Salmos 18:7 - Qheshwa Biblia DC

⁷ Chaypacha sinch'ita jallp'aqa kharkaterqa. Orqospis uranmantapacha thalarikorqanku. Señorpa phiñakuyninwan ikhasqas karqanku.

DIOSPA QHELQACHISQAN DEUTEROCANONICAL

⁷ 7 (8) Chantá jallp'a sinch'ita khatatiterqa. Orqokunapis tejsinmantapacha kharkatiterqanku Tata Dios phiñakusqanrayku.

DIOSPA QHELQACHISQ

⁷ 7 (8) Chantá jallp'a sinch'ita khatatiterqa. Orqokunapis tejsinmantapacha kharkatiterqanku Tata Dios phiñakusqanrayku.

Salmos 18:7 Referans Kwoze

Hechos 4:31

Diosmanta mañakuyta tukusqankutawantaj, maypichus kasharqanku chay cheqa kuyurerqa. Tukuyninkutaj Santo Espirituwan junt'asqas karqanku, Diospa palabrantataj mana manchachikuspa willayta qallarerqanku.

San Mateo 28:2

Ujllata ikhakorqa jallp'a, imaraykuchus Señorpa uj angelnin janaj pachamanta uraykamuspa, qayllaykuspataj, rumita tijrarpayarqa, chay patapitaj tiyaykukorqa.

Jeremías 4:24

Orqosta qhawarerqani, manchayta ikharikusharqanku, tukuy juch'uy lomasnimpis kharkatishallarqankutaj.

Jueces 5:4

Señor maypachachus Seirmanta qan llojserqanki; Edompa camposmanta ripushajtiykitaj, jallp'a ikhakorqa, cielopis qharkaterqa; phuyuspis parankuta jich'amorqanku.

Deuteronomio 32:22

Phiñakuyneyqa nina jina k'ajarin, chay ninaqa ukhu pachakama laurarillanqa. Q'olaykonqa jallp'ata, tukuy imasnintinta. Orqosta k'uchunmantapacha q'olaykonqa.

1 Corintios 13:2

Diospa palabrantachus sut'ichayman, yachaymantaj tukuy pakasqa yachaykunata, tukuy kay pacha imasmantawan; feniytaj kapuwanman orqosta ithirichinaypaj jina, manataj munakuyniy kapuwanmanchu chayqa, mana imachu kani.

Zacarías 14:4

Chay p'unchaypitaj Señorqa, Jerusalén chimpapi kashan chay Olivos orqoman chakisninta churakurenqa, chay inti llojsimuynejman jina. Uj jatun valleta aysarikonqa inti llojsimuy ladomanta inti yaykuy ladoman jina, chaytaj Olivos orqotaqa iskayman t'aqanqa. Khuskan orqoqa patanejman apasqa kanqa, khuskannintaj uranejman.

Habacuc 3:10

Orqosqa kharkatitinku rikususpa, parapis patamanta ima jina jich'akun, chantá mama qochaj ukhu pachampis manchayta ch'ajwarin patampi jatuchej olas oqharikojtin.

Habacuc 3:6

Jallp'aqa kharkatitin, Pay sayaykojtenqa, qhawajtimpis chay naciones kharkatitinku; chay ñaupa orqosnenqa urmaykunku; chay ñaupa orqospis pampachakunku; chaywampis, Diospa ñankunasnenqa wiñaypaj kanku.

Salmos 46:2

Chayrayku, mana manchachikusunchejchu, kay jallp'a ikhakojtimpis, mar ukhuman orqos chinkaykojtimpis;

Salmos 34:16

Señorqa sajra ruwajkunaj contrampi urmachin, kay jallp'amanta sutinkuta chinkachinampaj.

Salmos 34:18

Señorqa qayllallapi salvanampaj kashan, llakisqa sonqoyojkunata, umphuyasqa sonqoyojkunatawan.

Salmos 39:13

Ama qhawawayñachu, uj chhikallantapis samarichiway, manaraj ripushajtiy, manaraj chinkapushajtiy.

Salmos 40:2

Wañuy jusk'umanta orqhowarqa. T'urupi chinkaykunaymanta jark'awarqa. Sinch'ita sayachiwan uj chhanka patapi. Chakisniytataj kallpachan thuruta sarunaypaj.