Salmos 99:3 - Qheshwa Biblia DC

³ Jatun manchana sutiykeqa yupaychasqa kachun. Diosninchejqa santomin.

DIOSPA QHELQACHISQAN DEUTEROCANONICAL

³ May manchana sutenqa yupaychasqa kachun. Diosqa may llimphumin.

DIOSPA QHELQACHISQ

³ May manchana sutenqa yupaychasqa kachun. Diosqa may llimphumin.

Salmos 99:3 Referans Kwoze

Isaías 6:3

Purajmantataj ninakorqanku: Santo, santo, santo Tukuy Atiyniyoj Señorqa; tukuy kay pachaqa lliphipiyninwan junt'a kashan, nispa.

Deuteronomio 28:58

Sichus kay libropi sumaj kamachiykuna qelqasqa kashan chaykunata mana junt'ankichejchu, nitaj Señor Diosniykichejpa, manchachikunapaj jina sumaj k'acha sutintapis yupaychankichejchu chayqa, Señorqa apachimusonqachej qankunaman, mirayniykichejmampis unaypaj manchay nanaykunata, millay onqoykunatapis mana thañiy atejta.

Salmos 111:9

Pay llajtanta kacharicherqa, trato ruwasqantataj wiñaypaj sayacherqa. Diosninchejqa santo Dios, manchachikunataj.

Apocalipsis 4:8

Chay tawantin animalesqa sapa ujninku sojta lijrasniyoj muyuyninkupi, tukuy ukhunkupitaj ñawiswan junt'asqas karqanku; manataj tuta p'unchay samajchu kanku, nispa: Santo, Santo, Santo, Señor Dios Tukuy Atiyniyoj, pichus karqa, kantaj, jamonqataj.

San Juan 17:11

Noqa manaña mundopichu kasaj. Paykunataj mundopi qhepakonqanku, noqataj qanman jampusaj. Sumaj Tatáy, noqapi creejkunata sutiykipi waqaychay, paykuna uj sonqolla kanankupaj, qanwan noqawan ujlla kanchej, ajinata.

Salmos 145:17

Señorqa tukuy imatapis ashkhatapuni ruwan. Tukuy ima ruwasqasnimpi khuyakuyniyoj.

Salmos 66:3

Diosman takiychej: Ruwasqasniykeqa may sumajpuni. Jatun atiyniykirayku, enemigosniykeqa ñaupaqeykipi mancharisqas urmanku.

Nehemías 4:14

Mancharikusqankuta reparaspa, sayarikuytawan nerqani chay allichaj runasninkuman, jintaj kamachejkunasninkuman, jinataj runasmampis: Ama enemigosniykichejmanta mancharikuychejchu, Señormanta yuyarikuychej may jatun kasqanta, manchachikunataj kasqanta. Maqanakuychej ari llajta masisniykichejrayku, qhari wawasniykichejrayku, warmi wawasniykichejrayku, warmisniykichejrayku, wasisniykichejraykupis, nispa.

Nehemías 1:5

Nerqanitaj: Señor, janaj pachapi kaj Diosníy, qanqa jatun Dios atiyniyoj manchachikunataj kanki. Qanqa trato ruwasqaykitaqa sumajta jallch'anki. Jinataj munakusojkunatapis, kamachiykita junt'ajkunatapis mana jayk'aj saqenkichu.

Josué 24:19

Josuetaj paykunaman nerqa: Qankunaqa manapuni Señortaqa kasuyta atiwajchejchu, imaraykuchus payqa llimphu Diosmin, manataj ima sajratapis ruwajta saqellanchu. Payqa mana saqellasonqachejchu paypa contrampi kajta, nitaj juchasniykichejtapis.

Deuteronomio 7:21

Chayrayku paykunaj ñaupaqenkupeqa amapuni manchachikunkichejchu, imaraykuchus Señor Diosniykichejqa qankunawan kashan, Payqa jatun Dios, manchachikunataj.

Salmos 76:1

Diosninchejqa Judapi rejsisqa, sutintaj Israelpi may mentasqa.

1 Samuel 2:2

Mana qan jina pipis santoqa kanchu Señor! Mana waj kanchu qanmanta nisqaqa, nitaj waj pakakuna chhankapis Diosniyku jinaqa.

Jeremías 20:11

Señor, qan noqawan kashanki, uj mana atipay atina ch'ajwapi maqanakoj jina. Pichus qhatiykachawajkunaqa urmanqanku, manataj atipayta atiwanqankuchu; atipachikuspa p'enqaypi rikhurenqanku, mana qonqay atinapaj jina, wiñaypaj mana allimpaj qhawasqas kanqanku.

Salmos 76:12

Payqa kurajkunaj kausayninta qhechun, manchachintaj kay pacha reykunataqa.

Nehemías 9:32

Chayraykumari, noqaykoj Diosniyku, jatun Dios, atiyniyoj manachachikunataj kanki. Qanqa trato ruwasqaykipi munakuyniykitapis mana saqenkichu, ama qonqapuychu tukuy llakiykuna qhatirisqanmanta reyesniykuta, kurajkunasniykuta, sacerdotesniykuta, profetasniykuta, ñaupa tatasniykuta, jinataj tukuy aylluntinta, Asiriamanta reykunaspa tiemponmantapacha kunankama.

Nehemías 9:5

Chaymantataj chay levitas Josué, Cadmiel, Binuy, Hasabnías, Serebías, Hodías, Sebanías, Petaías ima nerqanku: Jatarikuychej, Señor Diosniykichejtataj wiñay wiñaypaj yupaychaychej, nispa. Chaypacha paykunaqa Señor k'acha sutinta yupaycharqanku, bendicioneswan, jinataj yupaychaykunaswan.

Salmos 100:4

Punkunta yaykuychej agradecespa, patiosninmantaj takispa. Payta yupaychaychej, sutintataj jatunchaychej.

Salmos 103:1

Tukuy sonqoywan Señorta yupaychasaj; tukuy kayniywan santo sutinta yupaychasaj.