Tito 3:2 - Qheshwa Biblia DC

² Amataj pipajpis sajrata rimachunkuchu, nitaj phiñanakusta mask'achunkuchu; astawanqa llamp'u sonqos, munakuyniyoj kasqankuta rikuchichunku tukuy runasman.

DIOSPA QHELQACHISQAN DEUTEROCANONICAL

² Amataj pimantapis mana allintaqa parlachunkuchu, nitaj phiñanakuta mask'achunkuchu. Ajina kanankutaqa k'acha kachunku, jinataj llamp'u sonqo kasqankuta tukuyman rejsichispa kawsakuchunku.

DIOSPA QHELQACHISQ

² Amataj pimantapis mana allintaqa parlachunkuchu, nitaj phiñanakuta mask'achunkuchu. Ajina kanankutaqa k'acha kachunku, jinataj llamp'u sonqo kasqankuta tukuyman rejsichispa kawsakuchunku.

Quechua South Bolivia: Dios Parlapawanchej

² Ama ni pimanta sajrata parlachuncuchu nitaj makanacuchuncuchu. Manachayrí c'acha cachuncu, tucuy runaspaj qhuyacuyta ricuchispapuni.

Tito 3:2 Referans Kwoze

Efesios 4:31

Qankunamanta qhechukuychej tukuy jaya sonqowan kayta, phiñakuyta, k'araj phiñakuyta, qhaparqachayta, runaj contranta parlayta, tukuy sajra yuyaytawan.

Efesios 4:2

Tukuyman k'umuykuspa, llamp'u sonqo kaywan purajmanta paciencianakuspa munakuypi kausakuychej.

1 Timoteo 3:3

Kanallantaj tiyan mana machaj, mana churanakoj, manachayqa llamp'u sonqoyoj, munakuyniyoj, mana qolqeta munapayaj.

1 Pedro 3:10

Pichus kausayninta munakun, sumaj p'unchaykunatataj rikuyta munan chayqa, qallunta jark'achun sajra rimaykunamanta, simintaj ama llullata parlachunchu.

1 Pedro 3:8

Kunanqa tukuyniykichej uj sonqolla kaychej, wajkunapaj sumaj sonqoyoj, hermanospura munanakuspa, khuyakuyniyoj, llamp'u sonqos; ama sajramanta sajrallatataj kutichispa, nitaj maldicionmantapis maldicionllatatajqa; manachayqa bendicispa, imaraykuchus Diosqa wajyasorqachej bendicionta jap'inaykichejpaj.

Santiago 4:11

Hermanos, ama ima sajrata rimaychejchu ujkuna ujkunapaj. Pichus hermanompaj sajrata rimanman, qhawarantaj chayqa, leypa contranta riman, qhawarantaj. Qampis, leyta qhawaranki chayqa, juez jina kanki, astawanqa chay leyta mana junt'ankichu.

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

San Mateo 11:29

Yugoyta apaychej, yachakuychejtaj noqamanta. Noqaqa k'acha, llamp'u sonqotaj kani, almasniykichejpajtaj samakuyta tarinkichej.

1 Pedro 2:1

Chayrayku tukuy laya sajra yuyayta saqeychej, tukuy laya ch'aukiyayta, puraj uya kayta, qhawanakuyta, tukuy sajra rimaykunatawan.

Santiago 3:17

Diosmanta jamoj yachayqa llimphu, sonqo tiyakuyniyoj, munakuyniyoj, khuyakuywan junt'asqa, sumaj poqoyniyoj, sut'inta ruwajtaj, manataj puraj uyachu.

Gálatas 6:10

Chayrayku sapa kuti atisqanchejman jina tukuypaj allinta ruwana, astawanqa fepi hermanosninchejpaj.

2 Samuel 22:36

Qan waqaychawanki, salvawankitaj, k'acha kayniyki jatunyachiwan.

Gálatas 6:1

Hermanos, sichus qankunamanta pipis juchaman urman chayqa, qankuna Espirituman jina purejkunaqa khuyakuywan yanapaychej, ujtawan sayarinampaj. Sapa uj qhawakuchun, ama juchaman urmanampaj.

1 Timoteo 3:11

Warmispis jinallataj allimpaj qhawasqas kachunku, ama tumpajkuna, mikhuypi ujyaypipis allin yuyayniyoj, tukuy imapipis allin kausayniyojkuna.

1 Tesalonicenses 2:7

Qankuna ukhupeqa llamp'u sonqos karqayku; imaynatachus uj sumaj mama wawasninta munakuywan uywan, ajinata.

Filipenses 4:5

Tukuy yachachunku k'acha runas kasqaykichejta. Señorqa qayllapiña kashan.

1 Corintios 9:19

Chayrayku libre kashaspa kunanqa tukuypa kamachin kani, aswan ashkha runasta Cristoman pusanaypaj.

Salmos 140:11

Ch'ichi simeqa ama kay pachapi sayachunchu, runa maqajtaqa mana allin qhatirichun, chinkarichuntaj.

2 Corintios 12:20

Manchachikushani, qankunata watukoj jamuspaqa, mana munasqayman jinachu taripanayta. Manchachikullani taj qankunaqa mana qhawarinawaykichejta munasqaykichejman jina. Chantá yuyallanitaj qankuna ukhupi kananta churanakuykuna, qhawanakuykuna, phiñanakuykuna, t'aqanakuykuna, sajra rimaykuna, thutuykuna, jatunchakuykuna, ch'ajwaspi pejtunakus ima.

2 Corintios 10:1

Noqa Pablo willaykichej, Cristoj k'acha misk'i sonqonrayku. Qankunawan kashaspaqa k'umuykukoj kani, qankunamanta karupi kashaspataj phiña sonqo kani.

Hechos 23:5

Pablotaj nerqa: Wauqekuna, mana noqaqa yacharqanichu pay kuraj sacerdote kasqanta; escribisqa kashan: Ama sajrata rimankichu llajtaykipi kamachejpajqa.

Proverbios 25:24

Aswan allin wasi patapi uj k'uchitupi tiyakunaqa, uj jatun wasipi maqanakuta mask'aj warmiwan tiyakunamanta nisqaqa.

Proverbios 6:19

llulla sut'inchajpa llullakusqasninta, hermanos ukhupi maqanachiyta munajta.

Judas 1:10

Chay runakunarí, mana imata rejsisqankupaj sajrata rimanku; imastachus rejsisqankupirí, mana yuyayniyoj uywas jina, wañuyman rinku.

Judas 1:8

Chaywampis, kikillantataj chay mosqokojkunapis ukhunkuta khuchichanku, kamachejkunatapis qhesachanku, janaj pachapi atiykunapajpis sajrata rimanku.

2 Pedro 2:10

Astawantaj ñak'arichenqa pikunachus aychaj qhepanta, munapayaypi, millay kausaypitaj purispa, Señorta mana kasunkuchu, chaykunata. Mana manchayniyojkuna, mana kasukojkunataj, jatun atiykunapaj sajrata rimayta mana manchachikunkuchu.

1 Pedro 4:4

Paykunawan khuska sajra chinkay kausaypi mana purejtiykichej, sajra runasta jina qhawasunkichej. Chayrayku qankunapaj rimanku.

Isaías 40:11

Uj michej jina ovejasninta michin, corderosta makisninwan marq'arikun, uñayoj kajkunatataj allinta pusanqa.

Proverbios 19:19

Anchata phiñakojqa aswan llakiyniyoj kanqa; astawan phiñakusparí, aswan millaykunata ruwanqa.