Sofonías 2:3 - Qheshwa Biblia DC

³ Qankuna kay pachapi pisi kapuyniyojkuna tukuyniykichej Señorta mask'aychej, jinallataj kamachisqasninta junt'ajkuna, cheqa kaj imasta ruwaychej k'umuykukuychejtaj. Ajinamanta ichapis waqaychasqas kankichej Señorpa phiñakuynin p'unchaynimpi.

DIOSPA QHELQACHISQAN DEUTEROCANONICAL

³ Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

DIOSPA QHELQACHISQ

³ Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

Sofonías 2:3 Referans Kwoze

Salmos 76:9

Diosníy, khuskachanaykipaj sayaykojtiyki, tukuy kay pachapi llamp'u sonqoyojkunata salvanaykipaj.

Salmos 22:26

Wajcha runas mikhonqanku sajsakunankukama, Señorta mask'ajkuna payta yupaychanqanku. Wiñaypajtaj kausaychej.

Jonás 3:9

Ichapis Diosninchej jinamanta juchasninchejta pampachanman, k'ajaj phiñakuynintaj tiyaykunaman, jinamanta mana wañusunchu, nispa.

Salmos 105:4

Señorman riychej, atiyninman atienekuychej, paytataj tukuy tiempo mask'aychej.

Oseas 10:12

Paykunaman nerqani: Allin cheqa kajta tarpuychej, munakuy cosechata oqhariychej. Wakichiychej jallp'ata watejmanta tarpunaykichejpaj, imaraykuchus Señorta mask'ana tiempoña, pay jamunankama apamuspa qankunaman salvacionmanta parata.

Jeremías 39:18

Wañuchinasunkumanta noqa waqaychasqayki, imaraykuchus kausashaj qhepakunki noqapi atienekusqaykirayku. Noqa Señor chayta nini.

Proverbios 18:10

Señorpa sutenqa uj sumaj torre jina, chayman cheqan runasqa pakakunankupaj qayllanku.

Salmos 57:1

Khuyakuway noqamanta, Diosníy. Khuyakullaway. Qampi pakakuyta mask'ani. Lijrasniyki urapi pakakuyta munani, chay jina llakiy pasanankama.

2 Pedro 3:18

Astawampis wiñaychej yanapaypi, Salvador Señorninchej Jesucristoj rejsiynimpiwan. Jatun kay paypaj kachun, kunanmantapacha wiñaypaj wiñaynintinkama. Amén.

Jeremías 45:5

Qampajqa may jatun k'acha imastachu mañakunki? Ama mañaychu. Noqa tukuy runaspa patanman ñak'ariykunasta apachimusaj, kausayniyoj qhepakunaykita saqesqayki maymampis risqaykipi. Noqa Señor chayta nini.

Salmos 91:1

Patapi kaj Diospa jark'asqan kausakojqa, Tukuy Atiyniyoj Diospa llanthumpi pakakojqa.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

1 Tesalonicenses 4:1

Kay qhepantataj hermanos, qankunamanta mañakuyku, umachaykutaj Señor Jesuspi, imaynatachus noqaykumanta yachachisqas karqankichej, ajinata purinaykichejta, Diosta kusichispa, astawan astawantaj wiñaspa.

San Mateo 5:5

Kusikuyniyoj kanku llamp'u sonqoyojkunaqa, imaraykuchus paykuna jallp'ata chayaqenkupaj jap'enqanku.

Salmos 31:20

Qan paykunata jark'akunki, sajra runas millay ruwayta munajkunamantataj libranki, wasiyki ukhupitaj pakaykunki, enemigosnimpa churanakuyninkumanta.

Isaías 11:4

Manachayqa, cheqanta ruwaspa wajchasta cheqanchanqa, kay jallp'api llamp'u sonqoyojkunapaj cheqanta ruwanqa. Sajra runataqa palabrallanwan nanachenqa; siminmanta samaynillanwan juchasapataqa wañuchenqa.

Oseas 7:10

Israelpa runaykachasqanqa paypa contrallampitaj sut'inchashan. Chaywampis paykunaqa mana kutirikorqankuchu nitaj Señor Diosninkuta mask'arqankuchu.

Isaías 61:1

Señorpa Espíritun noqawan kashan, imaraykuchus Señorpuni noqataqa ajllawan. Sumaj willaykunata wajchasman willanaypaj kachamuwan, llakisqastataj sonqochanaypaj. Kachamuwantaj wata kamachis librasqas kanankuta ninaypaj, jinallataj carcelespi kajkunatapis kacharichinaypaj.

Salmos 149:4

Diosqa ayllumpi kusikuyta tarin, Wajchastataj atipaywan k'achanchan.

1 Tesalonicenses 4:10

Cheqamanta qankunaqa, ajinata ruwashankichej tukuy Macedoniapi kajkuna hermanoswan. Chaywampis, hermanos, mañakuyku astawan astawan wiñanaykichejta.

2 Samuel 12:22

Davidtaj kuticherqa: Wawa kausashajtillanrajqa ayunarqani waqarqanipis, yuyaspa ichapis Señorqa noqamanta khuyakuspa wawayta kutirichinanta.

Salmos 45:4

Wapu kayniykiwan ñaupajman riy, cheqa kayrayku maqanakuspa, llamp'u sonqo kajman cheqan kajta ruwaspa. Paña makiykitaj jatuchaj imasta ruwanqa.

Isaías 1:17

Yachaychej allin kajta ruwayta, kallpachakuychej cheqan kajta ruwayta, yanapaychej sarusqa kajta. Wajcha wawapaj cheqanta ruwaychej, viudaman kutikuychej.

Ezequiel 13:5

Perqapi jusk'usman mana wicharerqankichejchu, ni perqatapis Israel aylloj muyuynimpi llajtata waqaychanampaj ruwankichejchu, maqanakuna p'unchaypi sinch'ita sayanampaj Señorpa p'unchaynin chayamojtin.