Salmos 17:3 - Qheshwa Biblia DC

³ Sonqoypi imachus kasqanta qan yacharqanki, ch'isin watoj jamuwarqanki. Ninaman churawarqanki yachanawaykipaj, manataj ima sajratapis noqapi tarerqankichu. Simiyta ama pantananta nerqani.

DIOSPA QHELQACHISQAN DEUTEROCANONICAL

³ Sonqoypi imachus kasqanta qan watuwanki. Tutan qhawawaj jamuwarqanki sonqoy imaynachus kasqanta yachayta munaspa, manataj ima mana allin kajtapis tarerqankichu. Sonqoypi nerqani simiywan mana pantanayta.

DIOSPA QHELQACHISQ

³ Sonqoypi imachus kasqanta qan watuwanki. Tutan qhawawaj jamuwarqanki sonqoy imaynachus kasqanta yachayta munaspa, manataj ima mana allin kajtapis tarerqankichu. Sonqoypi nerqani simiywan mana pantanayta.

Salmos 17:3 Referans Kwoze

Salmos 26:2

Allinta qhawaway yachanawaykipaj, maychus kasqayta yachaway, sonqoy ukhupi yuyasqasniyta, munasqasniyta ima.

Hechos 11:23

Paytaj jaqayman chayaspa rikorqa Dios bendicionninwan yanapasqanta. Chayrayku kusikorqa, paykunatataj umacharqa Señor Jesucristowan tukuy sonqo kakunankuta.

Salmos 39:1

Noqa nerqani: Allinta kausasaj, qalluywan ama juchachakunaypaj, simiyta wisq'asaj ñukuwan jina, sajra runas ñaupaqeypi kanankukama.

Job 23:10

Chaywampis Pay rejsin sapa thaskisqayta; Pay noqata qhawariwanqa, ch'uya qori jinataj llojsisaj.

Malaquías 3:2

Chanta, Señor jamonqa chay p'unchaypi, pitaj aguantayta atenqarí? Pitaj ñaupaqempi sayariyta atenqa Pay rikhurimojtinrí? Imaraykuchus chayamonqa nina kikin, ch'uwachanawanchejpaj, jabón jinataj jucha ch'ichinchejta pichanawanchejpaj.

Salmos 139:1

Señorníy qan allinta qhawawanki, rejsiwankitaj.

Salmos 119:106

Cheqan nisqaykita junt'asaj nispa jurarqani; kunanqa chayman jina junt'asaj.

Salmos 66:10

Diosniyku pruebaman churawarqayku. Qolqeta jina llimphuchawarqayku.

Miqueas 2:1

Ay, jaqaykunamanta piskunachus mosqoykunasninkupipis juchasta ruwanankupaj umachakushallankupuni, q'ayantin sut'iyamojtinkamataj chayta ruwanku imaraykuchus makisninkupi atiy kasqanrayku!

Oseas 7:6

Sonqonkuta qonku qhasimanta ch'ataykunasman, uj hornota jina; imaynatachus uj enqhajqa tukuy tutantinta puñurparin, q'ayantin paqarimpajtaj hornoqa k'ajarishajllapuni kanqa, ajinata.

Jeremías 50:20

Noqa Señor nillanitaj: Chay p'unchaykunapeqa Israel aylluwan, chantá Judá aylluwan millay ruwasqasninkumanta, jinataj juchasninkumantapis kacharichisqas kanqanku, imaraykuchus noqa chay kausashajta saqerqani chaykunata perdonapusaj.

Proverbios 13:3

Palabrasninta mana kacharejqa, pay kikimpaj allinta ruwan, anchata palabrasninta kacharejqa, payllataj p'enqaypi rikhurenqa.

Salmos 16:7

Señorta yupaychasaj, pay yupaychawasqanrayku. Sonqoy ukhupi ch'isisnin pay k'amiwan.

Salmos 11:5

Señorqa k'acha runasta, sajra runastapis rikushan, chejnikuntaj tukuy sonqo, sajra kajta munajkunata.

Salmos 7:4

Allinta ruwawaj kausaqeyta sajra kajwan kutichinichu?

Job 24:14

Runa wañucheqa laqha laqhata wajchata wañuchimunampaj rin, ch'isiyaykojtintaj suwaspa purin.

1 Samuel 26:23

Señortaj qopuchun sapa ujman maychus cheqa kayninman, jinataj sonqoyoj kasqanman jina. Señorqa makisniyman qan reyniytaqa churawarqapis, manataj munarqanichu Señorpa ajllasqan reyta ima sajratapis ruwaytaqa.

1 Samuel 24:12

Señorlla justiciata ruwawasuchun iskayninchejta, qan reyniymantataj aynita kutichichun. Noqamantaqa mana jayk'ajpis qan reyniypa contrantaqa makiyta oqharisajchu.

Hechos 16:9

Chay tutataj Pabloqa mosqoypi jina rikorqa uj macedonio runata. Paypa ñaupaqempi sayaykuspa mañakorqa: Jamuriy ari Macedoniaman yanaparinawaykupaj, nispa.

1 Samuel 24:10

Reyníy, qan kikiyki rikuwanki, Señorqa qanta imaynatachus makisniyman churawasqanta. Chay jusk'upi kashajtiyki noqaqa mana wañuchiyta munarqaykichu, manachayqa kausayniykita perdonarqani, sonqoypitaj nerqani qan reyníy kasqaykita, Señor ajllasusqanrayku.

Santiago 3:2

Tukuyninchej ashkha kutita pantanchej. Pichus mana pantanchu parlasqampi chayqa, chaymá sumaj runaqa. Paytaj atinman tukuy cuerponwan kasuchikuyta.

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

1 Corintios 4:4

Sonqoyqa mana imamantapis juchachawanchu. Chaywampis, mana cheqan runa kani nisajchu; Señorlla noqataqa juzgawanqa.

1 Samuel 26:11

Señor jark'awachun, Paypa ajllasqan reyta wañuchiyta munanaymanta. Ajinaqa chay uman chaypi kashan chay lanzata, yaku yuruntawan oqhariykukuy, ripunataj, nispa.

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

1 Crónicas 29:17

Noqa yachani, Diosníy, qanqa sonqosta allinta qhawanki, cheqan kajtaj qanta kusichisunki. Chayrayku cheqa sonqowan kay tukuyta jaywayki. Kunanqa kusiywan rikuni, kaypi tukuy aylluyki tantasqas jaywanasninkuta munakuywan apamususqankuta.

Salmos 139:23

Diosníy, allinta sonqoyta qhawariway, yachay sonqoyta, tukuy yuyasqayta allinta yachaway.

Jeremías 12:3

Qantaj, Señor, rejsiwanki, rikuwankitaj, yachankitaj qanwan imaynachus yuyayniypi kasqayta. Kay runasta apakapuy, ovejasta jina wañuyman qhatiykapuy, k'illpiykuy chay wañuchina p'unchaypaj.