Salmos 81:12 - Qheshwa Biblia DC

¹² Chayrayku munasqampi saqerqani; yuyasqankuman jinataj kausarqanku.

DIOSPA QHELQACHISQAN DEUTEROCANONICAL

¹² 12 (13) Chayrayku noqa sonqonkoj munasqanman jina ruwajta saqerqani, munasqankuman jinataj kawsarqanku.

DIOSPA QHELQACHISQ

¹² 12 (13) Chayrayku noqa sonqonkoj munasqanman jina ruwajta saqerqani, munasqankuman jinataj kawsarqanku.

Salmos 81:12 Referans Kwoze

Jeremías 7:24

Chaywampis mana kasuwarqankuchu, nitaj uyariwarqankuchu, manachayqa rumi sonqo kayninkuwan apachikorqanku, sonqonkoj millay ruwayta munasqasninman jina. Noqaman kutirimunawankutaqa wasanchakuwarqanku.

Romanos 1:24

Chayrayku Diosqa paykunata millay kausayman enqhaykorqa, sonqonkoj munayninman jina. Ajinamanta paykunapura ukhunkuta qhenchacharqanku.

Isaías 30:1

Señorqa ajinata nin: Ay, mana kasukoj wawasniymanta. Paykunaqa imatapis wakichikunku mana tapuwaspalla. Paykunaqa tratota ruwakunku mana noqaj yuyaychasqallay. Chay jinamanta juchamanta jucha yapakunku.

Hechos 7:42

Chayraykutaj Dios paykunamanta t'aqakorqa, saqerqataj patapi kaj qoyllurkunata yupaychanankuta, imaynatachus profetaspa escribisqankupi nishan: Israelitas, noqamanchu uywasta wañuchispa jaywawarqankichej, tawa chunka watasta ch'in pampapi kashaspa?

Hechos 14:16

Ñaupajtaqa, Dios saqerqa tukuy runasta ñanninkuta purinankuta.

Job 8:4

Sichus wawasniyki Diospa contranta juchallerqanku chayqa, Payllataj jasut'in, juchankuman jina.

Génesis 6:3

Señortaj nerqa: Mana saqesajchu runasqa kay jallp'a patapi wiñaypaj kausanankuta, imaraykuchus paykunaqa aychalla kanku. Chayrayku kausanqanku pachaj iskay chunkayoj watasllata.

Éxodo 11:9

Chaymantataj Señorqa Moisesman nerqa: Faraonqa manapuni kasusonqachejchu; pay jina kasqanrayku t'ukuna ruwanasniy ashkhayanqa chay tukuynin Egipto jallp'api.

Levítico 26:14

Sichus qankuna mana kasuwankichejchu, nitaj kamachisqasniytapis allinta junt'ankichejchu, manachayqa qhesachankichej, mana allimpajtaj qhawankichej, kamachisqasniyta, nisqasniytapis, ajinamanta mana junt'aspa tukuy kamachisqasniyta, tratoytapis p'akinkichej chayqa, noqapis qankunawan kaj jinata ruwasaj, sinch'i manchayta apachimusqaykichej, wañuchej onqoyta, q'oñi onqoyta, ñawi onqoyta, tulluyay onqoytawan. Qhasilla tarpunkichej, enemigosniykichejtaj mikhuykaponqanku.

1 Samuel 8:19

Chaywampis israelitasqa manapuni Samuelpa nisqanta kasorqankuchu, kay jinatataj kuticherqanku: Imapis kachun reyta munaykupuni.

2 Reyes 18:12

Señor Diosninkoj palabranta mana kasusqankurayku, aswampis paypa trato ruwasqanta p'akisqankuraykutaj, imastachus Señorpa kamachin Moisés paykunaman kamacherqa chay tukuyta mana uyarerqankuchu, nitaj ruwarqankuchu.

Nehemías 9:16

Paykuna jinataj ñaupa tatasniyku imaqa may machu machus rumi sonqostaj karqanku, manataj kamachiykunasniykita kasorqankuchu.

Isaías 30:9

Kay runasqa mana kasukoj kanku llulla wawas jina. Diospa kamachisqanta mana uyariyta munajkuna wawas jina kanku.

Isaías 42:24

Pitaj Jacobta suwasqa kananta saqerqa? Israelmantataj qhechunankuta? Manachu Señor chaytaqa ruwarqa contranta juchallikusqanchejrayku? Noqanchejqa mana ñannintachu purerqanchej, manataj kamachisqasnintapis kasorqanchejchu.

Jeremías 42:21

Noqa kunan qankunaman rejsichiykichej imastachus Señor qankunaman ninayta kamachiwarqa chaykunasta, jinapis qankunaqa mana kasukuyta munankichejchu.

Ezequiel 20:8

Paykunataj contraypi sayarerqanku, manataj uyariyta munawarqankuchu. Ñawisninkuta ch'aukiyaj millay juchasninkumanta ni pipis t'aqakorqankuchu, nitaj Egiptopi kaj lantistapis saqerqankuchu. Yuyarqani paykunaj patampi k'aj phiñakuyninmanta samariyta, Egipto jallp'api kikin phiñakuyniyta paykunapi junt'anaypaj.

Oseas 9:17

Kay aylloqa Diosniyta mana kasuyta munarqachu. Chayraykumin Diosneyqa paykunata qhesachallanqataj, tukuy llajtasnejta puriskiris jina purinankupaj.