Salmos 99:8 - Qheshwa Biblia DC

⁸ Señor Diosniyku, qan paykunaman kuticherqanki, qan paykunaj juchasninkuta pampacharqanki. Juchallikojtinkutaj jasut'erqanki.

DIOSPA QHELQACHISQAN DEUTEROCANONICAL

⁸ Tata Diosniyku, qan paykunaj mañakusqankuta uyarej kanki, jinataj paykunaj juchankuta pampachaj Diosmin karqanki. Chaywanpis millayta ruwasqankuman jina paykunata jasut'erqanki.

DIOSPA QHELQACHISQ

⁸ Tata Diosniyku, qan paykunaj mañakusqankuta uyarej kanki, jinataj paykunaj juchankuta pampachaj Diosmin karqanki. Chaywanpis millayta ruwasqankuman jina paykunata jasut'erqanki.

Salmos 99:8 Referans Kwoze

Números 20:12

Señortaj Moisesman Aaronmanwan nerqa: Qankuna noqapi mana creesqaykichejrayku, nitaj israelitas rikushajtinku jatunchawasqaykichejrayku, kunanqa kay runasta mana pusaykunkichejchu, ima jallp'atachus qosqaykichej nerqani chayman.

Salmos 89:33

Chaywampis Davidta munakullasajpuni, paywan trato ruwasqaymantapis yuyarikullasajpuni.

Jeremías 46:28

Noqa Señor nini: Ama manchachikuychu kamachiy Jacobpa ayllun, imaraykuchus noqa qanwan kashani. Maykunamanchus ch'eqeracherqayki chay tukuy nacionesta phirisaj. Jinapis qantaqa mana chinkachisqaykichu, manachayqa k'amisqayki imaynatachus juchallikusqaykiman jina, chaywampis mana saqesqaykichu mana jasut'ita qospaqa.

Eclesiastés 7:29

Kayllata tarini: Diosqa runata cheqanta, allin kajta ruwanampaj ruwasqa; chaywampis runasqa ashkha mana allin imasta mask'anqanku.

Romanos 1:21

Ajinata Diosta rejsishaspa, mana Diosta jinachu yupaycharqanku, nitaj graciastapis qorqankuchu. Astawanqa qhasi mana kaj yuyayninkuwan jatunchakorqanku, wampu sonqonkupis astawan laqhayaykorqa.

Sofonías 3:7

Yuyarqani ajinamanta Jerusalén llajta manchachikunawanta. K'amisqaytataj jap'ikunanta, chay jinamanta noqa jasut'ejtiy ama aylluntin wañunampaj. Aswampis paykunaqa usqhaychakorqanku tukuy laya sajra ruwanasman.

Deuteronomio 3:26

Señortaj mayta phiñakuwarqa qankunaj juchasniykichejrayku. Mana uyariwarqachu imatachus mañakusqayta. Manachayqa niwarqa: Kaykamalla qanwanqa. Amaña kay imasmanta parlawaychu.

Números 20:24

Aaronqa wañuponqa, mana yaykonqachu ima jallp'atachus israelitasman qosqaykichej nerqani chayman, qankunaqa kamachisqasniyta mana kasuwankichejchu Meriba nisqapi juturi yaku cantopi kashaspa.

Éxodo 32:2

Aarontaj nerqa: Warmisniykichejpa ningrimpi kashan chay qori faluchost apamuychej, jinallataj qhari wawasniykichejpata, warmi wawasniykichejpatawan.

Éxodo 34:7

Khuyakuyninwan waranqa waranqa runasta juchasninta pampachan munakuyninwan, jinallataj tukuy sajra kayninkuta, mana allin puriyninkuta, juchasninkuta ima. Chantaqa mana qhawallanchu tataspa jucha ruwasqasninkuta, payqa jasut'impuni, wawasninkupi, chaymanta aswan qhepaman wawasninkupipis kinsa mitakama, chayri tawa mitakama.

2 Samuel 12:14

Señorta enemigosninwan rimachisqaykirayku chay nacekoja wawayki wañunampuni tiyan.

Salmos 78:38

Diostaj paykunamanta khuyakoj, sajra kayninkuta pampachaj paykunata mana tukuchispa; ashkha kuti ithiricherqa phiñakuyninta, manataj phiñakuywan atipachikorqachu.