Sofonías 2:10 - Qheshwa Biblia DC

¹⁰ Chay jina pagota jap'enqanku Moab llajtaqa, jinallataj Amompis, Señorpa ayllunwan burla ruwakusqankurayku. Tukuy Atiyniyoj Señorpa ayllunwan jatunyasqankuraykutaj.

DIOSPA QHELQACHISQAN DEUTEROCANONICAL

¹⁰ Moab suyumanta kajkuna chay jina pagota jap'enqanku, jinallataj Amón suyupi tiyakojkunapis, Tata Diospa ayllunmanta alqochakusqankurayku, Tukuy Atiyniyoj Tata Diospa ayllunnejta qhapajyasqankurayku ima.

DIOSPA QHELQACHISQ

¹⁰ Moab suyumanta kajkuna chay jina pagota jap'enqanku, jinallataj Amón suyupi tiyakojkunapis, Tata Diospa ayllunmanta alqochakusqankurayku, Tukuy Atiyniyoj Tata Diospa ayllunnejta qhapajyasqankurayku ima.

Sofonías 2:10 Referans Kwoze

Isaías 16:6

Moab runaspa mayta wapuykachasqankuta uyariyku; mayta runaykachasqankuta, machu machu kasqankutapis. Chaywampis llullakusqasninkoqa mana cheqanchu kanqa.

Jeremías 48:29

Moabpa mayta runaykachayninta rejsiyku, wapuykachaj kasqanta, phiña runa kasqanta, sinch'i runaykachaj kasqantawan.

Sofonías 2:8

Tukuy Atiyniyoj Señorqa, Israelpa Diosnenqa kay jinata nin: Uyarini Moab runaspa mana allinta parlasqankuta, Amón llajtayoj runaspa burla ruwakusqankuta ima, imaraykuchus paykunaqa runasniypaj sajrata parlanku. Paykunaqa runasniypa jallp'ankuwan jatunyakunku. Chaynejta, kausayniyrayku juramentota ruwani. Moab llajtaqa Sodoma jina jasut'isqa kanqa. Amompi tiyakoj runastaj Gomorrapi tiyakoj runas jina qhepakonqa. Chay jallp'astaj khishkas pampaman tukonqa. Kachi orqhona jinataj wiñaypaj uj ch'in pampa qhepakonqa. Llajtaymanta kausaypi puchojkunataj paykunamanta qhechuranqanku, chanta jallp'ankupitaj qhepakonqanku.

1 Pedro 5:5

Jinallatataj waynas, kurajkunata kasuychej. Purajmanta kasunakuspa llamp'u sonqos kaychej. Diosqa jatunchakojkunata qhesachan, k'umuykukojkunatataj yanapan.

Abdías 1:3

Chay wapuykachasqayki ch'aukiyasorqa kausanki chhanka k'ajlluspi tiyakunkitaj pata patasnimpi. Chayrayku creerqanki mana pipis urmachinasunta.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Éxodo 10:3

Chaymantaqa Moiseswan Aaronwan rispa faraonman willamorqanku: Ajinata nimusunki Señorqa, hebreospa Diosnin: Mayk'ajkamataj mana sonqoykita ñaupaqeypi llamp'uyachinkichu? Saqellayña israelitasniy llojsinankuta noqata yupaychanawankupaj.

Éxodo 9:17

Chaywampis qanqa astawanraj sonqoykita rumiyachishanki israelitaspa contranta, mana paykunata saqeshankichu llojsejta.

Lamentaciones 1:9

P'achanqa millay ch'ichi kashan, manataj yuyarikusqachu imaynatachus tukukunanmanta. Chayrayku payqa mana yuyasqamanta urmarparin, manataj pipis sonqochaykurej kanchu. Qhawariway ari Señor, llakiyniyta, enemigosniypis manchayta wapuykachasqankuta.

Ezequiel 25:6

Kay jinata nin Señorqa: Amonita runas, kusiywan makisniykichejta t'ajllarakorqankichej, chakisniykichejwantaj p'atatiyarqankichej, kusikorqankichejtaj Israel aylluta qhesachaspa.

1 Crónicas 16:21

Dios jark'arqa paykunata maqanankumanta. Reykunastapis k'amerqa kay jinata:

Jeremías 12:14

Ajinata Señorqa nin: Israel qayllapi tiyakojkuna juchasapa runasman, pikunachus phiñarerqanku chay chayaqenkupaj jina qorqa Israel ayllun chayta: Noqa t'irasqaykichej jallp'asniykichejmanta, Judatapis orqhollasajtaj paykuna chaupimanta.

Jeremías 48:14

Moabqa ama nichunchu, may wapus kayku, kallpasapas, maqanakojkunastaj kayku, nispaqa.

Abdías 1:11

Qanqa uj ladoman ithirerqanki maypachachus enemigosniyki orqhoshajtinku llajtaj chay qhapaj kaykunasinta. Maypachachus waj llajtayoj soldados Jerusalén llajtaj punkusninta p'akirarqanku puchojtarí rak'inakorqanku, chantá tukuy qhapaj kaynintapis apakaporqanku chaypacha qampis paykuna jinallataj karqanki.