Sofonías 2:11 - Qheshwa Biblia DC

¹¹ Señorqa may manchachikuna kanqa paykunaj contrankupi. Chay llajtapi tukuynin lantista t'unaykonqa. Tukuynejpi paylla yupaychasqa kanqa. Qocha chaupi churuspi runaspis paytaqa yupaychanqanku.

DIOSPA QHELQACHISQAN DEUTEROCANONICAL

¹¹ Kay pachapi tukuynin lantikunata chinkachispa, Tata Dios chay runakunata manchayta mancharichenqa. Chaymantataj tukuynejpi paylla yupaychasqa kanqa. Mama qocha churukunapi tiyakojkunapis payta yupaychanqanku.

DIOSPA QHELQACHISQ

¹¹ Kay pachapi tukuynin lantikunata chinkachispa, Tata Dios chay runakunata manchayta mancharichenqa. Chaymantataj tukuynejpi paylla yupaychasqa kanqa. Mama qocha churukunapi tiyakojkunapis payta yupaychanqanku.

Sofonías 2:11 Referans Kwoze

Zacarías 13:2

Tukuy kaj jallp'api lantikunata phirisaj, sutisnintinta chinkachinaypaj jinamanta manaña pipis qhaparikunankupaj. Jinallatataj profetasninkuta chay jallp'amanta chinkachisaj, chantá millay espirituyoj kajkunatapis. Noqa Señor niykichej.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

Oseas 2:17

Siminkumantataj qhechusaj, chay baalesmanta parlayta, ni jayk'aj sutillantapis oqharenqankuñachu.

Salmos 138:4

Señor mundontinmanta reykuna yupaychasonqanku, ruwasaj nisqaykita uyarispa.

Génesis 10:5

Kaykuna karqanku Jafetpa mirayninmanta kajkuna. Sapa nación, sapa familia kikin jallp'ankupikama, kikin parlayninkuwantaj. Paykuna junt'aykorqanku mar qochaj cantosninman.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

1 Timoteo 2:8

Chayrayku munani tukuynejpi qharis Diosmanta mañakunankuta, llimphu makista oqharispa, mana phiñakuspa, nitaj churanakuspa.

Zacarías 8:23

Jaqay tiempopeqa chunka waj llajtamanta runas, uj judío runaj p'achanmanta jap'iykukorqanku. Qankunawan riyta munayku, imaraykuchus uyariyku qankunawan Dios qasqanta, nispa!

Zacarías 8:20

Kayta nin Tukuy Atiyniyoj Señorqa: Jamonqankuraj ashkha jatuchej llajtaspi tiyakojkuna runas.

Sofonías 3:9

Chay p'unchay chayamojtin llimphuchasaj tukuy runaspa parlayninta, tukuyninku noqata qhaparikunawankupaj, tukuy runastaj noqata uj sonqolla sirvinawankupaj.

Sofonías 1:4

Judapi tiyakoj runaspa contrampi makiyta churamusaj, Jerusalempi tiyakoj tukuynin runaspa contrampi ima. Chinkachisajtaj kay lugarmanta Baal llulla diosta tukuy laya yupaychana kajta. Sacerdotesnimpa sutisnintawampacha chinkachisaj.

Joel 2:11

Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

Isaías 49:1

Mar qocha cantopi kaj llajtas, karupi kaj naciones uyariwaychej: Manaraj naceshajtiy Señorqa wajyawarqa, mamaypa wijsampi kashajtillayraj payqa sutichawarqa.

Isaías 42:10

Uj mosoj takiyta Señorman takiychej. Tukuynin jallp'aj tukukuyninmantapacha payta yupaychaychej, mar qochapi purejkuna, chay qochapi animales kajkuna ima, qocha chaupipi kaj churu llajtas, chay llajtaspi tiyakojkuna ima.

Isaías 42:4

Payqa mana sayk'onqachu, nitaj iskayrayanqachu, kay jallp'a patapi cheqan kajta sayachinankama. Mar qocha cantospi kajkunaqa paypa yachachisqasnimpi suyanqanku.

Salmos 86:9

Señor, tukuy nacionesta qan sayachinki, tukuyninkutaj qanta yupaychasonqanku, sutiykitataj jatunchanqanku.

Salmos 72:17

Reypa sutintaj wiñaypajpuni kachun, allin kaynintaj inti jina unaypaj kachun. Tukuy ayllus mundontimpi kajkuna, paynejta bendicisqas kachunku. Kusikuyniyojmin nispa tukuy ayllus kutichachunku.

Deuteronomio 32:38

Maypitaj kunan rikuchikusta jaywasqaykichejmanta wirasta mikhojkunari? Vino ofrendasta jaywasqaykichejmanta vinota ujyajkunari? Kunanqa sayarimuchunku qankunata yanapaj! Jamuchunku qankunata jark'akoj!

Jeremías 10:11

Qankuna, Israelitas, niychej lantista yupaychajkunaman: Chay dioskunaqa mana kay pachata, nitaj janaj patatapis ruwarqankuchu, chaykunaqa kay pachamanta chinkarenqanku, mana ujllapis janaj pachaj urampeqa qhepakonqañachu.

Jeremías 46:25

Israelpa Tukuy Atiyniyoj Señor Diosnin nin: Amonta, Tebaspa diosninta, Egiptota dioskunasnintinta, reykunasnintapis jasut'isaj, faraonta, chanta paypi atienekojkunatapis.

Daniel (hebreo) 11:18

Chanta maqanakonqa qocha qayllaspi llajtakunaj contranta, ashkhastaj chay llajtasmantaqa makimpi urmanqanku. Chanta uj atiyniyoj kamachejtaj kay p'enqayta chinkachenqa, wichaypi kaj reytawan p'enqaypi rikhurichispa.

Malaquías 1:14

Maldicisqa kachun nejqa mana onqosqa uywata jaywanawanta, nishaspa, chantá onqosqa kajtataj jaywawajqa. Noqaqa jatun Reymin kani, tukuy llajtaspa respetasqantaj kani. Ajinata Tukuy Atiyniyoj Señorqa nin.

Isaías 2:18

Lantistaj chinkachisqas kanqanku.

Isaías 2:20

Chay p'unchaykunapi runasqa, qorimanta, qolqemanta ima yupaychanankupaj ruwakusqanku lantista, juk'uchasman, ch'iñisman ima wijch'onqanku.