Salmos 149:3 - Qheshwa Biblia DC

³ Tusuykunawan sutinta yupaychachunku. Arpaswan, chhulloj chhullojkunawan Señorman takichunku.

DIOSPA QHELQACHISQAN DEUTEROCANONICAL

³ Tususpa, sutinta jatunchanachej. Arpawan, panderetawan ima Tata Diosman takinachej.

DIOSPA QHELQACHISQ

³ Tususpa, sutinta jatunchanachej. Arpawan, panderetawan ima Tata Diosman takinachej.

Salmos 149:3 Referans Kwoze

Jeremías 31:13

Chaypacha sipaskunaqa kusikuywan tusurenqanku, jinallataj waynakunapis, unayniyoj runakunapis. Noqa paykunata sonqochaykusaj: Waqayninkutaqa kusiyman tukuchisaj. Noqataj kusiyninkuta qopusaj nanayninkumanta aswan ashkhata.

Salmos 81:2

Takiychej tamborwan, arpawan, charangoj misk'i waqayninwan ima.

Éxodo 15:20

Aarompa panan María profetiza tamborsitota oqharikuspa llojserqa, qhepantataj tukuy warmis panderas oqharisqas tususpa llojsillarqankutaj, tocarispa.

Salmos 30:11

Llakiyniyta kusiyman tukuchinki. Qhasqa p'achata orqhowaspa, kusiywan p'achallichiwanki.

2 Samuel 6:16

Señorpa trato ruwasqa cajonnin Davidpa llajtanman chayamojtintaj, Saulpa ususin Micalqa wasin ventananmanta qhawarimuspa, rey Davidta rikorqa tusushajta phinkiykachashajtataj Señorpa ñaupaqempi. Chayta rikuspa Micalqa sonqompi Davidta pisipaj qhawarqa.

2 Samuel 6:14

Davidqa, linomanta efod p'achawan p'achallisqa risharqa tukuy kallpanwan tusurispa Señorpa ñaupaqempi.

Jueces 11:34

Maypachachus Jefté Mizpapi wasinman kutiporqa chaypacha uj k'ata warmi wawan karqa chay llojsimorqa taripamoj pandereta tocana jap'irisqa phinkiykacharispa. Pay k'atalla wawanqa karqa.

Salmos 33:2

Arpaj waqaynimpi Señorman graciasta qoychej, guitarraj waqayninwantaj takiychej.

Esdras 3:10

Maypachachus albañiles Señorpa templonta ruwayta qallarerqanku chaypacha, sacerdotes sayarikorqanku linomanta p'achasninwan p'achallisqas, pututusniyojtaj. Asafpa wawasnin levitastaj platillosniyoj karqanku, Señorta yupaychanankupaj, Israelpi kaj rey Davidpa yachachisqanman jina.

1 Crónicas 16:42

Paykunaqa pututusta, chanta platillosta ima tocaj kanku, waj takichinaspaj nisqa tocanastawan Diosman takiykunasta takichispa. Jedutumpa wawasnenqa punkuta qhawanamanta mink'asqas karqanku.

2 Crónicas 29:25

Rey Ezequiasqa Señorpa yupaychana wasinman churallarqataj levitasta platillosnintinta, salteriosnintinta, arpasnintinta ima, imaynatachus kamacherqa rey David, profeta Get, jinataj profeta Natampis. Chay kamachisqataqa Señorpuni qosqa profetasninnejta.

1 Crónicas 25:6

Paykunata tukuyninkuta tatanku Heman takichej, Diosta yupaychana wasipi Diosta yupaychaykunaspi, platillospa, salteriospa, arpaspa ch'ajwaynimpiwan. Asafwan, Jedutunwan Hermanwan reypa kamachimpi karqanku.

2 Crónicas 20:28

Jerusalenman chayaspataj Señorpa yupaychana wasinman rerqanku salteriospa, arpaspa, jinataj trompetaspa ch'ajwaynimpi.

Salmos 81:3

Putututa waqachiychej mosoj killa chayamojtin, jinallatajpura kajtimpis, chay diaqa jatun p'unchayninchej.

Salmos 87:7

Takejkuna tusojkunapis ninku: Tukuy juturisneyqa qampi kashan.

Jeremías 31:4

Israel, watejmanta oqharisqayki. Watejmanta chhulloj chhullojkunawan jamunkichej kusiywan tusurispa.