Salmos 146:9 - Qheshwa Biblia DC

⁹ Señorqa karu llajtayojkunata qhawan. Yanapantaj viudasta, wajcha wawastapis. Sajra runaspa ñanninta wist'uyachin.

DIOSPA QHELQACHISQAN DEUTEROCANONICAL

⁹ Tata Diosqa waj llajtayojkunata waqaychan. Payqa warmisapakunata, wajcha wawakunatapis qhawarin. Millayta ruwaspa purejkunaj yuyasqankutatajrí pantachin.

DIOSPA QHELQACHISQ

⁹ Tata Diosqa waj llajtayojkunata waqaychan. Payqa warmisapakunata, wajcha wawakunatapis qhawarin. Millayta ruwaspa purejkunaj yuyasqankutatajrí pantachin.

Salmos 146:9 Referans Kwoze

Salmos 68:5

Diosninchej santo wasimpi tiyakun, payqa wajchaspa tatan. Viudastataj waqaychan.

Salmos 147:6

Señorqa llamp'u sonqosta oqharin, sajra runastataj k'umuykachachin.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Jeremías 49:11

Saqeway wajcha wawasniykita, noqa qhawapusqayki, warmi sapasniykipis noqaman atienekuwachunku.

Proverbios 15:25

Señorqa urmachin runaykachajkunaj wasinkuta; viudaj wasintarí, sumajta sayachin.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.

Proverbios 4:19

Juchasapaspa ñanninkurí laqhalla, mana yachankuchu imapichus misk'akusqankuta.

Salmos 145:20

Señorqa payta munakojkunata jark'an, sajra runastataj tukuchin.

1 Corintios 3:19

Kay pacha yachayqa qhasi mana kaj Diospajqa. Escribisqapipis nishan: Dios urmachin yachayniyojkunata, llulla yachaynillankupitaj.

Oseas 14:3

Asiriaqa manamin salvayta atiwasqaykuchu, nillataj caballospipis ayqesqaykuchu. Manaña kayqa Diosniyku nispa, noqaykoj kikiykoj ruwasqasnillaykutaqa sutichasqaykuchu; imaraykuchus qanllapimin Señor uj wajcha wawaqa khuyakuyta tarenqa.

Salmos 18:26

Ch'uwa sonqoyojwanqa ch'uwa sonqollataj kanki. Puraj uya runamantaj phiñakuyniykita rikuchinki.

Ester (hebreo) 9:25

Estertaj reypaman rejtin, reyqa uj cartata qelqaspa apacherqa, Amampa tukuy sajrata judiospaj yuyasqasnenqa payllamantaj urmananta, ajinamanta paywan wawasninwanqa sipinapi warkhusqas karqanku.

Ester (hebreo) 7:10

Ajinata Amantaqa Mardoqueopaj ruwachisqan sipinallapitaj warkhorqanku. Chaywantaj reypa sonqonqa tiyaykorqa chay phiñakuyninmanta.

Ester (hebreo) 5:14

Chanta warmin Zereswan, tukuy kausaqesninwantaj nerqanku: Qanqa uj sipinata ruwachiy. Chaytaj kachun iskay chunka iskayniyoj metros. Q'aya paqarintaj reymanta mañay, chayman Mardoqueota warkhunankuta. Ajinamanta reywan khuska kusisqa mikhumunki. Chay nisqankutaj Amampajqa sumaj karqa. Warkhuspa sipinatataj ruwacherqapacha.

2 Samuel 17:23

Ahitofeltaj chay yuyasqanman jina mana junt'akusqanta rikuspataj, burronta sinchaykuspa wasinman riporqa, maypichus tiyakoj chay llajtaman. Wasimpi ayllusninwan imachus ruwanasninta junt'aytawankama rispa sipikamorqa. P'ampamorqankutaj tatampa p'ampakunan covachaman.

2 Samuel 15:31

Davidman willajtinkukamataj, Ahitofelpis Absalonman kutisqa kasqanta, chaypacha Davidqa Señormanta mañarqa Ahitofelpa umachayninta pantachinampaj.

Deuteronomio 16:11

Chay kusikuykunataqa Señor Diosniykichejpa ñaupaqempi ruwankichej, maypichus Pay uj cheqata ajllakorqa, chaypi. Chaytataj ruwankichej wawasniykichejwan, kamachisniykichejwan khuska, chantapis llajtaykichejpi tiyakoj levitaswan, karu llajtayojkunawan, wajcha wawaswan, warmisapaswan ima.

Salmos 10:14

Qan kikiyki rikunki may jatun sajra kayninkuta. Sajra kayninkutaqa rikunki. Chayrayku ruwasqankuman jina pagota qopunki. Qanmanqa mana piniyojkuna chayamusunku, qan wajcha runasta yanapanki.