Salmos 103:3 - Qheshwa Biblia DC

³ Paypuni tukuy sajra ruwasqasninmanta perdonawan, onqoypipis pay thañichiwan.

DIOSPA QHELQACHISQAN DEUTEROCANONICAL

³ Paymin tukuy millay ruwasqayta pampachan, tukuy onqoymantapis thañichiwan.

DIOSPA QHELQACHISQ

³ Paymin tukuy millay ruwasqayta pampachan, tukuy onqoymantapis thañichiwan.

Salmos 103:3 Referans Kwoze

Éxodo 15:26

Nerqataj: Sichus qankuna Señor Diosniykichejpa parlasqanta tukuy sonqo uyariwankichej, ruwankichejtaj imatapis cheqanta noqaj ñaupaqeypi kamachiykunasniyta, waqaychankichejtaj imaschus ruwaykunasniyta chayqa, egipciosman apachimorqani chay onqoykunata ni mayqenta qankunaman apachimusqaykichejchu; imaraykuchus noqamin thañichejniykichej Señorqa kani.

Isaías 53:5

Payqa nanachisqa karqa Diosta mana kasusqanchejrayku. Juchanchejrayku tukuy ukhun t'unasqa karqa. Pay jasut'ita jap'ikusqanrayku sonqo tiyakuyta apamuwarqanchej, chay jina k'irisqa kasqanwantaj jampisqas kanchej.

Salmos 30:2

Señor, Diosníy, yanapayniykita mañakorqayki, qantaj thañichiwarqanki.

Jeremías 17:14

Qan jampiway, Señor, jampisqataj kasaj. Qan salvaway, Señor, salvasqataj kasaj. Qanmin, Señor, yupaychanayqa kanki.

Salmos 147:3

Payqa sonqo p'akisqasta thañichin. Nanasqasnintataj jampin.

Santiago 5:15

Creespa mañasqanku onqosqata thañichenqa, Señortaj sayarichenqa; juchapi karqa chaypis, juchan pampachasqa kanqa.

Isaías 43:25

Noqarí, noqa kikiyta munakusqayrayku chay millay juchaykichejta pichani. Chay juchasniykichejmantaqa manaña yuyarikusajchu.

Marcos 2:5

Chay runaspa feninkuta rikuspataj, tunuyasqa runaman Jesús nerqa: Wawáy, juchasniykeqa pampachasqaña.

Números 12:13

Chaymanta Moisesqa qhaparispa Señormanta mañarqa: Mañakuyki ari, Señor, thañichiy ari payta, nispa.

Salmos 130:8

Pay Israelta libranqa tukuy juchasninmanta.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

2 Samuel 12:13

Davidtaj Natanman nerqa: Señorpa contrampi juchallikuni. Natantaj kuticherqa: Chay juchallisqaykimanta, Señorqa mana jasut'isonqachu, manataj wañunkichu.

Isaías 33:24

Mana pipis ima nenqachu: Onqosqa kani nispaqa. Sión llajtapi tiyakojkunaj juchasninkuta Diosqa pampachanqa.

Éxodo 34:7

Khuyakuyninwan waranqa waranqa runasta juchasninta pampachan munakuyninwan, jinallataj tukuy sajra kayninkuta, mana allin puriyninkuta, juchasninkuta ima. Chantaqa mana qhawallanchu tataspa jucha ruwasqasninkuta, payqa jasut'impuni, wawasninkupi, chaymanta aswan qhepaman wawasninkupipis kinsa mitakama, chayri tawa mitakama.

Salmos 41:8

Yuyankutaj: Supaypa onqochisqan chayqa, kunanqa manaña camanmanta sayarenqañachu, nispa.

Salmos 86:5

Qanqa k'acha kanki, perdonankitaj, qanta wajyakojkunapaj jatun munakuyniyoj kanki.

Salmos 130:4

Qampi perdonta tariyku; chayrayku yupaychasuyku.

Isaías 38:17

Qhawariy, kay jinata ñak'arispa waqayneyqa, kusiyman tukun. Qanqa kausayniyta t'oqopi ismunanmanta jark'arqanki. Qanqa tukuy juchasniyta pampachanki.