Salmos 44:2 - Qheshwa Biblia DC

² Makillaykiwantaj wijch'orqanki, mana qampi yuyaj runasta. Nacionesta ñak'aricherqanki, tatasniykutataj chayman tiyacherqanki.

DIOSPA QHELQACHISQAN DEUTEROCANONICAL

² 2 (3) Qanmin makiykiwan qanta mana manchachikoj runakunata wijch'orqanki. Chay suyupi tiyakojkunata sarorqanki, tataykukunatataj chayman churarqanki.

DIOSPA QHELQACHISQ

² 2 (3) Qanmin makiykiwan qanta mana manchachikoj runakunata wijch'orqanki. Chay suyupi tiyakojkunata sarorqanki, tataykukunatataj chayman churarqanki.

Salmos 44:2 Referans Kwoze

Éxodo 15:17

Oh Señor, qan pusawayku ari tiyakunaykupaj sumaj llimphu orqoykiman, chayaqeyki orqopi tiyakunaykupaj, maypichus qan tiyakunki chaypi, maynejtachus qan Señor ajllakorqanki chaypi; chay llimphu cheqata makisniyki sayacherqa.

Salmos 78:55

Diosta mana rejsej runasta, nacionesta ñaupaqenmanta qharqorqa, jallp'asnintaj Israelpa ayllusninman rak'irarqa; chaykunapitaj ch'ujllasninkupi paykunata kausacherqa.

2 Samuel 7:10

Chay jawaqa wakichillanitaj uj lugarta Israel aylluypaj, chaypitaj churani kikin jallp'ankupi tiyakunankupaj, mana pipis paykunawan chejninakunampaj, nitaj chay sajra ruwaj runaspis ñaupajpi jina llakichisunaykichejpaj, maypachachus Israel aylluypi kamachejkunata churashajtiy jinataqa. Noqa kacharichisqayki tukuy enemigosniykimanta. Willachimuykitaj mirayniyki kananta.

Josué 21:43

Ajinata Señorqa tukuynin israelitasman jallp'ata qoporqa imaynatachus tatasninkuman juraspa qosqaykichej nisqanman jina, paykunataj mojonakuytawan chaypi tiyakorqanku.

Josué 11:23

Ajinata Josueqa chay tukuy jallp'asta jap'ikaporqa, imaynatachus Moisesman Señor kamachisqanman jina. Chaymantataj israelitasman, mashkha aylluschus kasqankuman jina chayaqenku kanampaj rak'irarqa. Chay jallp'apitaj manaña ima ch'ajwapis karqachu.

Salmos 105:44

Chay nacionespa jallp'asninkutataj paykunaman qorqa. Chay runaspa ruwasqasninkuta jap'ikaporqanku.

Josué 24:12

Chay iskaynin reyesta qankunaqa mana wañucherqankichejchu espadawan, k'aspi flechaykichejwampis. Manachayqa noqa kachamorqani ñaupaqeykichejta uj manchariyta, chayrayku paykunaqa manaraj chayashajtiykichej ñapis ayqerqankuña.

Josué 10:42

Ajinata Josueqa chay jallp'asta uj kutillapi jap'ikaporqa; imaraykuchus Israelpa Señor Diosnin paykunaman kutikuspa maqanakorqa.

Josué 10:11

Bet-horon urayta amorreos israelitasmanta ayqekushajtinku, Señorqa kachaykamorqa janaj pachamanta jatuchaj rumi chhikachaj granizosta; chay astawan amorreostaqa wañuracherqa, israelitas espadawan wañuchisqankumanta nisqaqa.

Josué 3:10

Kaypimin yachakonqa kausashaj Señor Diosniykichej qankunaj chaupiykichejpi kasqanqa, risqaykichejman jina ñaupaqeykichejmanta pichasqampi, cananeosta, hititasta, heveosta, ferezeosta, gergeseosta, amorreosta, chantá jebuseosta ima.

Deuteronomio 7:1

Señor Diosninchejqa pusasonqachej maypichus jallp'ata jap'ikunkichej chayman. Ñaupaqeykichejmanta Señor qharqonqa qanchis jatuchaj nacionesta, qankunamanta aswan jatun atiyniyojta: Hititasta, gergeseosta, amorreosta, cananeosta, fereseosta, heveosta, jebuseosta ima.

Números 13:32

Wakin rejkunataj llullakuspa israelitasman nerqanku: Noqayku qhawamorqayku chay jallp'asqa chaypi tiyaj runasta mikhuykoj kasqa, chaypi tiyakoj runaspis jatuchaj kanku.

Éxodo 34:11

Kay kamachisqayta sumajta junt'aychej; noqa qharqosaj ñaupaqeykichejmanta amorreosta, cananeosta, hititasta, ferezeosta, heveosta, jebuseostawan.

Éxodo 23:28

Ñaupaqeykita wayronqosta kachasaj, chaytaj manchachispa ñaupaqeykimanta qharqonqa heveosta, cananeosta, hititastawan.

Éxodo 15:19

Mar qochaman yaykorqanku faraompa carrosnin, caballospi rejkuna soldadosnin, Señortaj mar yakuwan ujllata p'ampaykuchin. Israelitasrí chakipi pasarqanku mar qochata, ch'aki jallp'atapis rishankuman jina.

Éxodo 10:2

Chayta qan willanaykipaj wawasniykiman, allchhisniykiman ima, noqa egipcio runa ukhuspi, jatuchaj t'ukunasta ruwasqasniyta ima; ajinapi yachankichej noqamin Señorqa kasqayta.

Deuteronomio 4:38

Payqa ashkha nacionesta qankunamanta aswan atiyniyojkunata ñaupaqeykichejmanta wijch'orqa. Ajinamanta llajtasninkuman yaykuchisorqachej, jallp'asninkutataj jap'ikaporqankichej, imaynachus kunan kashan ajinata.

Deuteronomio 32:7

Unay tiemposmanta yuyarikuychej, ñaupa wata miraykunapi unanchaychej. Tatasniykichejta, ñaupa kurajkunasniykichejtapis, tapukuychej, paykunataj willasonqachej.

Jueces 6:13

Gedeontaj kuticherqa: Ay Señor, noqaykuwanchus Señor kanman chayqa, imaraykutaj kay tukuy imas qhatirishawaykuri? Maytaj chay t'ukuna imasta Egiptomanta orqhomushaspa Señor ruwasqasninmanta ñaupa tatasniyku willawasqasniykuri? Señorqa qonqarparipuwayku, madianitaspa kamachiyninmantaj jaywaykuwayku.

2 Samuel 23:12

Samataj chay tarpusqa chaupipi sayaykukuspa jark'arqa, jinamanta filisteosta atipaykuspa. Ajinamanta Señorqa jatun atipayta chay día qorqa.

Isaías 51:9

Señorpa makin, rijch'ariy, rijch'ariy ari atiyniykiwan, imaynatachus unay ruwaj kanki jinata rijch'ariy, ñaupa tiempospi jina. Qan Rahabta t'unarparerqanki, chay mar qochapi sierpeta.

Jeremías 32:23

Chay qonayki jallp'aman yaykuspa jap'ikapuytawan mana kasusorqankuchu, nitaj chay yachachiykunasta qosqasniykita qhaterqankuchu, nitaj ruwarqankuchu ni imata chay kamachisqasniykimantaqa. Chayraykumin kay tukuy ñak'ariykunastaqa apachimorqanki.