Sofonías 1:10 - Qheshwa Biblia DC

¹⁰ Señorqa kay jinata nin: Jaqay p'unchaypi runas mañakonqanku yanapariway nispa, chay qhapariytaj challwas punkumantapacha uyarikonqa. Qhepa kaj llajtamantapacha runas qhaparikonqanku, orqosmantapacha jallp'a suchuykuna kanqa jatun sonaywan.

DIOSPA QHELQACHISQAN DEUTEROCANONICAL

¹⁰ Tata Dios kay jinata nillantaj: Chay p'unchaypi yanapanata mañakuspa qhaparikusqanku uyarikonqa, qhaparisqankoqa Challwa Punku nisqamantapacha uyarikonqa. Mosoj llajta nisqapipis runakuna qhaparillanqankutaj, jinallataj orqokunapis ikhakuspa manchayta sonarispa loqhekonqa.

DIOSPA QHELQACHISQ

¹⁰ Tata Dios kay jinata nillantaj: Chay p'unchaypi yanapanata mañakuspa qhaparikusqanku uyarikonqa, qhaparisqankoqa Challwa Punku nisqamantapacha uyarikonqa. Mosoj llajta nisqapipis runakuna qhaparillanqankutaj, jinallataj orqokunapis ikhakuspa manchayta sonarispa loqhekonqa.

Sofonías 1:10 Referans Kwoze

2 Crónicas 33:14

Chaymantataj Manasesqa, Davidpa llajtampa jawa perqanta oqharicherqa Gihonmanta inti yaykuynejman. Chaytaj mayunejta pasaspa, challwas nisqa punkukama chayamorqa, chaymantataj muyuykorqanku Ofelnejta. Chay perqatataj sinch'i altota ruwarqa. Chanta churallarqataj soldadospa kamachejkunasninta Judamanta tukuy jark'achisqa llajtaspi.

Amós 8:3

Chay p'unchaypi palaciopi takisqankoqa may llakiyman tukonqa. Ashkha runas wañonqanku, ayasninkoqa jawa ch'in laqhaman wijch'usqas kanqanku. Chaytamin nin Señorqa.

2 Reyes 22:14

Chanta sacerdote Hilciasqa rerqa, Ahicamwan, Acborwan, Safanwan, Amasiaswan ima, profetisa Huldata watukoj. Payqa Salumpa warmin karqa; Saluntaj Ticvaj wawan karqa, Harhaspa allchhintaj. Harhasqa Diospa wasimpi p'achasta jallch'anampaj churasqa karqa. Huldaqa Jerusalempi tiyakorqa, mosoj wasis tiyan chaynejpi, payman qayllaspataj parlarqanku.

Nehemías 3:3

Senaaj mirayninmanta kajkunataj Challwa nisqa punkuta jataricherqanku. K'aspita churaykuytawankama punkusninta churaykorqanku llavenasnintinta jark'anasnintawa.

Sofonías 1:15

Phiñakuy p'unchay kanqa. Chay p'unchaypitaj kay imas kanqanku: Llakikuy ayqoytaj. Thuñikuy, ch'impacha kaytaj. Tutayay, may laqhayaytaj. Phuyusqa p'unchay, laqha llanthutaj.

Sofonías 1:7

Ch'in kaychej Señorpa ñaupaqempi. Señorpa p'unchaynenqa qayllamushanña! Señor wakichin uj jaywanata, wajyasqasnintataj llimphuchanña!

Jeremías 39:2

Isq'on kaj p'unchaypi, tawa kaj killapi rey Sedequías chunka ujniyoj watastaña kamachishajtin enemigo soldadosqa perqata jusk'uspa llajtaman yaykuykorqanku.

Jeremías 4:31

Nanaywan qhapariykunasta uyarini, uj warmi, ñaupaj kaj wawanta nacechikuspa nanaywan qhaparqachan ajina. Chaykunaqa Sión orqoj qharparikusqasnin kanku, makisnintataj jaywarakun. Ay noqamanta! Kay runa wañuchis wañuchishawankuña!, nispa.

Isaías 59:11

Tukuyninchej jukumaris jina qhaparinchej; palomas jina uy uy nispa waqanchej; cheqan kajta suyanchej, manataj tarinchejchu. Salvaciompis noqanchejmantaqa karunchakun.

2 Crónicas 32:22

Jinamanta Señorqa Ezequiasta kacharicherqa, jinataj Jerusalempi tiyakojkunatapis atiyninmantapis. Señortaj sonqo tiyasqa kausayta qorqa, qayllankupitaj tukuy nacioneswan.

2 Crónicas 3:1

Salomonqa qallarerqa Señorpaj yupaychana wasita llank'achiyta Jerusalempi, Moriah orqopi maypichus tatan Davidman Señor rikhurerqa chaypi, kikin maynejpichus David wakichisqa chaypi, jebuseo Ornampa eran chaypi.

2 Samuel 5:9

Chaymantataj Davidqa jark'achasqayoj chaynejpi tiyakaporqa, chaytataj Davidpa llajtan nispa suticharqa. Muyuyninmantaj perqasta jataricherqa, Milo chaynejmantapacha palacio wasikama.

2 Samuel 5:7

Chaywampis Davidqa sinch'i jark'achasqa Sión llajtata jap'erparerqa, chayrayku kunankama Davidpa llajtan nisqa kashan.

2 Crónicas 34:22

Hilciaswan, reywan kamacherqa rinankuta chaykuna rerqanku profetisa Huldaman. Payqa Saluimpa warmin karqa. Salumtaj Ticvaj wawan karqa Harhaspa allchhintaj. Payqa yupaychana wasipi p'achasta jallch'anampaj churasqa karqa. Huldaqa Jerusalempi tiyakorqa chay mosoj llajtanejpi. Paymantaj chay palabrasta nerqanku:

Nehemías 12:39

Efraín punkunta pasarqayku, chanta Jesanaj punkunnejta, chaymantataj Challwas Punku nisqanejta, Hanaeel Torrenejta, jinataj Cien Torre nisqanejta Ovejas Punku nisqakama. Sayaykorqaykutaj Soldados qhawana Punku nisqapi.

Ezequiel 6:13

Maypachachus runa wañurasqasta rikunkichej lantisniykichej chaupipi, altarespa muyuynimpi, chantá alto lomas patapi, lomaspa kinraykunasnimpi, jinallataj q'omer sach'as urapi, encinas nisqa thansarara sach'as urapi, chantá maypichus tukuy lantisniykichejman inciensota jaywarqankichej chay tukuynejpitaj, chaypacharaj yachankichej noqa Señorqa kasqaytaqa.