Salmos 26:10 - Qheshwa Biblia DC

¹⁰ Paykunaj makisninkoqa junt'a kashan, sajra kaywan, lluk'iykunawan.

DIOSPA QHELQACHISQAN DEUTEROCANONICAL

¹⁰ Paykunaj makinkoqa millayta ruwanawan, lluk'ita jap'isqankuwan ima junt'a kashan.

DIOSPA QHELQACHISQ

¹⁰ Paykunaj makinkoqa millayta ruwanawan, lluk'ita jap'isqankuwan ima junt'a kashan.

Salmos 26:10 Referans Kwoze

Deuteronomio 16:19

Ama justiciataqa cheqan kajmanta karunchachinkichejchu, amataj wakillanman kutikunkichejchu. Ama qolqetapis lluk'ichikunkichejchu. Chay lluk'iykunaqa aswan yachayniyoj runastapis pantaykuchin, cheqan runaspa nisqasnintapis waj jinaman tukuchin.

Salmos 52:2

Sajra ruwayllapipuni qanqa yuyanki. Qalluykeqa sumaj khuchoj cuchillo jina ch'aukiyan.

1 Samuel 8:3

Chaywampis chay wawasnenqa mana tatanku jinachu imatapis allinta ruwarqanku, manachayqa qolqeta munapayayman qokaporqanku, chanta lluk'ichikorqanku, nitaj imatapis cheqantachu ruwarqanku.

Éxodo 23:8

Ama imatapis lluk'ichikunkichu, imaraykuchus lluk'eyqa runasta ciegoyachin, jinamanta mana juchayojtaqa juchajoyta rikhurichinku.

Hechos 23:12

Q'ayantin paqarintaj wakin judíos, tantakuspa yachachinakusqanku, mana imata mikhunankuta, nitaj ujyanankuta, Pablota wañuchinankukama.

Miqueas 7:3

Juchata ruwanapajqa maestros kanku, chay kurajkunapis t'inkasta apamunankuta kamachinku, juezkunasri wajkunawan rantichikunku, atiyniyoj kajkunataj munasqankuman jina ruwaspa llajtata juchallichinku.

Amós 5:12

Noqa rejsini millay sajra kasqankuta, juchasninkoqa mana tukukoj, llakichinku cheqan runasta, lluk'irastataj jap'inku; cheqanchana wasispitaj wajchastaqa imapipis atipankupuni.

Isaías 33:15

Pichus cheqanta ruwaspa purin, cheqantataj parlan, qhasimanta qolqe jap'inata chejnikun, mana qolqewan lluk'iykuchikuspa rantichikunchu, runata wañuchimuna nejtinkupis ningrinta wisq'aykun, sajra imastapis rikushaspa mana rikojman tukun.

Proverbios 4:16

Paykunaqa ima sajratapis mana ruwaspaqa mana puñuykunkuchu, pitapis mana urmachispaqa puñuyninkuta chinkachinku.

Proverbios 1:16

Chay sajra imasmanqa chakisninku usqhayllata thaskirin, yawarta jich'anapajqa may k'uchis kanku.

Salmos 36:4

Camampi winkuspa sajrata ruwananta yuyaynimpi wakichikun. Sajra ñannimpi kayta munampuni, manataj sajra kajta saqeyta munanchu.

Salmos 11:2

Sajra runasqa flechata arcoman churanku; arcota aysarinku, pakayllamantataj cheqan sonqoyojkunaman flechasta wijch'unku.

Salmos 10:14

Qan kikiyki rikunki may jatun sajra kayninkuta. Sajra kayninkutaqa rikunki. Chayrayku ruwasqankuman jina pagota qopunki. Qanmanqa mana piniyojkuna chayamusunku, qan wajcha runasta yanapanki.