Sofonías 1:5 - Qheshwa Biblia DC

⁵ Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

DIOSPA QHELQACHISQAN DEUTEROCANONICAL

⁵ Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

DIOSPA QHELQACHISQ

⁵ Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Sofonías 1:5 Referans Kwoze

Jeremías 19:13

Jerusalempi, chantá Judapi reykunaspa wasisnin, chay wasi pataspi, maypichus inciensosta q'osñichej kanku tukuy qoyllurkunaman, chantá maypichus vinota waj dioskunaman jich'aj kanku chaykunapis, Tofetpi jina ch'ichipaj qhawasqas kanqanku.

2 Reyes 17:33

Señorta manchachikoj kanku, chaywampis lantisninkuta yupaychaj kanku, imaynatachus llajtankupi ruwaj kanku ajinallatapuni chaypipis ruwaspa.

1 Reyes 11:33

Imaraykuchus Salomonqa noqata saqerpariwaspa yupaycharqa sidoniospa china diosnin Astarteta, Moabpa diosnin Quemosta, amonitaspa diosnin Moloctawan, manataj noqaj ñankunasniypichu purinku, noqaj ñaupaqeypi cheqanta ruwaspa, kamachisqasniyta, nisqasniytawan, imaynatachus tatan David waqaycharqa jinataqa.

Amós 5:26

Kunanqa, Sicut reyniykichejta Quiyún qoyllurta q'epirikunaykichej tiyan, dioskunasniykichej lantista, mayqenkunatachus qankunallataj ruwankichej.

2 Reyes 23:12

Ajinallatataj rey Josiasqa, Judamanta rey Acazpa wasin patapi ruphaykucherqa, altarestapis urmacherqa, Señorpa wasimpi iskaynin, patiosnimpi, Manasespa altares ruwasqasnintapis t'unaraspa Cedrón wayq'oman wijch'uchimorqa.

2 Reyes 17:41

Chay runasqa Señorta manchachikoj kanku, chanta lantisninkutapis yupaychallajtaj kanku. Wawasninku, allchhisninkupis, imaynatachus tatasninku ruwaj kanku, ajinallatapuni kunankamapis ruwakushanku.

1 Reyes 18:21

Eliastaj tukuynin runasman chimpaykuytawan nerqa: Mayk'ajkamataj iskay yuyayniyojllapuni qankuna kankichejri? Señorpuni Dios kajtenqa qhatiychej, chayri Baal dios kajtenqa qhepanta riychej. Runastaj mana imatapis kuticherqankuchu.

Romanos 14:11

Escribisqa kashan: Señorqa nin: Noqa kausashani, tukuy ñaupaqeypi qonqorikonqanku, tukuy qallustaj Diosta yupaychanqanku, nispa.

San Mateo 6:24

Mana pipis iskay patronespa kamachin kayta atinchu, imaraykuchus ujninta chejnenqa, ujnintataj munakonqa; chayrí, ujninman kutikonqa, ujnintataj qhesachanqa. Mana atinkichejchu ujllapi k'umuykukuyta Diosman qolqemampis.

Oseas 4:15

Israel, sichus qan qhenchachakunki chayqa, jinapis Judaqa ama juchayojchu rikhurichun. Ama Gilgalman qankuna riychejchu, amataj Bet-avenmampis wichariychejchu, amallataj Señorpa kausayninraykupis juraychejchu!

Jeremías 32:29

Llajtata jap'ikapoj caldeosqa yaykuykuspa ninawan jap'iykuchenqanku; maypichus Baalman inciensosta q'osñichej kanku, jinataj vinosta jaywaj kanku mana rejsisqa dioskunaman, noqata phiñachinawankupaj, chay wasistawan khuska ruphaykuchenqanku.

Jeremías 5:7

Señorqa nin: Imaynatataj kay tukuymanta perdonaykimanri? Wawasniyki saqerpariwanku, jurankutaj qhasi mana kaj dioskunasninkunejta. Ashkha mikhunawan atipacherqani, jinapis paykunaqa qhenchachakorqanku, tukuyninkutaj qhencharioman qokaporqanku.

Isaías 48:1

Jacobpa ayllun, kayta uyariy. Israelpa sutinwan sutichasqa runas, Judá ayllumanta mirasqas kajkuna, Señorpa sutinta oqharispa parlajkuna, Israelpa Diosninmanta yuyarikojkuna. Chaywampis, chayta ruwankichej mana cheqa kaywanchu, nitaj cheqan sonqowanchu.

Isaías 45:23

Noqa kikiy juramentota ruwani, kikin simiymanta llojsin imatachus cheqanta ruwanay. Chay nisqayqa junt'akonqapuni. Chaytaj kay jina: Noqaman tukuypis qonqorikuwanqanku, sutiypitaj juraspa noqamanta nenqanku:

Isaías 44:5

Chaypacha sapa uj nenqanku: Noqaqa Señorpata kani, ujtaj nenqa: Noqaqa Jacobpa m irayninmanta kani, nispa. Ujnin kajtaj makinwan qhelqanqa, noqaqa Señorpata kani, apellidontataj Israelta churakonqa.

1 Reyes 11:5

Imaraykuchus Salomonqa yupaycharqa Astarteta, sidoniospa china diosninkuta; Amonitaspa chay millay lantinku Milcomtawan.

Josué 23:7

Ajinamanta chaupiykichejpi waj runas tiyashankuraj chaykunawan amapuni chajrukunaykichejpaj, dioskunasninkuta ama yupaychanaykichejpaj, ama kasunaykichejpaj, ni chaykunamanta parlarillankichejpischu, nitaj qonqorikunkichejchu, nitaj chaykunaj sutimpi jurankichejchu.

Deuteronomio 10:20

Señor Diosniykichejta manchachikuychej, pay sapallanta yupaychaychej. Payman sayasqas kaychej. Juramentotapis ruwanaykichej kajtenqa Paypa sutimpi ruwaychej.

Hechos 10:9

Q'ayantintaj kachas ñanta rishajtinku, Jopeman qayllashajtinkuña, Pedro chaupi dianejta, wasi pataman wicharerqa Diosmanta mañakoj.

2 Reyes 17:32

Señorta yupaychaj kanku; chaywampis paykuna ukhullamanta sacerdotesta churarqanku lomas pata altarespi, chaypi paykunapaj jaywanasta qonankupaj.

Jeremías 5:2

Señorpa kausayninrayku jurajkunapis, llullakuspa juranku.

Jeremías 7:9

Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

Jeremías 7:10

Chaymantaraj yupaychanawaykichej wasiyman jamuwankichej ñaupaqeyman chimpamunawaykichejpaj. Creekunkichej kacharisqas kasqaykichejta, chay millay ruwaykunata, mana noqaj munasqay imasta ruwaykichejpaj.

Jeremías 8:2

Aysarparenqankutaj intej k'anchayninman, killajman, jinallataj ch'askakunajman ima. Chaykunata munakorqanku, tapukorqanku, yupaycharqankutaj. Manataj pipis paykunata oqharerqachu p'ampamunankupaj, wanu jina pampapi qhallisqa wijch'ukorqa.

Jeremías 12:16

Cheqamanta paykunaqa aylluyman, Baalpa sutimpi jurallata yachacherqanku, kunantaj aylluy ukhuman jamuspa tiyakapuyta atenqanku. Cheqamantachus aylluypa Diospi creeyninta jap'ikonqanku, sutiyraykutaj juranqanku, Señorpa kausayninrayku nispa chayqa.

Jeremías 49:1

Señormanta uj willay jamun, Amón imaynatachus kananmanta: Maypitaj kashanku Israel runaspa wawasninri? Maypitaj kashanku chayaqeykita jap'ikusojkunari? Imaraykutaj dios Milcomña kunan Gadmanta dueño kashanri? Imaraykutaj amonitasqa llajtankupi tiyakushankuri?

Oseas 10:2

Israelpata sonqonqa iskayman t'aqasqa kashan, kunantaj juchasninrayku paganqa. Chay altaresninta Señor phirenqa, chay t'aqasqanku k'acha rumistataj q'alata urmaykuchenqa.

Deuteronomio 4:19

Pajtataj janaj pachaman qhawaspa rikuwajchej, intita, killata, estrellasta, imaschus janaj pachapi kanku chaykunatawan. Ajinamanta pajtataj chaykunaman qonqorikuspa yupaychawajchej. Señor Diosniykichejqa chaykunasta ruwarqa kay pachapi kaj tukuy aylluspaj.

Isaías 22:1

Hinom vallej contranta willakun. Imataj tiyan tukuyniykichej wasi pataman wicharinaykichejpajri?