Salmos 148:8 - Qheshwa Biblia DC

⁸ Rayo, granizo, rit'i, urphupis, kamachisqasninta junt'aj sinch'i wayrapis.

DIOSPA QHELQACHISQAN DEUTEROCANONICAL

⁸ Illapa, chijchi para, rit'i, phuyupis, kamachisqanta junt'aj sinch'i wayrapis,

DIOSPA QHELQACHISQ

⁸ Illapa, chijchi para, rit'i, phuyupis, kamachisqanta junt'aj sinch'i wayrapis,

Salmos 148:8 Referans Kwoze

Apocalipsis 16:21

Janaj pachamanta runasman manchay jatuchaj granizos urmamorqanku, uj quintal jina llasas. Runastaj granizoj ñak'arichisqanwan Diospaj sajrata rimarqanku, imaraykuchus chay llakeyqa maypuni karqa.

Jonás 1:4

Chaymantataj, Señorqa uj sinch'i para wayrata phukuchimorqa, qocha chaupitaña rishajtinku maytapuni para wayraqa yakuta qhollchoqeyachispa, buquetapis q'opata jina apaykacharqa, phirinampaj jina.

Amós 7:4

Kayta Señor Diosqa rikuchiwarqa: Rikorqani nina jap'iykukojta, mar qochachataj ukhukama ch'akerparichejta, jallp'atapis uj cantonta q'olaykushajta.

Amós 4:13

Señormin ruwarqa orqostaqa, jinallataj wayratapis; runamantaj imatachus yuyasqanta rejsicherqa; k'anchay kajta laqhaman tukuchin; jallp'a patasta purejqa; Señor, Tukuy Atiyniyoj Dios: Chaymin sutenqa.

Joel 2:30

Janaj pachapi jatuchej t'ukunasta rikhuchisaj. Jallp'apitaj rikhuchisaj yawarta, ninata, q'osñi jina phuyustawan.

Isaías 66:16

Señorqa ninawan espadawantaj tukuyta cheqanchanqa, jinamanta Señorpa wañurachisqasnenqa ashkha kanqa.

Salmos 103:20

Ángeles, Señorniykichejta yupaychaychej, qankuna kallpayojkuna, kamachisqasninta junt'ajkuna, nisqasninta kasukunaykichejpaj qhajlla kajkuna.

Salmos 18:12

Uj lliphipej k'anchay ñaupaqenmanta llojsin. Phuyumantataj k'ajarishaj nina brasas granizo jina t'akakamun.

Josué 10:11

Bet-horon urayta amorreos israelitasmanta ayqekushajtinku, Señorqa kachaykamorqa janaj pachamanta jatuchaj rumi chhikachaj granizosta; chay astawan amorreostaqa wañuracherqa, israelitas espadawan wañuchisqankumanta nisqaqa.

Números 16:35

Chantapis Señorqa ninata apachimorqa, pikunachus Dioswan parlana toldopi inciensota jaywasharqanku chaykunata iskay pachaj phishqa chunkayoj runasta ruphaykorqa.

Levítico 10:2

Chaypacha Señorpa ñaupaqenmanta ujllata nina llojsimuspa paykunata ruphaykorqa. Ajinamanta iskayninku Señorpa ñaupaqempi wañorqanku.

Éxodo 14:21

Moisesqa mar qochanejman makinta oqharerqa, Señortaj tukuy chay tuta inti llojsimuynejmanta sumajta wayrachimuspa yakuta iskayman khallarparerqa. Ajinamanta mar qochaqa iskayman ukhu wayq'o jina khallerparikuspa, chay cheqa ch'akiman tukorqa.

Éxodo 10:19

Señortaj uray wayrata wayrachimorqa, chaytaj langostasta aparparerqa puka mar qochaman. Jinamanta langostasqa ni ujpis qhepakorqankuchu Egipto jallp'api.

Éxodo 10:13

Moisestaj tojnunta oqharerqa Egipto jallp'anejman. Señortaj inti llojsimuynejmanta wayrachimorqa uj p'unchayta, uj tutatawan Egiptonejman. Sut'iyamuypajtaj chay wayraqa langostasta rikhurichimorqa.

Génesis 19:24

Chantá Señorqa azufre nina parata parachimorqa Sodomaman Gomorra llajtamanwan.

Job 37:12

Lliuj lliujkunaqa patapi kayman jaqayman correykacharinku, kay jallp'a patapi Diospa kamachisqanta junt'aspa.

Jonás 1:5

Buqueta purichejkunataj mancharikuytawan sapa ujninku dioskunasninkumanta qhaparikorqanku. Chantá buque chhallayanampaj ama yakuman p'ultikunampaj cargasta yakuman wijch'uykorqanku. Chaykamataj Jonasqa buquej ukhun k'uchunman yaykuykusqa, chaypitaj misk'ejta puñurparerqa.