Salmos 12:6 - Qheshwa Biblia DC

⁶ Señorpa qosqayki nisqan, palabrasqa ch'uwa llimphuchasqa qolqe jina, mayqenchus qanchis kutita ninapi ch'uwachasqa.

DIOSPA QHELQACHISQAN DEUTEROCANONICAL

⁶ 6 (7) Tata Diospa nisqanqa ch'uwa, qanchis kutita ninapi sumaj ch'uwachasqa qolqe metal jina.

DIOSPA QHELQACHISQ

⁶ 6 (7) Tata Diospa nisqanqa ch'uwa, qanchis kutita ninapi sumaj ch'uwachasqa qolqe metal jina.

Salmos 12:6 Referans Kwoze

Proverbios 30:5

Señorpa tukuynin palabrasnenqa llimphupuni; payqa waqaychan paypi tukuy yuyaykunata.

Salmos 18:30

Señorpa ñannenqa cheqanmin. Señorpa qosqayki nisqanqa cheqampuni. Diosqa waqaychan tukuy paypi suyakojkunata.

2 Samuel 22:31

Diospa ñannenqa allin cheqanmin; Señorpa nisqasnenqa atienikunapaj jinapuni. Dios waqaychan tukuy paypi suyajkunata.

Salmos 19:8

Señorpa kamachisqasnenqa cheqampuni, sonqotataj kusichin. Señorpa kamachisqanqa ch'uwa, ñawimantaj k'anchaykun.

Salmos 66:10

Diosniyku pruebaman churawarqayku. Qolqeta jina llimphuchawarqayku.

Salmos 119:140

Palabraykeqa allin ch'uwamin, chayrayku kay kamachiykeqa munakun.

Éxodo 3:7

Señortaj nillarqapuni: Cheqamanta noqa rikuni imaynatachus aylluy Egiptopi ñak'arisqanta. Uyarini mayta qhaparikusqankuta capatazkuna jasut'isqankurayku; allinta yachani ñak'arisqankuta.

Éxodo 3:8

Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

Éxodo 6:1

Diostaj Moisesman nerqa: Kunanraj rikunki imatachus faraonman ruwasaj chayta. Imaraykuchus paymantaqa sinch'i kallpawampuni kacharichisqaykichej chaymanta ripunaykichejpaj, jinallataj paypis may phiñasqa kacharisonqachej.

Job 20:19

Wajchasmanta qhechuspa mana imayojta saqerqa, jap'ikaporqa mana ruwasqan wasista.

Job 28:1

Cheqamanta qolqeta qhoyamanta llojsin, qoripis uj cheqapi ch'uwachakun.

Salmos 9:13

Señor, noqamanta khuyakuway. Qhaway imaynatachus chejnikuwajkuna llakichiwasqankuta. Wañuy patamanta orqhoway.

Salmos 76:10

Runaj phiñakuynenqa qanta yupaychanaman tukun, qantataj yupaychasunki chay phiñakuynenqa, uj chhikan phiñakuyninkupis pilluykiman tukun.

Proverbios 22:23

Paymantaqa Señor sayaykonqa, pikunachus chay jinata ruwajkunajta Señorqa kausayninta qhechonqa.

Isaías 14:22

Tukuy Atiyniyoj Señorqa nin: Noqa oqharikusaj paykunaj contrankupi. Noqa Babiloniaj sutinta chinkachisaj, paykunamanta puchojkunata, wawasninkuta, allchhisninkuta ima.

Isaías 33:10

Señorqa nin: Kunanqa sayarikusaj; oqharisqa, may jatunchasqataj kasaj, nispa.