Salmos 34:5 - Qheshwa Biblia DC

⁵ Señorta qhawajkunaqa, manchay kusisqas kanku. Ni jayk'ajpis k'akeqa qhepakunmanchu.

DIOSPA QHELQACHISQAN DEUTEROCANONICAL

⁵ 5 (6) Tata Diosman qayllaykojkunaqa manchay kusisqa kanku, imaraykuchus ni jayk'ajpis p'enqachisqachu kanqanku.

DIOSPA QHELQACHISQ

⁵ 5 (6) Tata Diosman qayllaykojkunaqa manchay kusisqa kanku, imaraykuchus ni jayk'ajpis p'enqachisqachu kanqanku.

Salmos 34:5 Referans Kwoze

Hebreos 12:2

Jesuspi ñawisninchejta churaspa, pichus creenanchejta wakichin, tukuychantaj; paytaj kusikuyta jap'inanrayku, cruzpi ñak'arerqa p'enqakuyta qhesachaspa, Diospa pañanmantaj tiyaykukorqa.

Salmos 25:3

Qampi suyajqa mana ujpis p'enqaypi rikhurenqachu. P'enqaypi rikhurichunku contraykipi qhasimanta oqharikojkuna.

Salmos 18:28

Qan, Señor, k'anchayta qowanki. Qan, Diosníy, laqha kayniyta k'anchaykunki.

Salmos 97:11

Cheqan k'acha runapaj k'anchay lliphipin. Kusikuytaj cheqan sonqoyoj runapaj.

Salmos 36:9

Qampi kausay yaku pujyoqa kashan. K'anchayniykipitaj k'anchayta rikuyta atiyku.

Isaías 60:5

Chaypacha qanqa paykunata qhawarispa sumajta k'ancharinki; sonqoykipitaj maytapuni kusikunki. Qanman mar qocha cantospi kajkuna, tukuy nacionespa qhapajyaynimpis qanman chayachimonqanku.

Isaías 45:22

Noqaman jamuychej tukuy jallp'api tiyajkuna. Noqamin Diosqa kani. Noqa salvasqaykichej. Mana astawan wajqa kanchu.

Salmos 13:3

Señor Diosníy, qhawaway, ñawisniyta qhawariway, uyariwaytaj. Ñawisniyman k'anchaywan junt'achiy, ama wañuypi puñukapunaypaj.

Salmos 83:16

Sinch'ita p'enqaykuchiy, Señor, qanta mask'asunankupaj.

Ester (hebreo) 8:16

Judiospajqa k'anchay jina karqa, jatun kusiy, allimpi qhawasqa kaytaj.

2 Samuel 19:5

Chaypacha Joabqa palacionman rispa reyman nerqa: Qan reyniykoqa kamachisniykita p'enqaypi rikhurichinki. Paykuna kausayniykita salvarqanku, qhari wawasniykita, warmi wawasniykita, warmisniykita, tanta warmisniykita ima, chaykunata.

1 Samuel 23:13

Chaypacha Davidqa tukuy soldadosnimpiwan khuska tukuyninkupi sojta pachaj jina llojserqanku Keila llajtamanta, purerqankutaj kaynejman jaqaynejman rispa. Saulmanrí willasqanku Davidqa Keila llajtamanta ayqesqanta. Saultaj manaña munarqachu mask'achej riyta.

Salmos 3:5

Siriykuspa puñusqamanta rijch'arini, imaraykuchus Señorman jap'ikuwan.

Salmos 50:15

Llakiy p'unchaypi wajyakuway, noqa librasqayki, qantaj jatunchawanki.

Salmos 50:23

Pichus agradecekuwajqa noqata jatunchawan chayqa munakuwan, ñanniymanta mana t'aqakojtataj noqa salvani.

Salmos 138:3

Wajyakushajteyqa uyariwarqanki, kallpaykiwantaj kallpachawarqanki.