TAKIYKUNA 5:6 - Qheshwa Biblia DC

⁶ Punkuta kicharinaypajtaj munasqayqa ripusqaña, manaña chaypichu kasqa. Ajinata parlamusqan chinkapojtintaj sonqoyqa waj jinaman tukorqa. Mask'arqani, manataj tarikaporqanichu; qhasillataña wajyarqani manaña uyarimuwarqachu.

DIOSPA QHELQACHISQAN DEUTEROCANONICAL

⁶ Parlasqanta uyarejtiy, wañuy wañuy jap'iwarqa. Punkuta kicharerqani. Chaywanpis munasqayqa ripusqaña, mask'arqani nitaj tarikaporqanichu. Manaña chaypichu kashasqa. Wajyajtiypis, mana uyariwarqachu.

DIOSPA QHELQACHISQ

⁶ Parlasqanta uyarejtiy, wañuy wañuy jap'iwarqa. Punkuta kicharerqani. Chaywanpis munasqayqa ripusqaña, mask'arqani nitaj tarikaporqanichu. Manaña chaypichu kashasqa. Wajyajtiypis, mana uyariwarqachu.

TAKIYKUNA 5:6 Referans Kwoze

TAKIYKUNA 5:2

Noqaqa puñorqani; chaywampis, sonqoyqa mana puñusharqachu. Noqaqa uyarerqani munasqay punkumanta wajyamuwajta: Kicharimuway, chunkitúy, hermanitáy, palomitáy. Umayqa chhullawan joq'opachaña. Ch'isin chay jinatapuni sayk'umojtin chujchasniymanta yaku sut'uramushan.

Apocalipsis 3:19

Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.

Marcos 14:72

Chantá ujtawan gallo waqallarqataj; Pedrotaj chayta uyarispa Jesuspa nisqanmanta yuyarikorqa: Manaraj iskay kutita gallo waqashajtin, qanqa kinsa kutita ninki mana rejsiwasqaykita. Kayta yuyarispataj Pedroqa waqarqa.

San Mateo 26:75

Chantá Pedro yuyarikorqa Jesús nisqanmanta: Manaraj gallo waqayta, kinsa kutita, mana rejsinichu niwanki. Jawaman llojsispataj sonqo nanayta waqarqa.

Oseas 5:15

Jinata ruwaytawankama tiyakunay llajtayman kutimpusaj, juchasniyoj kasqankuta reparakuytawankamataj mask'aj jamunawanku. Ñak'ariypi rikhurisparaj mask'aj tukuwanqanku!

Oseas 5:6

Ovejasnintin wakasnintin Señorta mask'aj renqanku, manataj tarenqankuchu, imaraykuchus Señorqa paykunamanta t'aqakaporqa.

Lamentaciones 3:8

Chhikata qhaparikushajtiypis ningrisninta wisq'aykukun, mañakusqayta mana uyariwanchu.

Isaías 58:2

Sapa p'unchay mask'awanku. Paykuna ñanniyta rejsiyta munanku, cheqanta ruwaj naciompis kanman jina, Diosninkoj kamachisqasninta manapis saqenkumanchu karqa jina. Paykuna cheqan kamachiykunata mañawanku, Diosman qayllaykamuytataj munanku.

Isaías 57:16

Mana wiñaypajchu juchachasqayki, manataj wiñaypajchu phiñakusaj; imaraykuchus espiritoqa ñaupaqeypi urmanman, jinallataj ruwasqasniy kausay samaypis.

Isaías 50:2

Imaraykutaj jamuspaqa mana pitapis tariparqanichuri, wajyashajtiypis mana pipis uyariwarqachuri? Ima kajtimpis chaymanta orqhonaypaj makeyqa p'akisqachu karqa? Manañachu atiyneyqa kasqa paykunata orqhonaypaj? Ujta k'amispa mar qochasta ch'akichini; chaypi kaj challwaspi yakumanta jina wañuraspa asnanankupaj.

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Isaías 8:17

Señorllapi suyasaj, payqa Jacobpa mirayninmanta uyanta pakaykumpis. Payllapitaj atienekusaj.

TAKIYKUNA 6:1

Tukuy warmismanta aswan k'achita warmi, maymantaj rin munakusqaykiri? Maymantaj chanta ripunman munasqaykiri? Qanwan khuska rispa mask'amunachej.

TAKIYKUNA 5:4

Munasqayqa punku jusk'unta makinta jaywaykamun, sonqoytaj manchayta ras niriwarqa.

Proverbios 1:28

Chaypacha wajyamuwankichej, manataj uyarisqaykichejchu; mask'awankichej, manataj tariwankichejchu.

Salmos 80:4

Señor, Tukuy Atiyniyoj Dios, mayk'ajkamataj phiñasqa kanki, aylluykej mañakusqanmantari?

Salmos 77:3

Diosmanta yuyarikuspa waqani. Yuyayniyman churakusaj nini, kallpaytaj pisiyan.

Salmos 69:3

Chhikata qhaparisqaypi ch'akaña kani. Kunkay nanashawan, chhikata Diosniyta suyasqaymanta.

Salmos 30:7

Qan, Señor, k'acha khuyakuyniykiwan sinch'ita sayachiwarqanki. Manaña yanapawajtiykitaj, yuyayniy chinkampacha.

Salmos 28:1

Jark'awajníy, Señor, qanta wajyakuyki. Amapuni mana uyarejqa tukuychu. Mana uyariwaj tukuwaj chayqa, wañusqaswanchá yupakuyman.

2 Samuel 16:10

Reytaj kuticherqa: Kay ruwayqa mana qankunapajchu. Pay jinata nishan chayqa, Señor kamachisqanraykuchari. Jina kajtenqa pitaj parlarinman imaraykuchus chayta ruwasqanmantarí?

1 Samuel 28:6

Chaypacha Señorta taporqa. Señortaj mana kuticherqachu, ni mosqoypi, nitaj Urimnejtapis, profetasnejtapis.

Génesis 42:28

Wauqesninmantaj nerqa: Qhawariychej qolqeyta kutichipuwasqanku! Kayqa kaypi kashan!, nispa. Tukuyninkutaj chayta rikuspa mayta mancharikorqanku, paykunapurataj ninakorqanku: Imatataj Dios ruwashawanchejri?, nispa.