Salmos 11:7 - Qheshwa Biblia DC

⁷ Señorqa cheqan sonqo, cheqan kajtataj munakun. Chayrayku, cheqan sonqoyojkunaqa paypa uyanta rikonqanku.

DIOSPA QHELQACHISQAN DEUTEROCANONICAL

⁷ Cheqanta ruwaj Tata Diosqa cheqan justiciata munakun. Chayrayku cheqanta ruwajkunaqa paypa uyanta rikonqanku.

DIOSPA QHELQACHISQ

⁷ Cheqanta ruwaj Tata Diosqa cheqan justiciata munakun. Chayrayku cheqanta ruwajkunaqa paypa uyanta rikonqanku.

Salmos 11:7 Referans Kwoze

Apocalipsis 22:4

Uyanta rikonqanku, sutintaj frentesninkupi kanqa.

Salmos 17:15

Noqaqa cheqamanta kusisqa qhepakusaj, uyaykita qhawarispa, rijch'ayniykipi rijch'arisqa rikukuspa.

1 Pedro 3:12

Señorpa ñawisnenqa cheqan kajkunata qhawashan, ningrisnimpis paykunaj mañakusqankuta uyarishan. Astawampis Señorqa sajrata ruwajkunaj contrampi kashan.

Salmos 45:7

Cheqan kajta munakunki, sajratataj chejnikunki. Chayrayku Dios ajllakusorqa. Diosniyki kusikuywan junt'achisunki, kausaqesniykimanta astawan.

Job 36:7

Cheqan kaj runastaqa imamantapis waqaychampuni, reyestapis kamachinankupi sumajta sayachin, allin uyarisqastaj kanqanku.

1 Juan 3:2

Munakusqasníy, kunanqa Diospa wawasnin kanchej, chaywampis, manaraj sut'ichu imaynachus kananchejqa. Yachanchejtaj, Jesucristo rikhurimojtin payman rijch'akunanchejta, imaraykuchus payta rikusunchej maychus kasqanta jina.

Salmos 42:5

Imaraykutaj q'enaqakuymanri? Imaraykutaj t'ukuspalla kaymanri? Suyayniyta churani Diospi. Diosta yupaychasajraj. Paymin Salvawajniy Diosneyqa.

Salmos 34:15

Señorqa k'acha sonqoyoj runasta qhawan, qhaparikusqankutataj uyarin.

Salmos 33:18

Señorqa waqaychampuni payta yupaychajkunata, munakuynimpi atienekojkunata.

Salmos 99:4

Qan atiyniyoj rey kanki, cheqan kaj ruwayta munanki, qan kikiyki cheqan kajta sayacherqanki. Cheqa kajta, cheqan kajtataj, Jacobpa miraynimpi ruwarqanki.

Salmos 33:5

Señorqa cheqan kajta allin kajtawan munakun. Khuyakuynintaj tukuy kay pachata junt'aykun.

Salmos 21:6

Wiñaypaj bendicerqanki. Ñaupaqeykipi kusiywan sonqonta junt'acherqanki.

Salmos 5:12

Señor, qan bendicinki cheqan ruwajta. Munakuyniykeqa jark'akuna jina payta waqaychan.

Isaías 61:8

Noqa Señorqa imapis cheqampuni kananta munani. Suwakojta, runa wañuchejta ima chejnikuni. Chayrayku runaj ruwasqasninman jina t'inkanta qopusaj, paykunawantaj wiñaypaj tratota ruwasaj.

Salmos 146:8

Señorqa ciegosta qhawarichin. Señorqa urmasqasta sayarichin. Señorqa sumaj k'acha runasta munakun.

Salmos 7:9

Cheqan Dios, qan yachanki runaj sonqonta, yachallankitaj runaj yuyayninta. Chinkachiy sajra runaspa mana allin kayninkuta, astawanqa sinch'ita sayachiy cheqan sonqoyoj runata.

Salmos 7:11

Diosqa cheqanta justiciata ruwajmin, sapa runaspajtaj sapa día phiñakun.

Salmos 37:28

Señorqa cheqan kajta munakun, manataj qonqapunchu paypi yuyaj runamanta, sajra runatataj tukuchin, manataj saqenchu wawasniyoj kanankuta.

Salmos 45:8

P'achaykeqa canelaman, mirraman, aloeman ima q'aparishan. K'acha rumismanta ruwasqa palaciopi tocaykunawan kusichisunku.

Proverbios 15:9

Sajra runaspa purisqanta Señorqa millachikun; pichus cheqanta kausajtarí munakun.