Salmos 78:4 - Qheshwa Biblia DC

⁴ Mana pakaspa wawasninchejman willasunchej. Qhepa runa mitaswan Señorta yupaychasunchej. Parlasuntaj atiyninmanta, sumaj ruwasqasninmantawan.

DIOSPA QHELQACHISQAN DEUTEROCANONICAL

⁴ Chaykunataqa wawanchejkunamanta mana pakasunchu, manachayqa qhepata jamojkunaman Tata Diospa jatun atiyninmanta willasunchej, jatuchaj t'ukuna ruwasqanmantawan.

DIOSPA QHELQACHISQ

⁴ Chaykunataqa wawanchejkunamanta mana pakasunchu, manachayqa qhepata jamojkunaman Tata Diospa jatun atiyninmanta willasunchej, jatuchaj t'ukuna ruwasqanmantawan.

Salmos 78:4 Referans Kwoze

Deuteronomio 11:19

Wawasniykichejmampis kay palabrasta yachachiychej, ñan puriyniykichejpi, wasiykichejpi kashajtiykichej, samarishaspa, jatarisqa kashaspapis.

Joel 1:3

Kaytaqa wawasniykichejman willaychej, paykunataj wawasninkuman willachunku, paykunatajrí willachunku qhepa tiempopi nacekojkunaman.

Deuteronomio 4:9

Ajina ari, qankunaqa allinta qhawakuychej, ama qonqapuychejchu imatachus rikusqaykichejta. Amataj jayk'ajpis chayqa tukuy kausayniykichejpi umaykichejmanta karunchakuchunchu. Aswampis wawasniykichejman allchhisniykichejman ima chayta willaychej.

Deuteronomio 6:7

Sapa kuti wawasniykiman yachachinki. Kay kamachiykunamanta willaypuni, wasiykipi, jinallataj ñan purisqasniykipipis chanta samarishaspa, jatarisqa kaspa ima.

Salmos 9:14

Jinata, Jerusalén punkupi mundontinman nisaj, qan yupaychanapaj jina kasqaykita, salvawasqaykimanta kusisqa kasqaymantataj willasaj.

Salmos 26:7

Yupaychasuspataj takiyta munani, tukuy sumaj ruwasqasniykita willaspa ima.

Job 15:18

imatachus yachayniyojkuna parlawasqaykuta; paykuna ñaupa tatasninkumanta yachakusqankuta.

Éxodo 13:14

Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

Éxodo 13:8

Chantaqa chaypacha wawasniykichejman willankichej: Kaytaqa ruwashanchej yuyarikuspa, mayk'ajchus Egiptomanta orqhomuwarqayku ajinata ruwaspa, chayta.

Éxodo 12:26

Sichus mayk'aj wawasniykichej tapusonqachej: Qankunapajqa imatataj kay ruwasqaykichej niyta munanri?, nispa; chaypachaqa ninkichej: Kay uywaqa, uj rikuchiku jaywasqa Pascuapi Señormanta yuyarikuspa. Mayk'ajchus israelitas Egiptopi kashajtinku, egipciosta Señor wañurachisharqa chaypacha, Señorqa pasallarqa israelitaspa wasisninta, ajinamanta ayllusninchejta salvarqa. Chaypacha israelitasqa qonqoriykukuspa Señorta yupaycharqanku.

Isaías 38:19

Pikunachus kausashanku chaykunalla qantaqa yupaychasunku, noqa kunan yupaychashayki ajinata. Tatasqa wawasninkuman cheqa kayniykimanta parlanku.