Salmos 30:11 - Qheshwa Biblia DC

¹¹ Llakiyniyta kusiyman tukuchinki. Qhasqa p'achata orqhowaspa, kusiywan p'achallichiwanki.

DIOSPA QHELQACHISQAN DEUTEROCANONICAL

¹¹ 11 (12) Qan llakiyniyta kusiyman tukuchinki. Qhashqa p'achata orqhowaspa, raymiman rina p'achawan p'achallichiwanki.

DIOSPA QHELQACHISQ

¹¹ 11 (12) Qan llakiyniyta kusiyman tukuchinki. Qhashqa p'achata orqhowaspa, raymiman rina p'achawan p'achallichiwanki.

Salmos 30:11 Referans Kwoze

Jeremías 31:4

Israel, watejmanta oqharisqayki. Watejmanta chhulloj chhullojkunawan jamunkichej kusiywan tusurispa.

Isaías 25:8

Señorqa wañuyta wiñaypaj chinkachenqa; tukuypaj waqayninta Señorqa pichanqa; ayllumpa mana allimpaj qhawasqa kayninkutataj tukuy jallp'amanta chinkachenqa. Ajinata Señorqa nin.

Eclesiastés 3:4

Uj tiempoqa waqanapaj, uj tiempotaj asinapaj. Uj tiempoqa llakikunapaj, uj tiempotaj tusunapaj.

2 Crónicas 20:12

Diosniyku! Manachu paykunata jasut'inki? Noqaykojtaqa mana kallpayku kanchu chay chhika soldados contraykupi jamushawayku chaykunawan maqanakunaykupajqa. Manataj yachaykuchu imaynatachus ruwanaykuta, chayrayku qanman ñawisniykuta oqharikamuyku.

Salmos 149:3

Tusuykunawan sutinta yupaychachunku. Arpaswan, chhulloj chhullojkunawan Señorman takichunku.

Salmos 150:4

Payta yupaychaychej tocaykunawan, tamborkunawan. Payta yupaychaychej qenaswan, charangoswan ima.

San Lucas 15:22

Chantá tatanqa runasninta kamacherqa: Kunampacha orqhomuychej aswan sumaj p'achata, p'achallichiychejtaj. Anillotapis makisninman churaychej, zapatostataj chakisninman.

Salmos 30:5

Phiñakuynenqa uj ratollapaj, k'acha kaynintaj tukuy kausaypaj. Ch'isin waqasun chayqa, tutamanta kusikusun.

2 Samuel 6:14

Davidqa, linomanta efod p'achawan p'achallisqa risharqa tukuy kallpanwan tusurispa Señorpa ñaupaqempi.

Apocalipsis 21:4

Diostaj tukuy waqayta ñawisninkumanta pichanqa. Manañataj wañuy kanqanchu, nitaj waqaypis, nitaj qhapariypis, nitaj nanaypis. Ñaupa kaj imasqa manaña kanqañachu.

Isaías 61:3

Chantá Siompi llakisqa kajkunata kamachinaykupaj, ushphawan pejtusqa kanankutaqa pilluta qosaj Señorta yupaychanankupaj, llakiy p'achawan kanankutaqa, kusiywan p'achallisqa kanankuta; kusisqaslla kanankuta, llakisqas kanankumantaqa. Paykunaqa cheqanchaj sach'as sutichasqas kanqanku. Diospa plantasqasnin, kusikunampaj, nisqas.

Salmos 4:7

Runas kusinkunku trigota pirwaman churajtinku, vinotapis jallch'ajtinku. Señor, paykunaj kusikuyninkumanta, qan astawan sonqoyta kusichinki.

San Juan 16:20

Cheqamanta, cheqamanta niykichej: Waqankichej, llakikunkichejtaj; kay mundopi runastaj kusikonqanku. Chaywampis llakiyniykichejqa kusikuyman tukonqa.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

2 Crónicas 20:9

Ima mana allimpis jamuwaykuman chayqa, maqanakuy, onqoy, chayri yarqhaypis kanman chayqa, kay yupaychana wasiykiman jamusqayku, qampa ñaupaqeykimantaj, imaraykuchus sutiykeqa kay wasipi kashan. Tukuy llakiykunasniykupitaj qanmanta yanapata mañakoj jamusqayku, qantaj uyariwasqayku, salvawasqaykutaj.

Isaías 25:3

Chayrayku atiyniyoj runasqa jatunchasonqanku, may jina kallpasapa runaspis manchachikusonqanku.

Ester (hebreo) 9:22

Chay imastaqa ruwananku karqa chay p'unchaypi paykunapaj kusikuy kasqanmanta, chay jina llakiymanta, enemigosninkumanta kacharichisqas kasqankumanta. Chay jina llakiywan kashajtinku kusiy p'unchaypi rikhurisqankumanta. Chay p'unchaykunastaqa yuyarikunanku karqa kusikuy fiestata ruwaspa, ujkuna ujkunawan purajmanta waqerinakuspa, jinallataj wajchasmampis imankuchá tiyan chaykunata waqerispa.

Nehemías 8:10

Chay jawa Esdrasqa nillarqataj: Riychej, sumaj sumajllata mikhumuychej, misk'i kaj vinotataj ujyarikamuychej; mana mikhuna chayasqayoj kajta wajyarikuychej, kay diaqa Señorpaj t'aqasqa kasqanrayku. Ama llakikuychejchu, imaraykuchus Señorpa kusikuynenqa kallpachawanchej, nispa.

Génesis 45:28

Chaymantaqa nerqa: Walejpacha, chayllata yachayta munarqani, waway Joseqa kausakushasqaraj. Amaraj wañushaspa rispa tinkumusaj, nispa.

Génesis 37:35

Tukuy qhari wawasnin, warmi wawasnin ima payta sonqochayta munarqanku, paytaj mana imaynapi sonqochakuyta aterqachu; mayta waqaspa nerqa: Noqaqa kay p'achata churakusaj, wañusqaspa chaupimpi wawaywan tinkumunaykama, nispa.

2 Crónicas 20:3

Josafatqa manchachikorqa, Señormantaj k'umuykorqa payta tapurinampaj. Tukuy Judá ayllumantaj kamacherqa ayunanankuta.

Salmos 27:7

Qanta qhaparikamuyki, Señor, uyarillaway. Noqamanta khuyakuwan, kutirichiwaytaj.

Jeremías 52:33

Ajinamanta Joaquemqa preso kanan p'achata lluch'ukuspa reywan khuska tukuy kausaynimpi mikhorqa.