Salmos 32:11 - Qheshwa Biblia DC

¹¹ K'acha runas, Señorpi kusikuychej, kusikuywantaj qhapariychej allin yuyayniyojkuna.

DIOSPA QHELQACHISQAN DEUTEROCANONICAL

¹¹ Cheqan runakuna, Tata Diospi kusikuychej. K'acha runakuna, kusikuychej, kusiymantataj qhapariychej.

DIOSPA QHELQACHISQ

¹¹ Cheqan runakuna, Tata Diospi kusikuychej. K'acha runakuna, kusikuychej, kusiymantataj qhapariychej.

Salmos 32:11 Referans Kwoze

Salmos 64:10

Cheqan runaqa Diospi kusikonqa, paypitaj atienekonqa. Tukuy cheqan yuyayniyoj kajkunarí, kusisqas kakonqanku.

Filipenses 4:4

Kusikuychejpuni Señorpi. Ujtawan niykichej, kusikuychej.

Salmos 97:12

Cheqan k'acha runas, Señorwan kusikuychej, santo sutintataj yupaychaychej.

Salmos 97:1

Tukuy jallp'a kusikuchun, mar qocha chaupipipis khurus kusikuchunku. Señorqa reymin!

Salmos 5:11

Kusikuchunku qanman k'askaykojkuna; kusisqaspuni kachunku qan paykunata waqaychasqaykirayku. Munakusojkunaqa qanrayku kusikunku.

Salmos 68:3

K'acha runasrí kusikunku. Diospa ñaupaqempi fiestata ruwanku, kusikuywantaj phinkiykachanku.

Salmos 33:1

Señorta yupaychaychej sumaj runas, sumaj runaspa jatunchasqan may k'achapuni.

Deuteronomio 12:12

Señor Diosniykichejpa ñaupaqempi mayta kusikunkichej, wawasniykichejwan, kamachisniykichejwan ima, qankunawan tiyakoj levitaswampis, imaraykuchus levitasqa mana qankuna jina jallp'asniyojchu kanku.

Filipenses 3:3

Noqanchejqa cheqamanta circuncisionmanta kanchej, imaraykuchus Diosta yupaychanchej Espirituman jina; kusikunchejtaj Cristo Jesuspi kasqanchejmanta, manataj chay circuncisionkunaspichu confianchej.

Filipenses 3:1

Kunanqa hermanos, kusikuychej Señorpi. Noqapajqa mana imachu escribimusqayqa kikin kikinta, imaraykuchus qankunapaj sumaj allin kasqanrayku.

Romanos 5:11

Mana kayllachu, astawanqa Diospi kusikullanchejtaj, Señorninchej Jesucristonejta, pay Dioswan allinyachiwasqanchejrayku.

Zacarías 4:7

Pitaj qan kanki jatun orqo? Zorobabelpa ñaupaqempi q'ala pampachasqa kanki. Pay orqhonqa sumaj ñaupaj kaj ruminta, runastaj qhaparenqanku may k'achitu, may k'achitu nispa.

Salmos 125:4

Señor, allin kajta ruwaj k'acha kajkunaman, cheqan sonqoyojkunamampis.

Salmos 32:2

Kusisqamin runaqa juchanmanta Señor mana juchachajtin, pitachus Señorqa ni ima juchanmanta uyanchajtin.

Salmos 7:10

Diosqa pakakunay, salvantaj llimphu sonqoyojkunata.

1 Samuel 2:1

Anaqa kay jinata Señormanta mañakorqa: Señor, tukuy sonqoywan qampi kusikuni, imaraykuchus qanllamin watejmanta kallpachawanki. Chejninakuwajkunaman kutichikuyta atini. Qan yanapawasqaykirayku, kusisqa kashani!

Salmos 98:4

Diosninchejman kusisqas takiychej, kay pachapi kaj chhika runas. Tukuy sonqo kusikuywan Señorman takiychej, takiykunatataj takiychej.