Salmos 81:3 - Qheshwa Biblia DC

³ Putututa waqachiychej mosoj killa chayamojtin, jinallatajpura kajtimpis, chay diaqa jatun p'unchayninchej.

DIOSPA QHELQACHISQAN DEUTEROCANONICAL

³ 3 (4) Mosoj killata putututa waqachiychej, jinallataj killa sut'iyay kashajtinpis, imajtinchus chay p'unchayqa jatun raymita ruwana p'unchaymin.

DIOSPA QHELQACHISQ

³ 3 (4) Mosoj killata putututa waqachiychej, jinallataj killa sut'iyay kashajtinpis, imajtinchus chay p'unchayqa jatun raymita ruwana p'unchaymin.

Salmos 81:3 Referans Kwoze

2 Crónicas 2:4

Noqataj Señor Diosniypaj uj yupaychana wasita ruwapusaj, chayta Señorpaj t'aqapunaypaj, chaypitaj paypa ñaupaqempi, k'acha q'apashaj inciensota q'osñichinaypaj, chaypi paypaj t'aqasqa t'antasta sinrullata jaywanaypajpuni, sapa día uywasta ñak'aspa q'olachipunaypaj tutamanta, jinataj tardempipis, jinallataj samakuna p'unchaykunapi, killa rikhuriy p'unchaykunapi, jinataj Señor Diosniykoj fiestasnimpipis, imaynatachus Israelpi ruwakumpuni jinata.

2 Crónicas 13:14

Judamanta kajkunataj qhepaman qhawarikuspaqa, reparakorqanku ñaupajmanta qhepamantataj paykunawan maqanakoj jamushasqankuta. Chaypacha Señorman qhaparikorqanku, sacerdotestaj trompetasta waqacherqanku.

2 Crónicas 13:12

Kayta yuyarikuychej Diosqa noqaykuwan kashan kamachejniyku jina. Sacerdotesnintaj wakisqaña kashanku trompetaswan, contraykichejpi qankunawan maqanakunaykupaj. Chayrayku qankuna Israel ayllumanta kajkuna ñaupa tatasniykichejpa Señor Diosnimpa contrampi ama maqanakuychejchu, imaraykuchus paytaqa mana atipawajchejchu.

2 Crónicas 5:12

Levitasmanta tukuy takejkunataj Asaf, Hemán, Jedutún ima, qhari wawasninkuwan khuska, jinataj waj ayllusninkuwan ima, linomanta p'achallisqas altarpa ñaupaqempi inti llojsimuy ladopi sayasharqanku. Platilloswan, salterioswan, arpaswan ima kasharqanku. Paykunawantaj pachaj iskay chunkayoj sacerdotes tocajkuna kasharqanku.

1 Crónicas 16:42

Paykunaqa pututusta, chanta platillosta ima tocaj kanku, waj takichinaspaj nisqa tocanastawan Diosman takiykunasta takichispa. Jedutumpa wawasnenqa punkuta qhawanamanta mink'asqas karqanku.

1 Crónicas 16:6

Sacerdotesmantataj Benaiaswan, Jahazielwan, trompetasta tocaspalla karqanku Dioswan trato ruwasqa cajompa ñaupaqempi.

1 Crónicas 15:24

Sacerdotesmantataj Sebanías, Josafat, Natanael, Amasai, Zacarías, Benaías, Eliezer ima Diospa cajonnimpa ñaupaqempi trompetasta tokaj kanku. Obed-edonwan, Jehiaswan Diospa cajonninta qhawaj kanku.

2 Reyes 4:23

Qosantaj payman nerqa: Imapaj kunan riwajri? Mana killa rikhuriychu, nitaj samakuna p'unchaychu, nispa. Paytaj nerqa: Qanqa sonqo tiyasqalla kakuy.

Deuteronomio 16:15

Chay jinata qanchis p'unchayta Señor Diosniykichejta yupaychaspa kusikunkichej, maypichus Pay uj cheqata ajllakorqa, chaypi. Ajinamanta kusikuychejpuni Señor Diosniykichej bendicisusqaykichejrayku tukuy cosechasniykichejpi tukuy llank'ayniykichejpi ima.

Números 28:11

Killaj qallarikuynin p'unchaypi sumaj q'apashajta q'olachispa Señorman jaywankichej iskay waka uñasta, uj carnerota, uj watayoj qanchis corderostawan sumachajnin kajta mana iman imanasqasta.

Colosenses 2:16

Chayrayku ama pipis qankunata juchachasuchunchu mikhunamanta, ujyanamanta, chayri wata fiestamanta, killa fiestamanta, samarina p'unchaymanta ima.

Nahúm 1:15

Qhawaychej, orqos patanejta jamushanña, sonqo tiyasqa kaymanta willayta pichus apamojqa. Fiestasniykita ruwarikuy Judá, junt'ay nisqasniykita. Manaña jayk'ajpis chay sajra runasqa junt'aykamusonqankuchu imaraykuchus tukuyninku chinkachisqasña kanku.

Lamentaciones 2:6

Uj suwa jina Señorqa wasej imasninta oqharerparerqa; maypichus tantakoj kanku chaytapis thuñirparerqa. Señorqa qonqacherqa, jinallataj Siompi samakuna p'unchaytapis chinkacherqa. Chay jina phiñakuyninwan reyta, chanta sacerdotestapis qhesacharqa.

Salmos 98:6

Señor reypa ñaupaqempi kusisqas takiychej, qenaj waqaynimpi, pututuspa waqaynimpi ima.

2 Crónicas 8:13

Moisespa leyninman jina ima diaspichus jaywananku karqa chay diaspi, samakuna p'unchaykunaspi, sapa killa qallarikuypi, watantimpi kinsantin fiestaspipis, mana levadurayoj t'antata mikhuna fiestapi, semanas fiesta nisqapi, ramadas fiestapi ima.

1 Crónicas 15:16

Chaymantataj kamachillarqataj, levitaspa kamachejkunasninta, paykuna ukhu ayllumanta mask'anankuta, takejkunata, tocanasnintinta, salteriosniyojta, arpasniyojta, platillosniyojta ima, sinch'ita sumaj kusiywan takerqanku.

1 Crónicas 15:19

Takejkunamanta karqanku: Hemán, Asaf, Etán ima. Paykuna churasqas karqanku bronce platillosta ch'ajwachinankupaj.

1 Crónicas 25:1

Chaymantataj Davidqa yupaychana wasipi llank'ajkunamanta kamachejkunapiwan Señorta yupaychanankupaj churarqanku: Asafpa wawasninta, Hemampata, Jedutumpatwan. Paykunaqa arpasninkuta, salteriosninkuta, platillosninkutawan tocaspa Señorpa nisqasninta willaj kanku. Kaykuna kanku listapi churasqas chay ruwanaspi kasharqanku chaykunaqa.

Salmos 33:2

Arpaj waqaynimpi Señorman graciasta qoychej, guitarraj waqayninwantaj takiychej.

Salmos 149:3

Tusuykunawan sutinta yupaychachunku. Arpaswan, chhulloj chhullojkunawan Señorman takichunku.