Salmos 10:13 - Qheshwa Biblia DC

¹³ Imaraykutaj, Señor Diosníy, sajra runas alqochakonqankuri?; mana cuentata mañanaykita yuyaspari?

DIOSPA QHELQACHISQAN DEUTEROCANONICAL

¹³ Imaraykutaj millayta ruwaspa purejkuna qanta pisipaj qhawasuspa, sonqonkupi ninku: Dios mana cuentata mañawasqaykuchu, nispari?

DIOSPA QHELQACHISQ

¹³ Imaraykutaj millayta ruwaspa purejkuna qanta pisipaj qhawasuspa, sonqonkupi ninku: Dios mana cuentata mañawasqaykuchu, nispari?

Salmos 10:13 Referans Kwoze

San Lucas 10:16

Pichus qankunata uyarejqa, noqata uyariwan; pitajchus qankunata qhesachajqa, noqata qhesachawan; noqata qhesachawajrí, kachamuwajniyta qhesachan.

Salmos 74:18

Yuyarikuy, Señor, enemigoqa qhasimanta ch'atasusqanta. Wampu runastaj qanmanta sajrata parlanku.

Salmos 74:10

Diosníy, mayk'ajkamataj enemigos toreawasqaykuri? Mayk'ajkamataj sajrata qanmanta parlanqankuri?

2 Crónicas 24:22

Rey Joasqa qonqapusqa Zacariaspa tatan Joiada khuyakoj sonqowan payta qhawasqanmantaqa. Wañucherqataj, Joiadaj wawan Zacariastaqa, paytaj manaraj wañushaspa qhaparerqa: Señor kayta rikumuchun, cuentatataj mañachun!

Números 11:20

Manachayqa qosqay aychata uj killa junt'ata mikhonqanku amichikunankukama, senqasninkumanta phullchichimunankukama. Paykunaqa noqata qhesachawanku, noqa Señor paykunaj chaupinkupi kashajtiy. Paykunaqa ñaupaqeypi waqanku, ninkutaj: Imapajtaj Egiptomanta llojsimorqanchejri?, nispa.

Génesis 9:5

Noqaqa cuentata mañasaj sapa uj runamanta, animalesmantapis qankunaj yawarniykichejta jich'ajtinku. Sapa uj runamanta cuentata mañasaj runa masimpa kausayninmanta.

1 Tesalonicenses 4:8

Chayrayku, pichus kay imasta qhesachan chayqa, mana runatachu, manachayqa Diosta qhesachan. Paytaj Santo Espirituta qosorqachej.

Génesis 42:22

Chaymanta Rubén paykunaman nerqa: Chayrayku noqaqa nerqaykichej ama ima sajratapis Joseta ruwanachu, nispa: qankunataj mana kasuwarqankichejchu, kunanqa yachaychej á llakiyninman chayanchej, wañuyninman chayanchej.

Deuteronomio 29:18

Kunanqa qankuna ukhupi ama kachunchu Señor Diosninchejta qhesachaj qhari, chayri warmi, chayri familia, chayri ima ayllupis chay nacionespa dioskunasninkuta yupaychajqa. Ama qankuna ukhupi kachunchu sach'aman rijch'akojkuna saphinmantapacha jayaq'eyoj wañuchina venenoyoj ima.

Job 24:12

Llajtamanta waqamunku wañupushankuña chaykuna, nanasqataj may llakiyta waqashanku; Diostaj mañakusqankuta mana uyarinchu.

Job 24:23

Diosqa saqen sumaj kusiypi kausajta, imaynatachus parisqantataj sumajta qhawan.