Salmos 1:3 - Qheshwa Biblia DC

³ Chay runaqa mayu cantopi kaj sach'a jina, tiempompi poqoj, laqhesnenqa q'omerllapuni, manataj q'elluyanchu. Tukuy ima ruwasqanqa allinman rin.

DIOSPA QHELQACHISQAN DEUTEROCANONICAL

³ Chay runaqa mayu kantupi sach'a jina. Maychus tiemponpi poqon, laqhentaj mana jayk'aj qawinchu. Tukuy ima ruwasqanpitaj allin renqa.

DIOSPA QHELQACHISQ

³ Chay runaqa mayu kantupi sach'a jina. Maychus tiemponpi poqon, laqhentaj mana jayk'aj qawinchu. Tukuy ima ruwasqanpitaj allin renqa.

Salmos 1:3 Referans Kwoze

Jeremías 17:8

Chayqa mayu patapi sach'a jina kanqa, mayunnejman saphej, chayqa mana manchachikonqachu q'oñi tiempo jamojtin. Chay sach'aqa may q'omerllapuni kanqa. Ch'aki watas jamojtimpis mana qawenqachu, poqollanqapunitaj.

Ezequiel 47:12

Frutasta poqoj tukuy laya sach'as chay mayuspa puraj ladosnimpi wiñanqanku. Chay sach'aspa laphisninku mana urmanqankuchu, poqoyninkutaj mana jayk'ajpis pisiyanqachu. Sapa killa poqoyta apanqanku, imaraykuchus Diosta yupaychana wasimanta llojsej yakuwan qarpasqas kanqanku. Poqoyninkoqa mikhunapaj allin kanqa, laphisnintaj jampipaj allin kanqa.

Salmos 92:14

Machu kayninkupipis poqollanqankupuni; sinch'itaj, q'omerllapunitaj kanqanku.

San Juan 15:6

Mana noqapi kakojqa, rama jina jawaman wijch'usqa kanqa, ch'akiponqataj. Chay ramasta tantaspataj ninaman enqhaykonqanku, q'olanqataj.

Ezequiel 19:10

Mamaykeqa uj uvas sach'aman rijch'akorqa, yaku cantopi plantasqa, sumaj poqoj sach'a ashkha q'omer laphisniyoj, ashkha yakuyoj kasqanrayku.

Génesis 39:23

Chayrayku carcelta qhawaj runaqa mana imamanta dakojchu José cuentayoj kashajtin, imaraykuchus Señor paywan kasharqa tukuy ima ruwasqasnimpi allin rinampaj.

Apocalipsis 22:2

Llajtaj plazan chaupipi, mayoj puraj chimpampitaj kausaj sach'a kasharqa chunka iskayniyoj poqoyta qoj, sapa killa ujta. Sach'aj laqhesnintaj nacionesta thañichinankupaj karqanku.

Ezequiel 17:8

Chantapis, sumaj jallp'aman plantasqa karqa, maypichus ashkha yaku karqa chaypi, chaypitaj sumajta wiñaspa poqonampaj, chantá k'acha uvas sach'amantaj tukunampaj.

San Mateo 13:6

Inti llojsimojtinkamataj qawiraspa ch'akiporqanku, saphisnin mana ukhupi kasqankurayku.

2 Crónicas 31:21

Diosta yupaychana wasipi tukuy ima ruwasqasnin, Diospa kamachiykunasninman, leyman jinataj ruwarqa, Diosta tukuy sonqowampuni mask'aspa, chayrayku paytaqa tukuy imapi allin rerqa.

Génesis 39:3

Patronnenqa repararqa Señor paywampuni kasqanta, chayrayku tukuy imapi allin risqanta.

Salmos 128:2

Llank'aspa poqochisqaykimanta mikhunki, tukuy imapi allin risonqa, kusisqataj kanki.

Isaías 3:10

Cheqan purej runata niychej allin rinanta, imaraykuchus makimpa llank'asqanta mikhonqa.

Isaías 44:4

Mirayniykeqa mayu cantopi qhoras chaupipi sauces q'erqemunku jinata wiñanqanku.

Job 14:9

Yaku kajtenqa q'omeryamullanqapuni, juch'uy sach'ajta jina ramasnenqa wiñamullanqapuni.

San Mateo 21:34

Uvas pallaypitaj, wakin kamachisninta kacharqa, paypa partenta qopunankupaj.

San Mateo 21:19

Ñan patapitaj uj higo sach'ata rikorqa, qayllaykuspataj laqhesllata tarerqa, chay sach'amantaj nerqa: Kunanmantapacha, ama jayk'aj poqoyniyki p'utuchunchu. Sach'ataj chay kikimpacha ch'akiporqa.

Judas 1:12

Paykunaqa, munasqa qarakusniykichejta ch'ichichanku. Mana manchachikuspa qankunawan khuska mikhunku, paykuna kikinkuta michikuspa. Paykunaqa kanku mana yakuyoj phuyus, wayraj apaykachasqasnin, poqoy tiempopi mana poqoyniyoj sach'as, iskay kuti wañusqas, saphinmantapacha t'irasqas.

Isaías 27:11

Sach'aj ramasnin ch'akipojtin p'akiranqanku; warmistaj pallaytawan ninaman enqhanqanku. Chay runasqa mana imata yachankuchu. Chayrayku, paykunata Ruwajqa mana paykunamanta khuyakonqachu, manataj sonqontapis nanachikonqachu ruwajnin jina.

San Mateo 21:41

Paykunataj kuticherqanku: Chay sajra llank'ajkunataqa, mana khuyaspa wañurachenqa; jallp'antataj waj llank'ajkunaman qonqa, cosechapi partenta qopunankupaj.

1 Crónicas 22:11

Kunanqa wawáy, Señor qanwan kachun. Señor Diosniykej yupaychana wasinta jatarichiyta atinaykipaj, imaynatachus qan ruwanaykita nisqanman jina.

Salmos 129:8

Pasajkunapis chayta rikuspa mana ninkuchu: Señor chaytaqa bendiciykun, nispa. Noqayku Señorpa sutimpi, qankunata bendiciyku.

2 Crónicas 32:23

Chaypacha ashkhas aparqanku Jerusalenman Señorman jaywanasninkuta, Judáj reynin Ezequiaspajtaj valorniyoj t'inkasta aparqanku. Chaymantapachataj Ezequiasqa waj nacionespaj aswan jatunchasqa karqa.

Números 24:6

Rijch'akun palma sach'as sinrulla kashajman, mayu cantospipis huertas kashanman jina. Señorpa plantasqan áloe sach'apis kanman jina, Yaku cantopi cedros jina.

Deuteronomio 28:8

Señorqa bendicisonqachej pirwasniykichejman junt'achispa; tukuy ruwasqaykichejpipis bendicisonqachej. Chantapis bendicisonqachej qosonqachej chay jallp'api tiyakojtiykichej.

2 Reyes 18:7

Señortaj paywampuni karqa; mayllamampis llojsejtin allimpuni paytaqa rerqa. Payqa Asiriamanta reypa contrampi oqharikorqa, payta mana sirviyta munaspa.

1 Crónicas 22:13

Tukuy imapi allin risonqa, leykunasninta junt'aj churakunki chayqa, jinataj Señorpa nisqasninta, Israelman Moisesnejta kamacherqa chaykunatapis. Kallpachakuy, sinch'itataj sayay; ama iskayrayaychu, amataj manchachikuychu.

Job 22:28

Imatachus nisqaykipeqa allimpuni risonqa, ñanniykitataj k'anchay k'anchamonqa.

Salmos 92:15

Chaytaj sut'inchawanqa: Jark'awajniy Señorqa cheqan kasqanta.

Isaías 58:11

Señorqa pusaykachasonqapuni. Ch'in pampaspi sumajta mikhuchisonqa. Tullusniykita sumajta kallpachasonqa. Qanqa sumaj qarpasqa huerta jina kanki, mana jayk'aj ch'akej yaku juturi jina.

Ezequiel 31:5

Chay jina ashkha yakuyoj kaspa, chay montepi sach'asmanta aswan jatun wiñarqa, ramasnintaj thansayarqanku, tukuynejmantaj may jatuchaj wiñarqanku.