Sofonías 2:8 - Qheshwa Biblia DC

^8-9 Tukuy Atiyniyoj Señorqa, Israelpa Diosnenqa kay jinata nin: Uyarini Moab runaspa mana allinta parlasqankuta, Amón llajtayoj runaspa burla ruwakusqankuta ima, imaraykuchus paykunaqa runasniypaj sajrata parlanku. Paykunaqa runasniypa jallp'ankuwan jatunyakunku. Chaynejta, kausayniyrayku juramentota ruwani. Moab llajtaqa Sodoma jina jasut'isqa kanqa. Amompi tiyakoj runastaj Gomorrapi tiyakoj runas jina qhepakonqa. Chay jallp'astaj khishkas pampaman tukonqa. Kachi orqhona jinataj wiñaypaj uj ch'in pampa qhepakonqa. Llajtaymanta kausaypi puchojkunataj paykunamanta qhechuranqanku, chanta jallp'ankupitaj qhepakonqanku.

DIOSPA QHELQACHISQAN DEUTEROCANONICAL

⁸ Tukuy Atiyniyoj Tata Dios, pichus Israelpa Diosnin kay jinata nin: Uyarini Moab llajtayojkuna asikuspa imatachus mana allinta parlasqankuta, Amón llajtayojkunaj alqochakusqankuta ima. Paykunaqa aylluypaj millayta parlarqanku, aylluypa jallp'anwantaj qhapajyarqanku.

DIOSPA QHELQACHISQ

⁸ Tukuy Atiyniyoj Tata Dios, pichus Israelpa Diosnin kay jinata nin: Uyarini Moab llajtayojkuna asikuspa imatachus mana allinta parlasqankuta, Amón llajtayojkunaj alqochakusqankuta ima. Paykunaqa aylluypaj millayta parlarqanku, aylluypa jallp'anwantaj qhapajyarqanku.

Sofonías 2:8 Referans Kwoze

Amós 1:13

Ajinata nin Señorqa: Amonmanta runasqa ashkha sajra imasta ruwaspa juchallikunku, chayrayku paykunata jasut'isajpuni; paykunaqa jallp'asninkuta jatunyachiyta munaspa Galaadmanta kaj onqoj warmispa wijsasninkuta khicharerqanku.

Jeremías 49:1

Señormanta uj willay jamun, Amón imaynatachus kananmanta: Maypitaj kashanku Israel runaspa wawasninri? Maypitaj kashanku chayaqeykita jap'ikusojkunari? Imaraykutaj dios Milcomña kunan Gadmanta dueño kashanri? Imaraykutaj amonitasqa llajtankupi tiyakushankuri?

Ezequiel 36:2

Atiyniyoj Señorqa kay jinata nin: Enemigosqa Israelpa wiñaypaj kaj orqosnin noqanchejman qosqaña kanku, nispa parlashanku.

Josué 5:9

Chaymanta Señorqa Josueman nerqa: Kay circuncisión ruwakusqanwanqa egipciospa p'enqakuyninta qhechuykichej, nispa. Chayrayku chay cheqaqa kunankama Gilgal nisqa sutiyoj.

Isaías 15:1

Moabpaj uj willay jamun. Uj ch'isilla Moabmanta Ar llajtaqa ch'impachata chinkachisqa karqa. Uj ch'isillataj Moabmanta Kirpis ch'impacha chinkachisqa karqa.

Isaías 16:6

Moab runaspa mayta wapuykachasqankuta uyariyku; mayta runaykachasqankuta, machu machu kasqankutapis. Chaywampis llullakusqasninkoqa mana cheqanchu kanqa.

Jeremías 12:14

Ajinata Señorqa nin: Israel qayllapi tiyakojkuna juchasapa runasman, pikunachus phiñarerqanku chay chayaqenkupaj jina qorqa Israel ayllun chayta: Noqa t'irasqaykichej jallp'asniykichejmanta, Judatapis orqhollasajtaj paykuna chaupimanta.

Lamentaciones 3:61

Qan uyarishanki Señor, toreawasqankuta; tukuy sajra imasta contraypi wakichisqankutawan.

Ezequiel 21:28

Runa, imaschus sutiypi jamunankumanta willaray; chay amonitasman niy: Israelpa contranta parlanku chay amonitaspa contranta Señorqa kay jinata nin: Espadaqa jallp'amanta orqhosqaña kashan amonita runasta ruwarachinampaj, llosq'ochasqataj lliphipirinampaj t'unaykunampajtaj.

Amós 2:1

Ajinata nin Señorqa: Moabmanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa Edommanta kaj reypa tullusninta, llamp'u ushphaman tukunankama q'olachinku.

Sofonías 2:10

Chay jina pagota jap'enqanku Moab llajtaqa, jinallataj Amompis, Señorpa ayllunwan burla ruwakusqankurayku. Tukuy Atiyniyoj Señorpa ayllunwan jatunyasqankuraykutaj.

Génesis 19:37

Kuraj kaj wawayoj karqa suticharqataj Moabta; payqa moabitaspa tatanku karqa kunankama.

Génesis 19:38

Sullk'a kajpis wawayojllataj karqa, suticharqataj Ben-amita, pichus amonitaspa tatanku karqa kunankama.

Jeremías 48:1

Israelpa Tukuy Atiyniyoj Señor Diosnin nichin Moab jallp'api imaschus kananmanta: Ay Nebo llajtamanta. Llakiyta phirisqa kashan. Quiriataim llajta jap'isqa karqa, k'umuykachachisqataj. Pakakuna wasisnimpa pampanman urmachisqa karqa.

Ezequiel 25:1

Señorqa parlamuwaspa niwarqa: Runa, amonitasta qhawariy, sutiypitaj paykunaj contrampi parlay.

Ezequiel 35:12

Chaypi yachanki uyarikusqayta, Israelpi kaj lomaspa contrampi kay jina sajrata parlasqaykita: Kay orqosqa saqerasqasña kanku, noqanchejman mikhurananchejpaj qopuwanchej, nispa.