Sofonías 3:7 - Qheshwa Biblia DC

⁷ Yuyarqani ajinamanta Jerusalén llajta manchachikunawanta. K'amisqaytataj jap'ikunanta, chay jinamanta noqa jasut'ejtiy ama aylluntin wañunampaj. Aswampis paykunaqa usqhaychakorqanku tukuy laya sajra ruwanasman.

DIOSPA QHELQACHISQAN DEUTEROCANONICAL

⁷ Jinapi noqa yuyarqani: Jerusalén llajtapi tiyakojkuna manchachikuwanqanku, k'amisqaytapis jap'ikonqanku. Jinamantataj mana paykunata jasut'isajchu, nitaj tiyakunanku wasikunata thuñirparichisajchu, nispa. Paykunatajrí usqhayllata tukuy imaymana millay ruwanaman qokorqanku.

DIOSPA QHELQACHISQ

⁷ Jinapi noqa yuyarqani: Jerusalén llajtapi tiyakojkuna manchachikuwanqanku, k'amisqaytapis jap'ikonqanku. Jinamantataj mana paykunata jasut'isajchu, nitaj tiyakunanku wasikunata thuñirparichisajchu, nispa. Paykunatajrí usqhayllata tukuy imaymana millay ruwanaman qokorqanku.

Sofonías 3:7 Referans Kwoze

Oseas 9:9

Q'ala millay kausayman qonkaporqankichej chay Gabaaj tiemposnimpi jina. Chaywampis Señor yuyarikonqa tukuy juchasinkumanta jasut'enqataj chay juchasninkumanta.

Jeremías 36:3

Ichapis Judaman kaj runasqa ñak'ariykunasta apachimunashani chaymanta uyarispa tukuy sajra puriyninkuta saqenkuman, noqataj sajra ruwasqasninkumanta, juchasninkumantapis perdonapusaj.

Sofonías 3:2

Señorpa parlasqanta mana uyarerqachu, nitaj cheqanyachikuytapis munarqachu. Señorpi mana confiakorqachu, manataj payman qayllaykorqachu.

Jeremías 25:5

Paykuna nisorqachej: Saqeychej chay sajra puriyniykichejta, millay ruwasqasniykichejtapis; jinamanta tiyarikunaykichejpaj Señor qankunaman, jinataj ñaupa tatasniykichejman wiñaypaj qosorqachej chay jallp'api.

Jeremías 7:7

Jina kajtenqa, noqa saqellasqaykichejpuni ñaupa tatasniykichejman qorqani chay jallp'api tiyakunaykichejta.

2 Pedro 3:9

Señorqa jamusaj nisqanta mana qonqashanchu, imaynatachus wakin yuyanku Cristo qonqapusqanta. Manachayqa, Dios pacienciakun tukuy qankunapaj, khuyakuyninwan mana pitapis juchanrayku chinkananta munaspa, astawanqa tukuy runa Diosman kutirinanta munan.

Jeremías 38:17

Chanta Jeremiasqa Sedequiasman nerqa: Israelpa Tukuy Atiyniyoj Señor Diosnin nin: Sichus Babiloniamanta reypa kurajkunasninman chimpaykuwaj chayqa, qan jinataj aylluykiwan salvakunki, manataj kay llajtapis ruphachisqachu kanqa.

Jeremías 8:6

Uyarishasqayman jinaqa mana pitapis, juchanmanta Diosman kutirikusqanta uyarinichu, manataj sut'ita ninchu, imata ruwasqaniri?, nispaqa. Tukuyninku ñanninta sinch'ita juyñarinku, maqanakupi jakiman kacharisqa caballos jina.

Isaías 63:8

Señorqa nerqa: Cheqamanta noqaj aylluy kanku, mana llullakoj wawas kanku, noqataj paykunata salvarqani, nispa.

Isaías 5:4

Imatawantaj ruwanay kanman karqa uvas sach'asniytari? Manachu allinta plantarqani? Noqaqa suyarqani uvasniy sumajta poqonanta. Imajtintaj k'allku uvasllata poqonri?

2 Crónicas 33:11

Chayraykumá Señorqa Asiriaj reynin soldadosnimpa kamachejkunasninta kachamorqa paykunaj contrankupi, chaykunataj presocharqanku Manasesta, fierro ganchoswan, broncemanta ruwasqa cadenaswan wataykuspa Babiloniaman apacherqanku.

Deuteronomio 4:16

Ajinamanta ama imaman rijch'akojtapis ruwanaykichejpaj, ni qhariman rijch'akojta, nitaj warmiman rijch'akojtapis.

Génesis 6:12

Runasqa juchapi pejtusqas karqanku. Chayrayku Dios chay jina millay juchararasta rikuspa, nerqa Noeman: Noqa tukuchisaj kay runasta. Paykunaj juchallikusqankurayku imaymana jucha mundoman junt'an. Chayrayku tukuchisaj paykunata tukuy jallp'antinta.

1 Timoteo 1:5

Kay kamachiypa yachachiynenqa munakuymin; chaytaj llimphu sonqomanta llojsimun, allin concienciamanta, cheqa creeymantataj.

Job 36:10

Chayta paykunaman parlan allinta k'amispa purichinampaj, mañanampajtaj amaña sajra ruwayninkuta ruwanankupaj.

Salmos 32:8

Señorqa nin: Ñawisneyqa qanta qhawashasunku, yachachisqayki, yuyaychasqayki, mayqen ñantachus allinta rinaykita yachachisqayki ima.

Proverbios 19:20

Yuyaychasqataqa uyariy, k'amisqatapis jap'ikuy; ajinamanta chayanki sumaj yachayniyoj kayman.

Jeremías 6:8

Allinta reparakuy, Jerusalén, mana t'aqakusunayta, munaspaqa ch'in pampaman, mana uj runayojmantaj tukunaykipaj.

Jeremías 17:23

Paykunataj mana uyariwarqankuchu, manachayqa k'ullukorqanku, manataj kasuwayta munarqankuchu, nitaj wanaytapis.