Tito 1:1 - Qheshwa Biblia DC

¹ Noqa Pablo, Diospa kamachin, Jesucristoj apostolnintaj kani; Diospa ajllasqasninta creeyman pusanaypaj, cheqa kajtataj rejsinankupaj, Diosta yupaychana kasqanman jina.

DIOSPA QHELQACHISQAN DEUTEROCANONICAL

¹ Noqa Pabloqa Diospa wata runan kani, Jesucristoj kachantaj. Pay kachawarqa paymanta sumaj willayta Diospa ajllakusqankunaman willanaypaj, chantá cheqa kajmanta yachachinaypaj ima, ajinamanta paykuna Diospa munasqanman jina puriyta yachanankupaj.

DIOSPA QHELQACHISQ

¹ Noqa Pabloqa Diospa wata runan kani, Jesucristoj kachantaj. Pay kachawarqa paymanta sumaj willayta Diospa ajllakusqankunaman willanaypaj, chantá cheqa kajmanta yachachinaypaj ima, ajinamanta paykuna Diospa munasqanman jina puriyta yachanankupaj.

Quechua South Bolivia: Dios Parlapawanchej

¹ Noka, Pablo, Diospa camachin cani, Jesucristoj cachan. Cachan cani Diospa ajllacuskasnin paypi jap'icunancupaj, chekan cajta Cristomanjina causaymanta rejsinancupajpis.

Tito 1:1 Referans Kwoze

Romanos 1:1

Noqa Pablo, Jesucristoj kamachin kani, apóstol kanaypaj wajyasqa, Diospa evangelionta willanaypaj t'aqasqa.

1 Timoteo 6:3

Sichus pillapis waj jinata yachachin, mana Señorninchej Jesucristoj ch'uwa yachachiyninman jina, nitaj Diosta yupaychana kasqanta yachachinchu chayqa, chay runa mana imata yachaspalla jatunchakun. Astawanqa t'ojpisqa jina tapunakuna, churanakuna palabrasta parlan. Chaykunamanta jamunku chhoqonakuykuna, ayñanakuy; Diospaj sajrata rimaykuna, sajra yuyaykuna ima.

2 Timoteo 2:25

Llamp'u sonqowan k'amichun contrampi sayaykukojkunatapis. Ichapis chay jinamanta Diosman kutirikunkuman, cheqan kajta rejsinankupaj.

2 Timoteo 2:23

Qhasi mana kaj wampu palabrasta qhesachay, yachaspa chaykunamanta churanakuykuna jamusqankuta.

2 Pedro 1:3

Diosqa atiyninrayku, kausayninchejpaj chay tukuy imasta qowanchej, payta yupaychananchejpaj, payta rejsisqanchejrayku, pichus wajyawarqanchej jatun kayninwan, atiyninwantaj.

1 Timoteo 3:16

Cheqamanta jatumpuni Diosta yupaychanamanta pakasqa yachayqa: Dios rejsichikorqa aychallikuspa; Espiritunejta cheqa runapaj rejsisqa, angelespa rikusqan, gentilesman willasqa, mundontimpi creesqa, janaj pachaman oqharisqa.

2 Pedro 3:11

Ajinata, tukuy ima nina larwaypi tukukunanta yachaspa, astawan Diosta yupaychaspa kaychej, allin kausaypitaj puriychej. Diospa p'unchayninta suyaspa. Usqhayta jamunanta munaspataj kausaychej. Chay p'unchaypeqa janaj pachakuna nina larwaypi tukukonqanku, tukuy imastaj chay nina larwaypi unuyanqanku.

1 Timoteo 2:4

Pay munan tukuy runas salvasqas kanankuta, cheqan kajtataj rejsinankuta.

Colosenses 2:2

Munani sonqosninku kallpachasqas kanankuta, munakuypi ujchasqas, qhapaj suyaytataj tarinankupaj. Ajinamanta Diospa pakasqa yachayninta rejsinankupaj. Chaytaj Cristo.

Filipenses 1:1

Pablo Timoteowan Jesucristoj kamachisnin, escribimuyku kay cartata, Cristo Jesuspi juchamanta tukuy t'aqasqasman, Filipos llajtapi kajkunaman, iglesiapi kurajkunaman, diaconosman ima.

2 Corintios 1:1

Noqa Pablo, Jesucristoj apostolnin kani Diospa munayninrayku. Kay cartata escribimuni hermano Timoteowan khuska, Corinto llajtapi kaj Diospa iglesianman, tukuy Acayapi creejkuna kajkunaman ima.

Hechos 13:48

Chayta uyarispataj, waj llajtayoj runasqa, kusikuspa Señorpa palabranta jatuncharqanku. Wiñay kausaypaj kajkunaqa Señorpi creerqanku.

1 Crónicas 6:49

Aaronwan wawasninwantaj ñak'asqa uywasta jaywaj kanku, chay q'olachina altar patapi. Jinataj inciensota q'osñichina altar patapipis. Jinallataj llimphupaj qhawasqa cheqapipis, tukuy ima ruwanapajpis. Churasqas karqanku, chanta Israelpa juchasninmanta perdonta tarinapajpis, Diospa kamachin Moisés kamachisqanman jina.

Efesios 2:8

Diospa khuyakuyninnejta ferayku salvasqas kankichej. Kaytaj mana qankunamantachu jamun, manachayqa Diospa regalon.

1 Juan 2:23

Pichus Churita qhesachan chayqa, mana Dios Tatayojchu. Pichus Churita sonqompi jap'in chayqa, Dios Tatayoj.

San Lucas 18:7

Manachu Diosqa, ajllasqasnin tuta p'unchay paymanta mañakojkunapaj, justiciata ruwanqa? Unaytarajchu suyachikunman?

2 Timoteo 2:10

Chayrayku, tukuy imata aguantani Diospa ajllasqasninta munakusqayrayku, paykunapis salvacionta kusiywan wiñaypaj tarinankupaj Cristo Jesuspi.

Santiago 1:1

Noqa Santiago, Diospa kamachin, Señor Jesucristojtawan, Israelpa chunka iskayniyoj ayllusnin ch'eqerasqasman napaykamuykichej.

Apocalipsis 1:1

Jesucristoj sut'inchasqan, mayqentachus Dios payman qorqa, kamachisninman rejsichinampaj, imaschus usqhayta ruwakunankuta. Chaykunamantaqa yachacherqa kamachin Juanman, angelnejta.