Salmos 12:3 - Qheshwa Biblia DC

³ Saphimanta paykunata t'iray Señor, chay puraj uyasta, chay jatunchakojkunata.

DIOSPA QHELQACHISQAN DEUTEROCANONICAL

³ 3 (4) Tata Diosqa tukuy puraj uya runakunata chinkachichun, jatunchakuspa parlajkunatawan.

DIOSPA QHELQACHISQ

³ 3 (4) Tata Diosqa tukuy puraj uya runakunata chinkachichun, jatunchakuspa parlajkunatawan.

Salmos 12:3 Referans Kwoze

Proverbios 18:21

Wañuywan kausaywanqa simej atiynimpi kashan; pichus chaykunata munakojqa chaywan sajsakonqa.

Apocalipsis 13:5

Payman simi qosqa karqa, jatuchaj imasta, Diospaj sajrata parlaykunatawan parlanampaj. Atiytapis qorqanku chay imasta ruwanampaj, tawa chunka iskayniyoj killa junt'ata.

Daniel (hebreo) 7:8

Chay wajrasta qhawashaspataj rikorqani uj aswan juch'uy wajritata p'utumojta chay ujkunaj chaupinkumanta, chanta sik'irarqanku kinsa wajrasta, qhepata p'utumoj wajritaman campota qonankupaj. Chay juch'uy wajritaj ñawisnintaj runaj ñawisninman rijch'akorqanku, jatun jatunmanta parlaj simiyojtaj karqa.

Salmos 17:10

Wira kayninkuwan jatunchakunku; wapu wapulla oqharikuspataj parlarinku.

Judas 1:16

Paykunaqa wasa rimakus kanku. Phiñanachejkunataj, munayninkuman jinataj purinku. Siminkoqa may jatun kasqankumanta parlan, runastataj llunk'unku qolqerayku.

2 Pedro 2:18

Chay runasqa, jatunmanta qhasi mana kajta parlaspa, wajkunata aychaj millay munayninman, tukuy laya runasman ima pusanku pikunachus cheqamanta ayqerqankuña, chay pantaypi kausajkunamanta.

Malaquías 3:13

Señorqa nin: Qankuna mayta rimankichej contrayta. Chantapis tapunkichejraj: Imata qampaj contraykita rimayku?, nispa.

Daniel (hebreo) 7:25

Jatun atiyniyoj Diospa contranta rimanqa, Diospa ayllunta ñak'arichispa chinkachinayanqa. Diospa kamachiyninta, fiestastapis waj jinaman tukuchiyta munanqa. Diospa aylluntaj makimpi kanqa, kinsa tiempos khuskanniyojkama.

Ezequiel 29:3

Kunanqa kay jinata parlay: Señorqa kay jinata nin: Egipto llajtapi kamachej faraón, sierpe, mayusniyki chaupipi winkhuraj, nishankitaj: Nilo mayoqa noqajta, noqa ruwarqani, nispa. chayrayku noqaqa contraykipi sayarini.

Ezequiel 28:9

Wañuchisojpa ñaupaqempeqa, noqa dios kani nispa parlarinkichu? Qanqa runalla kanki, manataj dioschu wañuchisojpa ñaupaqempeqa.

1 Samuel 2:3

Ama ni pi runaykachaspa parlachunchu, amataj pipis chhikata alabakuchunchu, imaraykuchus Señorllamin tukuy imata yachaj Diosqa. Paymin juicioman churan tukuy runaspa ruwasqasninkutaqa.

Éxodo 15:9

Chejnikojqa wampu yuyaynimpi nin: Qhatirisaj taripanaykama, jap'imusaj, imastachus qhechusqayta rak'irasaj, almay sajsakonqa paykunawan sajsakunaykama. Espadayta orqhokuspa, makiy paykunata t'ojsispa tukuchenqa.

Isaías 10:10

Ashkha lantisniyoj llajtasta tarini. Chay llajtasqa Jerusalenmanta, Samariamantapis aswan ashkha lantisniyoj kanku.

Job 32:22

Cheqamanta noqaqa mana pitapis wayllukunichu, sichus jinata ruwayman chayqa, Ruwawajniy Dioschari jasut'iwanman.

Salmos 55:22

Llakiykunasniykita Señorman saqey. Payqa sinch'ita sayachisonqa. Payqa kasukoj runataqa, mana urmajta saqenmanchu.

Salmos 116:11

Mana imanayta atispa, nillarqaniña, tukuy runasqa llullas kanku, nispa.

Salmos 140:12

Noqa yachani Señorqa wajchaspaj justiciata ruwasqanta, llakisqa runasmantaj maychus kajta qosqanta.

Proverbios 26:24

Pichus chejnikojqa parlashaspa manapis pipaj rimashanmanchu jinaman tukun; sonqompitaj sajrata ruwaykuna wakichisqa kashan.

Isaías 59:4

Mana pipis cheqan kajta munajqa kanchu, mana pipis cheqanta cheqanchajqa kanchu. Mana allin kajllaman atienekunku, manakaj imasllata parlankupis. Sajra imasllatapuni yuyanku, juchatataj wachanku.

Jeremías 9:8

Qallusninkoqa wañuchej wach'inas jina, mana kajta parlaspa purinku. Kausaqesninkuta may misk'ita napaykurinku, wasankumantataj tojllasta wakichishanku.

Jeremías 12:6

Kikin wauqesniyki kajkunallamantataj wasanchasunku, qhepaykimantataj phiñasqas qhaparimusunku. Ama paykunapi chhikata atienekuychu, ni misk'i parlaywan parlasojtinkupis.