TAKIYKUNA 5:4 - Qheshwa Biblia DC

⁴ Munasqayqa punku jusk'unta makinta jaywaykamun, sonqoytaj manchayta ras niriwarqa.

DIOSPA QHELQACHISQAN DEUTEROCANONICAL

⁴ Munasqayqa punku k'ajllunta makinta jaywaykamorqa. Chaytajrí, sonqoyta tujtukiyacherqa, tukuy ukhuytaj kharkatitirerqa.

DIOSPA QHELQACHISQ

⁴ Munasqayqa punku k'ajllunta makinta jaywaykamorqa. Chaytajrí, sonqoyta tujtukiyacherqa, tukuy ukhuytaj kharkatitirerqa.

TAKIYKUNA 5:4 Referans Kwoze

Filipenses 2:13

Diosqa qosunkichej allin munayta, ruwaytataj sumaj munayninman jina.

2 Corintios 8:16

Diosman graciasta qoni, noqaman jinallataj Titomampis sonqonman churasqanmanta, qankunamanta yuyanampaj.

Hechos 16:14

Ujnin warmitaj Lidia sutiyoj karqa, Tiatira llajtamanta. Payqa qhatoj may sumaj puka kulli generosta, Diostataj yupaychaj. Señortaj Lidiaj sonqonta kicharerqa, Pabloj nisqanta uyarinampaj.

TAKIYKUNA 1:4

Pusarikuway ari; iskayninchej khuska risunchej. Reyníy, wasiykiman pusakapuwan ari. Qanwan may kusiywan kusikusunchej; chaypitaj yuyarisunchej munakuwasqaykimanta, vinomantapis aswan misk'i chayta. Chayrayku qanta sipaskunaqa mayta munakusunku.

Salmos 110:3

Atipasqayki llajtapi, aylluyki qanman jaywaykusonqa, santo orqos patapi. Sut'iyay chhulla jina, wayna kayniyki mosojchakun sapa p'unchay.

1 Reyes 3:26

Chanta, chay kausaj wawaj mamanqa maytapuni llakikorqa wawanrayku, reymantaj nerqa: Wiraqochi reyníy! Ama wañuchiychejchu chay kausasqaj wawata, kay warmiman qopuychej. Chay uj warmitaj nerqa: Wañuchiychej, ni paypaj ni noqapaj kachunchu, iskayman khuchurpariychej.

Génesis 43:30

Chayta nispataj Joseqa yaqhapuni waqaywan atipachikorqa, imaraykuchus kusiywan sonqonta wawayacherqa wauqenta rikukapuspa; chayrayku apurata cuartonman yaykuporqa, chaypitaj waqarikorqa.

Génesis 7:11

Chaypacha karqa chunka qanchisniyoj día iskay kaj killapi. Noetaj karqa sojta pachaj watasniyoj. Chay diapipuni yuyay chinkay ukhu pacha qocha t'ojyamorqa, jinallataj janaj pachapi kaj yakupis t'ojyamuspa musphayta jich'akamorqa.

Jeremías 31:20

Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.