TAKIYKUNA 6:9 - Qheshwa Biblia DC

⁹ Noqaj palomitayri uj k'atalla, pay k'atalla allin kajqa. Pay k'atalla mamanmantaqa llojsimun, payqa mamampaj may munasqa. Tukuy sipaskuna payta rikuytawan ninku, kusikuyniyojmin payqa, nispa. Paytaqa reinaswan, tantasqalla kaj warmiswan maytapuni alabanku.

DIOSPA QHELQACHISQAN DEUTEROCANONICAL

⁹ Noqaj urpilitayrí uj k'atalla, pay jinaqa ni ujpis kanchu. Pay k'atalla mamanpa ususin, mamanpa aswan munasqa kaj. Tukuy sipaskuna payta rikuytawan, ninku: Kusikuyniyojmin payqa, nispa. Paytaqa qoyakunawan, kuraj kamachejpa waj warminkunawan ima maytapuni jatunchanku.

DIOSPA QHELQACHISQ

⁹ Noqaj urpilitayrí uj k'atalla, pay jinaqa ni ujpis kanchu. Pay k'atalla mamanpa ususin, mamanpa aswan munasqa kaj. Tukuy sipaskuna payta rikuytawan, ninku: Kusikuyniyojmin payqa, nispa. Paytaqa qoyakunawan, kuraj kamachejpa waj warminkunawan ima maytapuni jatunchanku.

TAKIYKUNA 6:9 Referans Kwoze

TAKIYKUNA 2:14

Palomitáy qanqa chhanka jusk'usman pakakunki, millay manchachikuna chhanka jusk'usman pakaykukuwanki. Uyaykita rikurichikuway ari, parlapayarimuway ari. Qampa palabraykeqa sonqoyta t'ikarichiwan, qhawaykachasqaykipis k'acha.

TAKIYKUNA 5:2

Noqaqa puñorqani; chaywampis, sonqoyqa mana puñusharqachu. Noqaqa uyarerqani munasqay punkumanta wajyamuwajta: Kicharimuway, chunkitúy, hermanitáy, palomitáy. Umayqa chhullawan joq'opachaña. Ch'isin chay jinatapuni sayk'umojtin chujchasniymanta yaku sut'uramushan.

Salmos 45:9

Reyespa ususisninku muyuykusunku. Tiyakunaykej pañampitaj Ofirmanta qoriwan k'achanchasqa, reina kashan.

Génesis 30:13

Leataj nerqa: Kayqa kusiy noqapajqa! Kunanqa warmis niwanqanku kusiyniyoj kasqayta; chayrayku wawaj sutenqa kanqa Aser.

Gálatas 4:26

Pata kaj Jerusalenqa mamanchej. Chaytaj libre.

Salmos 126:2

Chaypacha simiykoqa jatunmanta asikorqa, kusiywantaj jatunmanta takerqayku. Chaypacha Diospi mana creejkuna nerqanku: Señorqa paykunapaj jatuchaj imasta ruwarqa, nispa.

Deuteronomio 33:29

Qanqa, Israel, sumaj kusikuyniyoj kanki. Pitaj qan jinari? Qantaqa Señorpuni librasonqa. Pay imamantapis jark'akusunki, yanapasunkitaj. Paymin atipanayki espadaykeqa. Enemigosniykeqa qanman k'umuykamusonqanku. Qantaj wapuykachasqankuta tukuchinki.

Números 23:9

Kay chhanka patamanta paykunata rikuni, kay orqo patamanta paykunata rikushani. Kay runasqa sapallanku tiyakunku, tukuy runasmanta waj jina runas kanku.

2 Tesalonicenses 1:10

Maypachachus Señor jamonqa ajllasqasninwan yupaychachikoj chaypacha, tukuy creejkuna mayta t'ukonqanku. Qankunataj jaqay p'unchaymanta willasqaykuta cheqamanta creerqankichej.

1 Reyes 11:3

Tukuynimpi qanchis pachaj warmisnin reinas karqa; tantalla karqanku chay warmisnintaj kinsa pachaj, chay warmisnintaj paypa sonqontaqa pantacherqanku.