Sofonías 1:18 - Qheshwa Biblia DC

¹⁸ Señorpata phiñakuy p'unchaynimpi runataqa mana salvanqachu qolqen nitaj qorimpis. Señorpa k'ajaj phiñakuynin nina jina tukuy llajtantinta q'olaykonqa. Tukuy jallp'a patapi tiyakojkuna uj ratollapi t'unasqas kanqanku.

DIOSPA QHELQACHISQAN DEUTEROCANONICAL

¹⁸ Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.

DIOSPA QHELQACHISQ

¹⁸ Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.

Sofonías 1:18 Referans Kwoze

Sofonías 3:8

Chayrayku, qankuna suyariwaychej chay p'unchaykama maypachachus noqa sayarisaj contraykipi parlanaypaj. Noqa Señorqa kaytamin nini: Yuyaychakuni tantamuyta runasta, nacionesmanta reinosmantawan, phiñakuyniyta paykunaj patanman urmachinaypaj. May k'ajashaj phiñakuyta paykunaman rejsichinaypaj. Chaypachataj tukuynin jallp'a t'unasqa kanqa nina larwaj phiñakuyniyrayku.

Ezequiel 7:19

Qolqesninkutapis callesman wijch'onqanku q'opata jina. Ni qorinku, nitaj qolqenkupis paykunataqa salvayta atenqachu Señorpa k'ajaj phiñakuynin chayamonqa chay p'unchaypeqa. Chaykunaqa almankuta mana sajsachiyta atenqankuchu, nitaj wijsantapis junt'achiyta atenqachu, imaraykuchus chay qori, paykunataqa sajra kausayman misk'acherqa.

Proverbios 11:4

Juicio p'unchaypeqa ni imapaj allinchu kanqa qhapajyayninkoqa; cheqan kayrí wañuymanta ayqechenqa.

San Mateo 16:26

Ima allintaj runapaj kanman, sichus mundontinta gananman, kausaynintataj chinkachinman chayqa? Chayrí, imatataj runa qonman almanrayku?

Génesis 6:7

Señorqa nerqa: Jallp'a patamanta q'alata chinkachisaj kay ruwasqasniy runasta; jinallataj uywasta, pampata qhatatakojkunata, p'isqostawan. Anchata pesachikuni kaykunata ruwasqaymanta.

Sofonías 1:15

Phiñakuy p'unchay kanqa. Chay p'unchaypitaj kay imas kanqanku: Llakikuy ayqoytaj. Thuñikuy, ch'impacha kaytaj. Tutayay, may laqhayaytaj. Phuyusqa p'unchay, laqha llanthutaj.

Sofonías 1:11

Qhapariychej qankuna, Mortero nisqa chaynejpi tiyakojkuna, imaraykuchus qhatunata apaykachajkuna tukuyninku wañuranqanku. Qolqewan qhatuspa purejkunapis tukuyninku t'unasqas kanqanku!

Ezequiel 16:38

Casarakuspaña waj qhariwan qhenchachakoj warmita jina jasut'isqayki, runa wañuchista jinataj. Phiñakuywan, tumpaywantaj wañuchichisqayki.

Jeremías 9:11

Jerusalén llajtata rumi qontusman tukuchisaj, chantá atojkunaspa pakakunasninmantaj; manañataj pipis chaypi tiyakonqachu.

Jeremías 7:20

Chayrayku, noqa Señor cheqatapuni nini, tukuy phiñakuyniyta thallinayta kay cheqaj contranta, runakunasnimpa contrampi, jinallataj uywasnimpa contrampi, sach'asnimpa contrampi, chantá cosechasnimpa contrampipis. Chayqa nina jap'iykuchisqa mana thasnukuyta atej jina kanqa.

Isaías 1:24

Chayrayku Tukuy Atiyniyojqa, Israelpa yanapajnin Señorqa nin: kutichikusaj enemigosniywan, paykunawantaj pagachikusaj.

Salmos 78:58

Manakaj altaresninkuwan phiñacherqanku, mana kaj dioskunata yupaychaspa tumpachikorqanku.

1 Reyes 14:22

Señorpa ñaupaqempi Judaqa sajra kajta ruwarqa, Señorta phiñachispa tatasninkumanta astawan sajrataraj ruwaspa.

Deuteronomio 31:17

Chayrayku sinch'i phiñakuyneyqa paykunaj contranta k'ajarenqa. Paykunataqa saqerparisaj, mana qhawarisajchu ni ima kashajtimpis. Chay chhika nanaykuna, llakiykuna ima patankuman jamojtintaj, paykuna nenqanku: Manachu kay llakiykunaqa jamuwanchej manaña Diosninchej kasqanrayku?

Proverbios 18:11

Qhapaj runaqa yuyakun kapuynin jark'achisqa llajta jina kasqanta, alto perqasniyojpis kanman jina.

Salmos 79:5

Señorníy, mayk'ajkamataj phiñasqa kankiri? Phiñakuyniykeqa nina jinallapunichu lauranqa?

Job 21:30

Maypachachus Dios phiñakun chayqa llakiykunata apachimun, sajra runatataj ni imapis pasanchu.

1 Corintios 10:22

Chayri munanchejchu Señorta phiñachiyta? Chayrí astawan atiyniyojchu kanchej paymanta?

Jeremías 7:34

Judá llajtapi jinallataj Jerusalén callespipis fiestaspi tusuykunata, takiykunata, jinallataj casarakupi takiykunatapis chinkachisaj. Tukuynin jallp'ataj ch'in pampaman tukuchisqa kanqa.

Ezequiel 7:5

Kay jinata Señorqa nin: Mana allenqa qhepampi qhepampi jamushan.

Ezequiel 7:11

Mana allin ruwayqa qallarikun, sajra kausaytataj poqon. Paykunataj munasqankuta mana ruwayta atenqankuchu qhapaj kayninkuwan, nitaj qhaparisqankuwampis, paykuna ukhupitaj mana ujpis llakirikoj kanqachu.

Ezequiel 23:25

Phiñakuywan contraykipi tumpasqayki, paykunataj may sajrata ruwasonqanku. Senqaykita, ningrisniykitawan khuchusonqanku. Mirayniykimanta puchojkunataqa espadawan wañurachenqanku. Qhari wawasniykita, warmi wawasniykitawan jap'ikaponqanku, qanmanta puchojtataj ninawan tukuchenqanku.

Job 3:15

chayri pikunachus palaciosninkuman qorita, qolqetawan junt'achejkunawan.

Isaías 10:3

Imanankichejtaj cuentata qona p'unchaypiri? Piwantaj yanapachikunkichej karumanta jasut'i jamusojtiykichejri? Maymantaj chay jina qhapaj kayniykichejta churankichejri?

Isaías 10:17

Israelpa k'anchaynin Santo Diosnenqa, nina laurayman tukonqa; uj p'unchayllapi qhorasninta khishkasnintawan q'olarparenqa.