölla cawanayquipaj.

Colosenses 4:8

Chaymi payta cachaycämö imano caycashätapis willashunayquipaj. Paymi shacyächishunquipaj mana cachaycuypa Diosninchïman yäracunayquipaj.

Romanos 15:32

Jerusalencho llapanpis alli cananpaj Tayta Diosninchi yanapämaptenga gamcuna cajman chayamuptë cushishami goyäshunpaj.

Proverbios 25:25

Carupita alli willapata chayachimushanga caycan yacunaywan wañuycaptin ïlaj yacu shongunman chayarcojnörämi.

Proverbios 25:13

Alli cachaga cachajpaj caycan usya quillacho allpa shanshaycaptin tamyarcojnömi. Mandajninta alli cushicachin.

3 Juan 1:4

Wamräcuna chayno Tayta Diosman rasunpa yäracuptenga noga fiyupami cushicö.

Filemón 1:20

Filemón, yäracoj-masë captiquimi gamta ruwacö nishäta cumlinayquipaj. Ruwacushäta cumliptiquega cushicushämi.

Hebreos 13:7

Tayta Diospa palabranta ñaupata willacojcunataga sumaj ricacunquiman. Paycunaga wañuy janancho caycarpis Tayta Diosnillanchïmanmi yäracuran. Chaymi paycuna alli cawashanno cawanquiman. Rimashantapis ama gonganquichu.