TAKIYKUNA 3:6 - Qheshwa Biblia DC

⁶ Imataj chayri? Ch'in pampamanta q'osñi jina rikhurimushan chay? Mirrawan, inciensowan, tukuy ima sumaj q'apaykunawan q'aparishajri?

DIOSPA QHELQACHISQAN DEUTEROCANONICAL

⁶ Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

DIOSPA QHELQACHISQ

⁶ Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

TAKIYKUNA 3:6 Referans Kwoze

TAKIYKUNA 8:5

Pitaj ch'in pampamanta jamushanri, munasqampa kunkanman atiykukuspari? Manzana urapi rijch'aricherqayki, maypichus mamayki nanaywan jap'ichikorqa chaypi, maynejpichus qanta paqarichikusorqa chaypi.

TAKIYKUNA 4:6

Amaraj sut'iyamushajtin, amaraj laqha chinkapushajtin, noqaqa mirra orqoman risaj, jinallataj incienso lomamampis.

TAKIYKUNA 1:13

Munakusqay noqapajqa uj maki q'apiy mirra jina; samarikuntaj ojllayniypi.

Apocalipsis 12:14

Warmimantaj jatun ankajpa iskaynin lijrasninta qorqanku, phawanampaj katarej qayllanmanta ch'innejman, maypichus tiyakun chayman, maypitajchus mikhuchinku uj tiempopaj, tiempospaj, khuskan tiempopaj ima.

Apocalipsis 12:6

Chay warmitaj ch'inman ayqerqa, maypichus uj cheqata Dios paypaj wakicherqa chayman. Chaypitaj waranqa iskay pachaj sojta chunkayoj p'unchayta payman mikhucherqanku.

Jeremías 31:2

Señor nin: Ch'in pampapi wañojmanta ayqej ayllumanta khuyakorqani, maypachachus Israelqa samakuna cheqata mask'asharqa chaypacha.

Jeremías 2:2

Riy parlamuy Jerusalén llajtaman; Qhapariy allinta uyarinankupaj jina: Ajinata nin Señorqa: Yuyarikuni maypachachus qan sipasllaraj kashajtiyki noqaman allin kawarqanki, maypachachus warmiypaj aysarikorqayki chaypacha munakuwaj karqanki, ch'in pampasnejta, mana jayk'aj tarpusqa jallp'asnejta qhatiwarqanki.

Isaías 43:19

Kunanqa uj mosoj imata ruwasaj; chaytaj rikhurenqaña. Manachu chaytaqa qankuna reparashankichej? Ch'in pampanejta watejmanta uj ñanta kicharisaj, mayustataj ch'aki pampaspi rikhurichisaj.

TAKIYKUNA 5:13

Uyitasnenqa k'achituta q'apajkuna jina, q'aparishaj t'ikas jinataj. Simi puntasnenqa t'ikaj laphisninmantapis k'acha q'apaj imas sut'umushanman jina.

TAKIYKUNA 5:5

Noqaqa sayariytawan, munasqay yaykumunampaj punkuta kicharerqani; kicharishajtiytaj makiymanta mirra ch'aqarparin dedosniynejta punku wisq'anata corremuspa.

TAKIYKUNA 1:3

K'achituta q'aparishan, jawiykunasniyki q'apashaj jawiykunamanta astawan. Sutiykeqa q'apashaj jawinatapis jich'arpasunman jina. Chayrayku, sipaskunaqa sinch'ita munakusunku.

Deuteronomio 8:2

Yuyarikuychej ima ñantachus Señor Diosniykichej pusamusorqachej ch'in pampanta chayta, tawa chunka watata chay purisqaykichejpi qankunata llakichispa, pruebaman churaspataj. Ajinamanta chay imanejta imatachus yuyasqaykichejta yachanampaj, kamachiykunasnintapis ruwankichej manachus chayta.

Apocalipsis 5:8

Librota jap'isqantawantaj, chay tawa animales, chay iskay chunka tawayoj kurajkuna ima, Corderoj ñaupaqenman qonqoriykukorqanku. Sapa ujninkutaj arpasniyoj karqanku, copasninkutaj inciensowan junt'asqas karqanku. Chaykunaqa ajllasqaspa mañakuynin.

Filipenses 4:18

Noqaqa tukuy imata jap'erqaniña. Ashkhaña kapuwan. Junt'asqa kani. Epafroditomanta jap'erqani apachimuwasqaykichejta, k'acha q'apayniyojta jina, allin rikuchikuta jinataj, Diospajtaj allin qhawasqata.

San Mateo 2:11

Wasiman yaykuspataj, wawata, María mamantawan rikorqanku. Chaypitaj qonqoriykukuspa wawata yupaycharqanku. Chantá, q'episninkumanta orqhospa saqeporqanku qorita, inciensota, mirratawan.

Éxodo 30:34

Chanta Señorqa Moisesman nillarqataj: Sumajta q'apashaj imasta tantay: Resinata, q'apaj clavota, ch'uwa inciensota, q'apashaj galbanotawan.

Apocalipsis 18:13

Chaymantataj karqa canela, q'apaykuna, incienso, mirra, q'apaj jawina, vino, aceite, suysusqa jak'u, trigo, wakas, ovejas, caballos, carrostaj, kamachistaj, runaspa almasnin ima.

TAKIYKUNA 3:7

Chayqa Salomompa wantunan. Jamushantaj sojta chunka sumaj wapu Israelpa soldadosnimpa chaupillanta.

Proverbios 7:17

Chaytataj sumaj q'apashaj jawinaswan q'apaychaykuni, mirrawan, áloe nisqawan, canelawan ima.

Oseas 9:10

Señor nin: Maypachachus Israelta tarerqani chaypachaqa, kusikorqani, ch'in pampapi uvasta tarikuspa kusikunku jinata. Ñaupa tatasniykichejta noqaj rijch'ayniyman kawarqa, chay ñaupa poqoj higoskuna jina. Pero maypachachus Baal-peorman chayarqanku chaypachaqa, chay qhasi llulla dioskunasnillankuman sirvej churakorqanku, jinamanta q'ala millachikunasman tukorqanku chay mayqentachus munakusharqanku chay lantikunaman jina.