Salmos 16:10 - Qheshwa Biblia DC

¹⁰ Mana wañusqastawan khuskachu saqerpariwanki. Nitaj wañuspa ismojta saqewankichu.

DIOSPA QHELQACHISQAN DEUTEROCANONICAL

¹⁰ Qanqa jallp'aj sonqonpi mana saqerpariwankichu, nitaj pichus kasusojpa ukhun asnapunantapis.

DIOSPA QHELQACHISQ

¹⁰ Qanqa jallp'aj sonqonpi mana saqerpariwankichu, nitaj pichus kasusojpa ukhun asnapunantapis.

Salmos 16:10 Referans Kwoze

Salmos 49:15

Dios noqataqa wañuymanta atiyninmantawan librawanqa, paytaj pusakapuwanqa.

Apocalipsis 1:18

Noqa kani kausaj, wañusqataj karqani, kunantaj wiñay wiñaypaj kausashani. Wañuypa llavesnintapis, infiernoj llavesnintawan noqa jap'ini.

Apocalipsis 20:13

Mar qochataj chaypi wañusqa kajkunata qoporqa. Wañuypis, ukhu pachapis paykunapi wañusqas kajkunata qopullarqataj. Sapa ujninkutataj juchacharqa ruwasqasninkuman jina.

San Lucas 16:23

Ukhu pachapitaj manchayta ñak'arispa qhawarerqa, rikorqataj karupi Lazarota Abrahamtawan.

San Lucas 1:35

Angeltaj kuticherqa: Santa Espíritu qanman jamonqa, Diospa atiynintaj llanthusonqa; nacej wawaqa ajllasqa sutichasqa kanqa Diospa Churin.

Isaías 14:9

Ukhupachapi wañusqaspis qannejta mancharikunku; rijch'arinkutaj qanta taripasunampaj. Tukuy kay pachapi wañusqas kamachejkuna jatarimonqanku. Reyestaj tiyanankumanta sayarikonqanku.

Deuteronomio 32:22

Phiñakuyneyqa nina jina k'ajarin, chay ninaqa ukhu pachakama laurarillanqa. Q'olaykonqa jallp'ata, tukuy imasnintinta. Orqosta k'uchunmantapacha q'olaykonqa.

1 Corintios 15:42

Ajinallataj kanqa wañusqasmanta kausarimoyqa. Imatapis ismunampaj tarpunchej chayqa, mana ismuyniyoj kausarimonqa.

Números 6:6

Chay tiempopeqa manallataj ima wañusqamampis qayllananchu tiyan, ni tatampaman, ni mamampaman, ni wauqempaman, ni panampaman, ama jinamanta ch'ichichakunampaj imarayuchus payqa Señorpaj t'aqasqa.

Levítico 19:28

Ama wañusqaraykoqa ukhuykichejta k'irinchakunkichejchu, nitaj ima señalestapis ukhuykichejpi ruwakunkichejchu. Noqamin Señorqa kani.

Amós 9:2

May jina jallp'a ukhumampis pakakuchunku, chaymanta aysarqamusaj may jina patasmampis pakakuchunku, chaymanta wijch'ukamusaj.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Isaías 5:14

Wañoyqa yarqhasqa siminta jatunta kicharin. Chayman chinkarenqanku qhapajkuna, runasnintin, paykunawan kusikojkunapis.

Proverbios 27:20

Wañuyman ukhupachawan runaj munapayayninwanqa, mana jayk'ajpis sajsakunchu,

Proverbios 15:11

Wañuywan, aya p'ampanawanqa Señorpa ñaupaqellampi kashanku; runaj sonqontarí, astawanraj rikuyta atin.

Salmos 139:8

Janaj pachaman wichariyman chayqa, chaypi qan kanki. Jallp'a ukhuman yaykuyman chaypis, chaypipis qan kashallankitaj.

Salmos 9:17

Sajra runaswan Diospi mana creejkunawan, wañusqaspaman riponqanku, Diosmanta qonqapusqankurayku.

Job 11:8

Imankitaj qanri? Chaykunaqa cielomantapis aswan patapi kanku. Imatataj qan chaymanta yachankiri? Chaykunaqa kanku laqha ukhumantapis aswan ukhupi.