Sofonías 3:8 - Qheshwa Biblia DC

⁸ Chayrayku, qankuna suyariwaychej chay p'unchaykama maypachachus noqa sayarisaj contraykipi parlanaypaj. Noqa Señorqa kaytamin nini: Yuyaychakuni tantamuyta runasta, nacionesmanta reinosmantawan, phiñakuyniyta paykunaj patanman urmachinaypaj. May k'ajashaj phiñakuyta paykunaman rejsichinaypaj. Chaypachataj tukuynin jallp'a t'unasqa kanqa nina larwaj phiñakuyniyrayku.

DIOSPA QHELQACHISQAN DEUTEROCANONICAL

⁸ Chayrayku, qankuna suyariwaychej, maypachachus noqa sayarisaj contraykichejpi parlanaypaj, chay p'unchaykama. Noqa Tata Dios kayta nini: Yuyaychakuni, suyukunata, kamachejkunatawan tantamuyta, phiñakuyniyta patankuman jich'aykunaypaj, may k'ajashaj phiñakuyniyta paykunaman rejsichinaypaj. Chay k'araj phiñakuyniyraykutaj tukuy kay pacha t'usti ruwasqa kanqa.

DIOSPA QHELQACHISQ

⁸ Chayrayku, qankuna suyariwaychej, maypachachus noqa sayarisaj contraykichejpi parlanaypaj, chay p'unchaykama. Noqa Tata Dios kayta nini: Yuyaychakuni, suyukunata, kamachejkunatawan tantamuyta, phiñakuyniyta patankuman jich'aykunaypaj, may k'ajashaj phiñakuyniyta paykunaman rejsichinaypaj. Chay k'araj phiñakuyniyraykutaj tukuy kay pacha t'usti ruwasqa kanqa.

Sofonías 3:8 Referans Kwoze

Joel 3:2

Tukuy nacionesmanta runasta tantaykusaj, chanta Josafat Valleman paykunata apasaj. Chaypitaj noqa paykunamanta cuentata mañasaj, imatachus Israel aylluywan ruwasqankumanta. Paykunaqa israelitasta mundontinman ch'eqeracherqanku, chanta jallp'ayta partinakorqanku.

Sofonías 1:18

Señorpata phiñakuy p'unchaynimpi runataqa mana salvanqachu qolqen nitaj qorimpis. Señorpa k'ajaj phiñakuynin nina jina tukuy llajtantinta q'olaykonqa. Tukuy jallp'a patapi tiyakojkuna uj ratollapi t'unasqas kanqanku.

Miqueas 7:7

Jinapis noqaqa Señorllapi suyasaj, payllapitaj confiakusaj salvawajniy Diospi, imaraykuchus Pay uyariwanqa.

Salmos 27:14

Señorpi atienekuy, kallpachakuy, ama llauchhuyaychu ari, Señorpipuni atienekuy.

2 Pedro 3:10

Señorpa p'unchaynenqa chayamonqa uj suwa jina. Chaypachataj, janaj pachakuna manchay jatun thuñikuywan tukuchisqas kanqanku, tukuy ima kajtaj larwaspa chinkarenqa; chaypacha tukuy ima ruwasqasninwan q'olasqa kanqa.

Apocalipsis 16:14

Supaykunaj espiritusnin kanku, pikunachus t'ukunapaj rikuchinasta ruwanku, tukuy kay pachapi reyespaman rinku, paykunata tantamunankupaj maqanakuman, jaqay jatun Tukuy Atiyniyoj Diospa p'unchaynimpaj.

San Mateo 25:32

Tukuynejmantataj tukuy laya runas ñaupaqenman tantakamonqanku. Paytaj ujkunata ujkunamanta t'aqanqa; imaynatachus michejpis, ovejasta cabrasmanta wajman t'aqan, ajinata.

Habacuc 2:3

Chaywampis manaraj chayamunchu rikusqayniykiman jina junt'akunanqa, chaywampis mana junt'akuspaqa mana qhepakonqachu. Qhaparejmanña rijch'asunki chaypis suyarillay, chaypaj junt'akunan tiempoqa chayamullanqa.

Oseas 12:6

Ajinaqa ari, Israel kutirikuy Diosniykiman; ruwasqasniyki kachun munakuypi cheqa kajpitaj, Diosniykipitaj confiakullaypuni.

Isaías 30:18

Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.

TAKIYKUNA 8:6

Sonqoykiman apakuwan ari, makiykipi ñit'isqa señalta jina; Munakoyqa sinch'ipuni puñuy jina. Chay munapayayqa anchapuni uj sepultura jina. Munakoyqa nina brasas jina k'ajarin, manchaytaj Señorpa ninan jina.

Proverbios 20:22

Amapuni jayk'ajpis parlankichu sajramanta aynita kutichiytaqa; Señorman atienekuy, paymin atipachisonqa.

Salmos 123:2

Imaynatachus kamacheqa patronninta qhawan, imaynatachus warmi kamachipis patronanta qhawan, ajinata noqaykupis Señorpa yanapayninta suyaspa qhawayku.

Salmos 62:5

Diosllapi sonqo tiyasqa kayta tarini. Suyayneyqa paymanta jamuwan.

Salmos 62:1

Diosllapi sonqo tiyasqa kayta tarini. Salvacionneyqa paymanta jamun.

Salmos 37:34

Señorta kasukuy, paypi suyay; pay jatunyachisonqa, jallp'atataj chayaqeykipaj qosonqa. Ñawisniykiwan qhawanki sajra runasta wijch'usqankuta.

Salmos 37:7

Ch'in kakuy Señorpa ñaupaqempi. Suyakuy pacienciawan pay yanapanasunta. Ama phiñakuychu kausaypi allin risqanmanta, nitaj sajrata wakichikojkunamantapis.

Salmos 12:5

Señorqa kay jinata nin: Pisi kallpayojkunaqa saruchikunku, wajchasrí nanaywan waqakunku, noqataj jatarikuspa yanapasaj, imaraykuchus chayta chhikata suyashanku.

Apocalipsis 16:1

Templomanta sinch'ita parlamojta uyarerqani, qanchis angelesmantaj nerqa: Riychej, jich'amuychej jallp'aman Diospa k'aja phiñaynimpa chay qanchis vasosmanta.

Salmos 79:5

Señorníy, mayk'ajkamataj phiñasqa kankiri? Phiñakuyniykeqa nina jinallapunichu lauranqa?

Salmos 79:6

Mana rejsisojkunaj nacionespa patanman phiñakuyniykita chayachiy. Sutiykita mana oqharej nacionespa patanman ima.

Isaías 14:26

Kaymin chay yuyasqayqa tukuy jallp'aj contrampi. Makeyqa tukuy llajtasta jasut'inampaj wakichisqa kashan.

Jeremías 10:25

Phiñakuyniykita kachaykuy, qanta mana rejsisunkuchu chay nacionespa patanman; jinallataj pikunachus sutiykita mana oqharinkuchu chaykunaman, imaraykuchus Judá aylluta mana ujniyojta tukorqochinku, jinamanta llajtataqa raqaykunasllataña saqerparinku.

Hageo 2:22

Mundopi atiykunata t'unaykusaj, tiyanasninkutataj urmarachisaj. Urmarachillasajtaj guerraman purina carrosta, chay carrospi purejkunatawan. Caballospis wañullanqankutaj lloq'ajkunasnintin, sapa uj wañonqa hermanompa espadanwan t'ojsisqa.

Isaías 34:2

Señorqa manchay phiñasqa kashan tukuy nacionespaj, tukuy soldadosninkupaj ima. Chaykunata urmachenqa, wañurachichenqataj.

Isaías 63:6

K'ajaj phiñakuyniywan chay runasta t'usterqani. Phiñakuywan tukucherqani. Yawar mayusta puriricherqani.