Salmos 82:2 - Qheshwa Biblia DC

² Jayk'ajkamataj qankunaqa, cheqan kajman jina mana cheqanchankichejchu, sajra kajkunamantaj kutikunkichejri?

DIOSPA QHELQACHISQAN DEUTEROCANONICAL

² Jayk'ajkamataj qankuna mana cheqanta juzgankichejchu, millayta ruwajkunaman kutikuspapuni?

DIOSPA QHELQACHISQ

² Jayk'ajkamataj qankuna mana cheqanta juzgankichejchu, millayta ruwajkunaman kutikuspapuni?

Salmos 82:2 Referans Kwoze

Deuteronomio 1:17

Justiciata ruwaspaqa ama wakillanman kutikunkichejchu; juch'uymampis jatunmampis uj rejta ruwaychej. Ama pitapis manchachikuychejchu. Uj rejta cheqanchaj juezqa Dioslla. Sichus wakin imasta mana ruwayta atinkichejchu chayqa, noqaman kachamuwaychej. Noqa chaytaqa cheqanchasaj.

Proverbios 18:5

Mana allinchu cheqanchajkuna juchasapasman kutikunankoqa, mana juchayojtataj qhasimanta juchachanankupis.

Gálatas 2:6

Kurajkunapaj qhawasqa karqanku chaykunaqa, mana ima mosojtapis willarqaykuchu; imaraykuchus ñaupajta imaynachus karqanku chaymanta mana ima ruwanay tiyanchu, Diosqa mana runaj rijch'aynintachu qhawan.

Salmos 62:3

Jayk'ajkamataj qankuna maqanakuwaj jamunkichejri, saruytataj munawankichejri, urmaj perqapis kayman jinari, chayri pampaman urmasqa kanchapis kayman jinari?

Job 34:19

Payqa mana kamachejkuna jinachu, mana qhapaj runasllamanchu, nitaj wajcha runasllamanchu sayakun, imaraykuchus paymin tukuyninkuta ruwarqa.

2 Crónicas 19:7

Ajinaqa, Señorta manchachikoyqa qankunapi kachun, allintataj imatachus ruwashasqaykichejta qhawakuychej, imaraykuchus Señor Diosniykichejqa manamin mana allin kajtaqa qhawallanchu. Payqa mana ujllamanchu kutikun, nitaj lluk'ichikunchu.

1 Reyes 18:21

Eliastaj tukuynin runasman chimpaykuytawan nerqa: Mayk'ajkamataj iskay yuyayniyojllapuni qankuna kankichejri? Señorpuni Dios kajtenqa qhatiychej, chayri Baal dios kajtenqa qhepanta riychej. Runastaj mana imatapis kuticherqankuchu.

Levítico 19:15

Sichus qan juez kanki chayqa, cheqanta ruwanki, ama wajchaman sayakuspa, nitaj qhapajman sayakuspa. Cheqan juiciota qanqa ruwanki.

Éxodo 10:3

Chaymantaqa Moiseswan Aaronwan rispa faraonman willamorqanku: Ajinata nimusunki Señorqa, hebreospa Diosnin: Mayk'ajkamataj mana sonqoykita ñaupaqeypi llamp'uyachinkichu? Saqellayña israelitasniy llojsinankuta noqata yupaychanawankupaj.

San Mateo 17:17

Jesustaj kutichispa, nerqa: Mana feniyoj sajra runaj miraynin! Mayk'ajkamataj qankunawan kasajri? Mayk'ajkamataj qankunawan pacienciakusajri? Pusamuychej kayman.

Job 32:21

Mana noqaqa wakillantachu sumajman orqhosaj, tukuyninkuta uj rejta qhawanay tiyan.

Ezequiel 45:9

Señorqa kay jinata nin: Kaykamalla kachun Israelpi kamachejkuna! Ama astawan mana allin kajta ruwaychejchu, nitaj mana kajmantapis orqhoychejchu. Cheqa kajman jina puriychej, cheqantataj imatapis ruwaychej. Amaña runasniymanta jallp'ankuta suwaychejchu. Noqa Señor kaytaqa kamachini.