Salmos 136:1 - Qheshwa Biblia DC

¹ Señorman graciasta qoychej, k'acha kasqanrayku, khuyakuynin wiñaypaj kasqanrayku.

DIOSPA QHELQACHISQAN DEUTEROCANONICAL

¹ Tata Diosta pachis niychej, k'acha kasqanrayku, imaraykuchus munakuynenqa wiñay wiñaypajmin.

DIOSPA QHELQACHISQ

¹ Tata Diosta pachis niychej, k'acha kasqanrayku, imaraykuchus munakuynenqa wiñay wiñaypajmin.

Salmos 136:1 Referans Kwoze

Salmos 118:1

Señorta k'acha kayninmanta agradeceychej, khuyakuynintaj mana tukukuyniyoj.

1 Crónicas 16:34

Señorman graciasta qoychej, payqa may k'achamin, munakuynin wiñaypaj kasqanrayku.

Salmos 106:1

Señorqa yupaychasqa kachun! Agradecekuychej, Señorta yupaychaychej, imaraykuchus payqa k'achamin, khuyakuynimpis wiñaypajpuni.

1 Crónicas 16:41

Saqellarqataj paykunatawan khuskata Hemanta, Jedutunta, chay ajllasqas kajkunamanta puchojkunatawan ima, paykunaqa sutisninkumanta ajllasqas karqanku, mink'asqastaj takinankupaj: Señorman graciasta qoychej, imaraykuchus jatunmin munakuynenqa, nispa.

Salmos 107:1

Señorta agradecekuychej, imaraykuchus payqa k'achamin; khuyakuynenqa wiñaypaj.

2 Crónicas 20:21

Aylluta tapuriytawantaj wakinta takinankupaj churarqa, llimphuchasqa p'achasninkuwan churaykusqas soldadospa ñaupaqenta rinankupaj, Señorta yupaychaspa kay takiywan, Señorman graciasta qoychej, munakuynin wiñaypaj kasqanrayku.

Esdras 3:11

Ujkuna alabanzasta takerqanku, wajkunataj yupaycharqanku Señorman graciasta qospa kay jinata: Payqa may k'achapuni, Israeltaqa wiñaypaj munakun. Runasqa llajtantin kusiywanqa qhaparerqanku, yupaycharqankutaj Señorta, paypa templonta watejmanta ruwayta qallarishajta rikusqankurayku.

2 Crónicas 7:3

Tukuy israelitastaj nina urmamojta rikuspa, jinataj Señorpa k'anchaynintapis yupaychana wasi pataman uraykamojta, chaypacha qonqorikorqanku, k'umuykukorqankutaj pampapi rumi losawan uyanku tinkunankama. Yupaychasharqankutaj graciasta qospa Señorman kay jinata kutin kutinta: Payqa may k'achamin, khuyakuynenqa wiñaypajmin.

San Lucas 1:50

Diospa khuyakuynenqa miraymanta mirayman, payta manchachikojkunapaj.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

2 Crónicas 7:6

Sacerdotesqa ruwanasninkupi kasharqanku, jinataj levitaspis, sapa ujpis Señorpaj tocanasninkuwankama. Chaykunataqa rey David churasqa chay takejkunata takichinankupaj, wiñaypajmin khuyakuynenqa, nisqa takiyta, David maypachachus takej chaypacha. Sacerdotestaj paykunaj ñaupaqenkupi trompetasinkuta waqachisharqanku, chaykamataj tukuy israelitasqa chakipi sayasqas kasharqanku.

Salmos 105:1

Señorman graciasta qoychej, sutintataj oqhariychej. Tukuy runasmantaj ruwasqasninta willaychej.

Salmos 119:68

Qanqa k'acha kanki, sumaj kajtataj ruwanki. Kamachisqasniykita yachachiway.

Salmos 103:17

Diosníy, qan yachaq payta kasukojkunapaj, cheqanchaynintaj tukuy runa mitaspaj.

Judas 1:21

Diospa munakuynimpi waqaychakuychej, Señor Jesucristoj khuyakuyninta suyaspa, wiñay kausayta jap'inaykichejpaj.

Salmos 100:5

Señorqa may k'achamin, khuyakuynenqa wiñaypaj. Cheqa kaynintaj mana tukukuyniyoj tukuy runa mitapaj.