Sofonías 3:2 - Qheshwa Biblia DC

² Señorpa parlasqanta mana uyarerqachu, nitaj cheqanyachikuytapis munarqachu. Señorpi mana confiakorqachu, manataj payman qayllaykorqachu.

DIOSPA QHELQACHISQAN DEUTEROCANONICAL

² Tata Diospa parlasqanta mana uyariyta munarqankuchu, nitaj k'amisqantapis jap'ikorqankuchu. Tata Diospi mana atinikorqankuchu, nitaj payman chimpaykorqankuchu.

DIOSPA QHELQACHISQ

² Tata Diospa parlasqanta mana uyariyta munarqankuchu, nitaj k'amisqantapis jap'ikorqankuchu. Tata Diospi mana atinikorqankuchu, nitaj payman chimpaykorqankuchu.

Sofonías 3:2 Referans Kwoze

Jeremías 22:21

Noqa parlarqayki tukuy imapis allin rishasojtin, manataj uyariyta munawarqankichu. Ajinatapuni ruwarqayki wayna kasqaykimantapacha. Parlasqayta mana uyariyta munawarqankichu.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Jeremías 32:33

Paykunaqa wasanchawanku, waj ladollata qhawanku. Mana uj ratopis paykunaman yachachiytaqa saqerqanichu, mana kasuwarqankuchu, k'amichikuytapis mana munarqankuchu.

Jeremías 2:30

Qhasillata wawasniykichejta jasut'erqani, yachachiykunasta paykunaqa mana kasuyta munarqankuchu. Kikin qankuna millay phiña leones jina, profetasniykichejta wañucherqankichej.

Isaías 43:22

Qantaj Jacobpa miraynin Israel, mana qhaparikuwarqankichu, mana chayqa noqawan amichikorqanki.

Isaías 29:13

Señortaj nin: Kay runasqa simillankuwan qayllamuwanku, simillankuwan yupaychawanku, sonqonkutaj noqamanta karupi kashan. Noqata kasuwasqankoqa, runaspa kamachisqallan kapun, imatachus yachasqankullata ruwanku.

Proverbios 5:12

Chaypitaj qanqa ninki: Ima nispataj allin imasta niwasqankuta qhesacharqaniri. Ima nispataj k'amiwasqankutapis mana jap'erqanichu?, nispa.

Salmos 78:22

Diospa mana atienekorqankuchoqa, nitaj yanapaynimpipis creerqankuchoqa.

Salmos 73:28

Noqarí Diosman qayllakusaj. Noqapajqa chaymin aswan sumajqa. Qan, Señor, Diosníy, pakakunay kanki, tukuy ruwasqasniykitataj willamusaj.

Salmos 50:17

K'amisqayta qanqa mana jap'ikunkichu, nitaj parlasqaymantapis dakunkichu.

Salmos 10:4

Payqa wapu wapulla senqanta q'entin: Diosqa mana kanchu. Mana kanchu noqata tapuwajqa, nispa. Chayllata payqa yuyan.

Nehemías 9:26

Chaywampis mana kasukojkuna karqanku, contraykipi oqharikorqanku, leyniykitataj qhesacharqanku. Chantaqa profetasniykita wañucherqanku sut'inta ch'ataykuspa, qanman kutirikamunankuta willasqankurayku. May millaytataj contraykipi juchallerqanku.

Ezequiel 24:13

Jerusalén, chay jina millay ch'ichichakusqasniykita llimphuchasuyta munarqani, qantaj manapuni llimphuchakorqankichu, llimphoqa kanki maypachachus noqa phiñakuyniyta qampi thasnusaj chaypacha.

Jeremías 35:17

Chayrayku noqa Israelpa Tukuy Atiyniyoj Señor Diosnin nini: Noqa Judáj patanman, Jerusalempi tiyakojkunaspa patanmampis willacherqani, chay ñak'ariykunasta urmachimusaj. Noqa parlapayarqaykichej, qankunataj mana kasuwarqankichejchu; wajyarqaykichej, qankunataj mana uyariwarqankichejchu.

Isaías 31:1

Ay, Egiptoman uraykojkuna yanapachikunankurayku, caballosninkuman atienekojkuna, ashkha carretaspi atienekojkuna, caballospi wapu rejkunapi atienekojkuna, manataj Israelpa Santo Diosninta qhawarinkuchu.

Isaías 1:5

Qankunaqa, contraypi sayaykukuytapuni munankichej. Cuerpoykichejpi manaña ch'usaj kanchu maynejpichus jasut'inaypaj. Tukuy umaykichejqa nanasqa, tukuy ukhuykichejpis llauch'ipacha.

Proverbios 1:7

Yachaypa qallarikuynenqa, Señorta manchachikuymin; wampu runasqa qhesachanku yachayta, yachachiytawan.

2 Timoteo 3:16

Tukuy Escriturasqa Diospa yuyaychasqan, walejtaj yachachinapaj, uyanchanapaj, k'amispa wanachinapaj, cheqan kajpi yuyaychanapaj ima.

Jeremías 13:25

Achaymin qantaqa Israel qhatirinasun karqa. Chanta ruwanasuyta qan kikiykimanta mask'akorqanki. Noqa Señor chayta nini. Qan noqamanta qonqaporqanki, waj mana kaj lantismantaj riporqanki.

Isaías 9:12

Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

Sofonías 1:6

T'unaykullasajtaj noqamanta karunchakojkunata, sutiytataj mana mask'ajkunata, nitaj jamuriwaspa tapurikuwankuchu chaykunata.