Salmos 24:5 - Qheshwa Biblia DC

⁵ Chay runata Señor Diosnin, salvajnintaj, bendicenqa, cheqan kajtataj paypaj ruwanqa.

DIOSPA QHELQACHISQAN DEUTEROCANONICAL

⁵ Ajinata kawsaj runata Tata Dios saminchanqa, qhespichej Diosnintaj justiciata paypaj ruwanqa.

DIOSPA QHELQACHISQ

⁵ Ajinata kawsaj runata Tata Dios saminchanqa, qhespichej Diosnintaj justiciata paypaj ruwanqa.

Salmos 24:5 Referans Kwoze

Filipenses 3:9

Paywan kayta munani manaña leyman jinachu kausanaypaj, astawanqa Cristopi creespa. Chaytaj Diospa cheqan kayninmanta feman jina; chayrayku Cristota astawan rejsinaypaj kausarimuynimpi, ferayku payman rijch'akunaypaj wañuynimpi, suyashanitaj imaynamantapis kausarimuyta wañusqakunamanta.

Efesios 1:3

Señorninchej Jesucristoj Diosnin Tatantaj yupaychasqa kachun. Pay, espiritunman jina tukuy bendicioneswan Cristowan bendiciwarqanchej janaj pachapi.

Isaías 46:13

Noqaqa cheqanchayniyta qayllachimusaj. Mana karunchakonqachu, salvacionniypis mana kikimpichu sayanqa. Sionman noqaqa salvacionniyta churasaj, atiyniytaj israelitaswan kallanqapuni.

Isaías 12:2

Diosmin salvawajneyqa; payman noqaqa atienekuni, manañataj manchachikusajchu. Señormin pakakunayqa kallpaytaj. Paylla noqataqa salvawan.

Salmos 50:23

Pichus agradecekuwajqa noqata jatunchawan chayqa munakuwan, ñanniymanta mana t'aqakojtataj noqa salvani.

Gálatas 5:5

Noqaykoqa Espiritunejta, fenejtataj suyayku, Dios mana juchayojta jina rikhurichinawaykuta.

Gálatas 3:9

Ajinaqa feniyoj kajkuna creej Abrahamwan bendicisqas kanku.

2 Corintios 5:21

Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

1 Corintios 1:30

Qankunaqa Diosrayku Cristo Jesuspi kashankichej; Cristotaj noqanchejpajqa yachay, cheqan kay, t'aqasqa kay, kacharichisqataj kay; imaraykuchus escribisqapi kasqanman jina: Jatunchakuyta munajqa, Señorpi jatunchakuchun.

Romanos 3:22

Diosqa cheqan kayninta rikuchenqa fenejta Jesucristopi, tukuy paypi creejkunapaj. Paykunaqa uj rejlla kanku.

San Juan 7:17

Diospa munayninta ruwayta munajqa, yachachiyninta rejsenqa Diosmantachus, chayrí noqallamantachus kasqanta.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Isaías 54:17

Mana mayqen arma ruwasqankupis qantaqa chinkachisonqachu, pichus contraykita parlajtaqa juezpa ñaupaqempi ch'inyachillankipuni. Kay imasta noqaqa kasuwaj kamachisniymanqa qoni, atipayninkupis noqamanta llojsenqa, nispa Señorqa nin.

Isaías 51:8

Paykunaqa tukukonqanku thutaj thutasqan p'acha jina, khuruswan mikhusqa millma jina. Noqaj cheqanchayniyrí wiñaypaj kallanqapuni, salvacionniypis wiñay wiñaynintimpaj kanqa.

Isaías 45:17

Señorqa israelitasta wiñaypaj salvarqa. Qankunaqa mana p'enqakunkichejchu, manataj k'umuykachankichejchu jayk'ajpis.

Salmos 88:1

Salvawajníy, Señor Diosníy, tuta p'unchay ñaupaqeykipi mañakuyki.

Salmos 72:17

Reypa sutintaj wiñaypajpuni kachun, allin kaynintaj inti jina unaypaj kachun. Tukuy ayllus mundontimpi kajkuna, paynejta bendicisqas kachunku. Kusikuyniyojmin nispa tukuy ayllus kutichachunku.

Salmos 68:19

Señorqa bendicisqa kachun; sapa día allin imasta qowanchej, chay salvaj Diosninchejqa.