1 Corintios 1:29 - Tayta Diosninchi Isquirbichishan

²⁹ Chayno captenga Tayta Diospa ñaupancho pipis manami alli-tuconganachu.

1 Corintios 1:29 Referans Kwoze

Romanos 3:27

Cananga ¿imapitataj alabacushun? Manami imapita alabacunanchïpis camacanchu. ¿Imanir? ¿Layta cumlishanchïpitachu? Manami, Jesucristuman riguir yäracushanchïpitami.

Efesios 2:9

Manami allicunata rurashayquipitachu salbashurayqui. Chaymi pipis mana alli-tucongachu «caytami wactami rurashcä» nir.

1 Corintios 4:7

Gamtaga ¿pitaj waquinpita mas alli cashayquita nishurayqui? ¿Llapan yachashayquitapis manachu Tayta Diospita chasquishcanqui? Chayno chasquisha caycarga ¿imanirtaj yarpaycanqui yachaj cashayqui quiquillayquipita cashanta?

1 Corintios 1:31

Tayta Diosninchïpa palabranchöpis cayno niycan: «Pipis cushicorga Tayta Diosninchi llapanta camacächishanpitami cushicunman.»

Romanos 15:17

Chaymi Jesucristo yanapämaptin Tayta Diosninchïpaj imatapis rurasha car cushisha caycä.

Romanos 3:19

Tayta Diosninchïpa palabrancho chayno niptinmi musyanchi Israelcunapis juchayoj cashanta. Chaymi llapan runacunata Tayta Diosninchi jusgaptin imano chapacuytapis mana puydengapächu.

Jeremías 9:23

Tayta Diosmi nin: «Musyaj-yachajpis musyaj yachaj cashanpita ama alli-tucuchunchu. Munayniyojpis munayniyoj cashanpita ama alli-tucuchunchu. Rïcupis rïcu cashanpita ama alli-tucuchunchu.

1 Corintios 5:6

Gamcuna alabacur mana allitami ruraycanqui. Chay runa allita ruraycashanta yarpar chasquiparga mana allitami ruraycanqui. ¿Manachu musyanqui «Wallca lebadürallami mäsata achcaman jacachin» nishanta?

Romanos 4:2

Abrahamtapis Tayta Diosninchi alli ricaran manami allicunata rurashanpitachu. Allicunata rurashanpita Tayta Dios alli ricaptenga alabacunmanmi caran. Ichanga manami chaynöchu casha.

Isaías 10:15

Ichanga ¿mutuycaj runapita jächa mas munayniyoj-tucunmanchuraj? ¿Cuchuycajpita rusadörapis mas munayniyoj-tucunmanchuraj? ¡Tucrucuycaj runata tucruga manami munashanpa apanmanchu! ¡Shauya guerupis mas lasajtaga manami awantanmanchu!

Salmos 49:6

Conträcunaga yäracun ima-aycatapis charashallanmanmi. Aypallata charashpan yarpan imaypis mana ushacänantami.