Salmos 74:1 - Qheshwa Biblia DC

¹ Diosníy, imaraykutaj wiñaypaj qhesachawaykuri? Imaraykutaj chhikatapuni phiñakunki, kanchaykimanta ovejasniykipajri?

DIOSPA QHELQACHISQAN DEUTEROCANONICAL

¹ (1b) Diosníy, imaraykutaj kay jina unayta qhesachawaykuri? Imaraykutaj phiñakuyniyki k'ajarin tropaykimanta ovejaykikunaj contrantari?

DIOSPA QHELQACHISQ

¹ (1b) Diosníy, imaraykutaj kay jina unayta qhesachawaykuri? Imaraykutaj phiñakuyniyki k'ajarin tropaykimanta ovejaykikunaj contrantari?

Salmos 74:1 Referans Kwoze

Deuteronomio 29:20

Señorqa mana munanqachu chay runata perdonayta, manachayqa sinch'i phiñakuyninta payman apachimonqa. Kay libropi qelqasqa kaj tukuy maldicionestaj payman urmamonqa. Jinamanta, Señor chay runaj sutinta kay jallp'a patamanta chinkachenqa.

Salmos 100:3

Yachaychej Señorqa Dios kasqanta. Pay ruwawarqanchej, manataj noqanchej kikinchejchu ruwakorqanchej, Paypa ayllun kanchej, q'omer pastosninmanta ovejasnintaj.

Salmos 79:13

Noqaykurí aylluyki kayku, q'omer pampasniykimanta ovejasniyki. Graciasta qollasqaykupuni. Takisqaykutaj qanta yupaychaspa, wiñaypa wiñaynimpaj.

Salmos 95:7

Pay Diosninchej, noqanchejrí ayllun kanchej, q'omer pampakunapi kaj ovejasnin. Uyariychej kunan paypa nisqanta:

Salmos 44:9

Qantaj qhesachawayku, p'enqaypitaj churawayku, manañataj soldadosniykuwan llojsinkichu.

San Lucas 12:32

Juch'uy tropa ovejasníy, ama manchachikuychejchu, imaraykuchus Tataykichejmanqa allin rijch'an qankunaman reinonta qoy.

Ezequiel 34:31

Qankunaqa ovejasniy kankichej, sumaj pastosniyoj jallp'api kaj tropa ovejasniy. Noqataj Diosniykichej kani, nin Señorqa.

Jeremías 31:37

Sichus uj p'unchay janaj pachata midinkuman, kay jallp'atapis cimientosninkama qhawankuman chayqa, chay p'unchaypacha Israelta qhesachasaj tukuy ima ruwasqasninmanta. Noqa Señor chayta nini.

Jeremías 23:1

Señorqa nin: Ay, michejkunamanta pischus ovejasniyta chinkachinku chaykunamanta.

Salmos 79:5

Señorníy, mayk'ajkamataj phiñasqa kankiri? Phiñakuyniykeqa nina jinallapunichu lauranqa?

Salmos 77:7

Phiñasqallapunichu Señorqa kanman? Manañachu qhawarimuwasunman?

Salmos 42:11

Imaraykutaj q'enaqakuymanri? Imaraykutaj t'uruspalla kaymanri? Suyayniyta Diospi churani. Diosta yupaychasajraj. Paymin Salvawajniy Diosneyqa.

Salmos 78:1

Ayllúy, yachachisqasuyta uyariy. K'umuykuspa nisqasuyta uyariy.

Salmos 60:10

Qanqa, Diosníy, qhesachawayku, manañataj soldadosniykuwan llojsinkichu.

Salmos 60:1

Qan, Diosniyku, phiñakuyniykipi saqerpariwayku, t'unarpariwaykutaj. Kunanqa kallpaykuta kutichipuwayku.

Salmos 42:9

Jark'akuwaj Diosniyta nini: Imaraykutaj qonqawankiri? Imaraykutaj llakisqa purinay tiyan enemigosniypa sarusqanri?

Salmos 18:8

Senqanmantaqa q'osñi llojsirimorqa. Siminmantataj tukuy imata q'olaj nina llojsimun. K'ajarishaj nina brasas ima siminmanta t'akarikamun.

Salmos 10:1

Señor, imaraykutaj karullapi qhepakunki? Imaraykutaj llakiy chayamojtin pakaykukunkiri?

Éxodo 32:11

Moisestaj chayta uyarispa Señor Diosninmanta mañakorqa, nispa: Señorníy, imaraykutaj qan paykunapaj k'ajaj phiñakuyniykita rikuchiwajri, israelita runasniykej contrampiri, mayqentachus Egipto jallp'amanta manchay kallpawan, atiywantaj orqhomusqaykipajri?

2 Reyes 21:14

Llajtamanta puchojkunata saqerparisajtaj, enemigosnimpa makisninmantaj jaywaykusaj, paykunata suwanankupaj, q'arallata sayachinankupajtaj.

Salmos 50:1

Dioskunaj Diosnin Señorqa parlan. Inti llojsimuy cheqamanta inti yaykuy cheqankama, tukuy kay pachapi tiyakojkunata wajyan.

Salmos 77:8

Munakuynenqa wiñaypajpunichu tukukapun? Ruwasaj niwasqanchejpis wiñaypajpunichu tukukapun?

Salmos 80:5

Waqayniykuta mikhuchiwayku, jik'un jik'unta waqasqaykutataj ashkhata ujyachiwayku.

Salmos 85:6

Manachu watejmanta kausayta qowasqayku, aylluyki qanrayku kusikunampaj?

Isaías 64:8

Kunanqa Señor, qan tatayku kanki. Noqaykoqa t'urulla kayku imaraykuchus qanmin t'urumanta ruwawarqayku. Chayrayku noqaykoqa tukuyniyku makisniykej ruwasqasnin kayku.

Lamentaciones 5:22

Qanqa, Señor, unaytaña qhesachawayku. Qanqa anchatañapunitaj noqaykupaj phiñakunki ari, Señor.